|
#1
01-09-2010, 02:49 PM
|
||||
|
||||
استلم ايه مع الa113
ياريت من الاصدقاء يقولى لى ايه الى استلمه مع العربية وافتش علي ايه واكشف على ايه والحاجات المهمة الى ممكن الواحد من اللهوجة والسرعى ينساهاها
ولكم منى جزير الشكر 
|
|
#2
01-09-2010, 03:02 PM
|
||||
|
||||
رد: استلم ايه مع الa113
اخى الفاضل ماكساتا اولا مبروك على العربية وربنا يبارك لك فيها,اول حاجة هتعملها وانت بتستلم عربيتك هتفحصها كويس من برة وشوف لو حتة فيها مجروحة أو لونها مخالف للون العربية علشان معظم العربيات بتتجرح أثناء النقل من مكان لمكان والتوكيل بيبيعها على أساس انها زيرو وسليمة بعد التصليح وفيه اخ فاضل من المنتدى اشترى من المصرية للسيارات فرع المنصورة عربية M11 واكتشف عن طريق الصدفة ان اكصدامها مرشوش والزجاج الامامى والخلفى متغير وعامل معاهم مشكلة وربنا ينصفه هو وكل مظلوم وينتقم من عديمى الضمير الغشاشين وأنا شفت بعينى سواقين شغالين فى المصرية للسيارات فرع طنطا سايقين عربيات بأقصى سرعة وبيخدوا بيها غرز فى وسط الزحام وطبعا ممكن اى واحد فيهم يخبطها وبعدين يردوها ويرشوها ويلبسوها للزبون المسكين,,حسبنا الله ونعم الوكيل وربنا يكفينا شر الغش والغشاشين ويسترها معانا
وشوف الكماليات اللى أنت طالبها موجودة ولا لأ, جرب التكييف وشوفه شغال كويس ولا لأ وجرب الكاسيت وكل الكماليات الموجودة وافتح الشنطة واقفلها وجرب الابواب واتاكد انها مش مفارقة وشوف كل حاجة شغالة صح ولا لأ وشوف عداد الكيلومتر ماشى كتير ولا لأ. وأفتح الشنطة شوف الكوريك والأستبن موجودين ولا لأ وإوعى تنسى تاخد المانيوال بتاع العربية والكاسيت وأنت بتستلم وربنا يحفظك فى طريقك ورجاء عدم التسرع فى القيادة لان دى والله مش شطارة بالعكس دى خيبة قوية وانا بزعل اوى من اللى بشوفه فى الشوراع من الناس اللى بتستهتر بارواحها و ارواح غيرها وربنا يسلمنا جميعا فى طريقنا وشكرا
|
|
#3
01-09-2010, 03:08 PM
|
||||
|
||||
|
رد: استلم ايه مع الa113
شكرا على النصيحة الغالية وانا قريت موضوع المنصورة وربنا يستر بس ايه هو المانيوال الى لا انساه اقصد كتالوج العربية
|
|
#4
01-09-2010, 03:12 PM
|
||||
|
||||
رد: استلم ايه مع الa113
|
|
#5
01-09-2010, 05:55 PM
|
|||
|
|||
رد: استلم ايه مع الa113
بالنسبه للفحوصات الي هتعملها 1) اول حاجه افتح كل الابواب للاخر عشان تعرف في مشكله بالمفصلات والا لاء 2) حاول تقفل الابواب اكتر من مره شوف صوتها في تزيقه او رزع والا لاء 3) افتح الكبوت و اسنده علي السانده بتاعته وحاول تقفله شوف صوته اي اخباره واتعلم ازاي بيتفتح لان له زرار امان تحت الصاج 4) افتح الشنطه واقفلها وشوف اما تفتحها هتترفع لوحدها والا فيها عيب 5) اطمن علي الاستبن 6) اطمن علي كبايات العجل الي هي رمز العربيه الي بيكون علي العجل وهما 4 كبايات 7) لف بعينيك علي العجل كده اطمن فيه مشكله والا بايظ والا اي 8) افحص العربيه من جوانبها شوف الصاج مخبوط والا اي 9) اطمن علي وجود الاريال 10) شوف ازاز العربيه هل مخدوش او مخبوط بظلته 11) اطمن علي المرايات و شوفها بتتفتح كويس والا فيها عيب وازازها في كسر والا لاء 12) بص علي الشكمان وحاول تحركه بايدك شوفه ممسوك والا فيه خبطه 13) شوف الاقصدامات سايبه والا مربوطه كويس 14) اركب العربيه وشغل المارش بس ومدورهاش شوف العدادات نورت كلها والا لاء واسمع صوت الدنمو وافتح الازاز كله واطمن عليه واحد واحد 15) سيب المارش نصف دقيقه شغال وهوا شغال حرك الفيتيس شوف الغيارات كلها بدون استخدام الدبرياج 16) شوف الدبرياج و الفرامل و البنزين اتك عليهم شوف السوسته بتاعتهم بترفع الدواسه والا لاء 17) دور العربيه واسمع صوت الموتور 18) اتك علي دواسه البنزين شوف صوت الموتور و عداد الار بي ام 19) شغل نور العربيه و اطمن علي كل الفوانيس شغاله و بحاله ممتازة 20) خلي بالك ان نور المارشيدير بتاع 113 لمبه واحده بس و التانيه شبوره متقلقش ده تصميمها كده 21) قفل كل الازاز والابواب و شغل التكيف و اطمن علي صوته و جودته وكل الريش بتاعته ومنافز الهوا شغاله والا لاء 22) شغل الكاسيت و جربه باسطوانه هاتها معاك وانت بتستلم 23) لف الدركسيون و اطمن علي حركه العجل علي الارض وهات الدركسيون للاخر و اطمن عليه 24) اطمن علي الكلكس 25) اطمن علي نور الصالون و نور الشنطه الي بالامام ونور الشنطه الخلفيه 26) حرك الكراسي كلها قدام و وورا وحرك الظهر كمان 27) خد العامل الي هيسلمك العربيه و خد بيها لفه و لو مجرد طلعه واحده عشان تشوف الفرامل و تماسكها والدركسيون بيحدف والا لاء 28) اما تطلع بالعربيه تجبرها اما تيجي تفرمل سيب الدركسيون خالص وفرمل وشوف لو الدركسيون هيلف لوحده والا لاء بس راعي ان الارض تكون مستويه و مفهاش لا مطبات ولا ظلت 29) بعد ما تستلم العربيه باذن الله و خلاص كلو تمام حاول مره واحده تدوس علي 90كم وتفرمل مره واحده شوف قوه الفرامل و تحملها ومتقلقش لو شميت ريحه شياط بعدها عادي لان دي ريحه التيل لانه جديد عشن كده بقولك مره واحده بس تجربه فيها و بعد الاف كيلو باذن الله عيش براحتك تكييف بقي و فرامل خد راحتك وعن رائي 113 عربيه ممتازة و تستاهل فلوسها ربنا يباركلك فيها وعلي فكره كل الي قولتو ده كل ما بجيب عربيه بعمله و ده حقك و متتنازلش عنه وبالتوفيق يارب
|
 |
|
|
