هيونداى النترا 2010 ام كورولا مستعمل 2006

[dr_youssifomar]

السلام عليكم
بجد انا فخور بهذا المندى واشكر كل القائمين علية
بجد انا اتعلمت كتير عن السيارات بفضل هذا المنتدى
ارجو لكم مزيد من التقدم والتطوير
سؤالى هو كنت بفكر اشترى سيارة مستعملة لايزيد سعرها عن 90 الف جنية
للاستعمال داخل المدينة وبالطبع عاوزها اوتوماتيك
الكل رشحلى هذة الخيارات
1- النترا موديل 2009
2-كورولا موديل 2006
3- لانسر 1300 موديل 2008
بجد محتااار قوى دلونى اية رايكم واية الانسب
انا كل تحركى داخل المدينة ونادرا ما بسافر
وشكرا ليكم

[بدر بسيونى]

سؤالى هو كنت بفكر اشترى سيارة مستعملة لايزيد سعرها عن 90 الف جنية
للاستعمال داخل المدينة وبالطبع عاوزها اوتوماتيك
الكل رشحلى هذة الخيارات
1- النترا موديل 2009
2-كورولا موديل 2006
3- لانسر 1300 موديل 2008
بجد محتااار قوى دلونى اية رايكم واية الانسب
انا كل تحركى داخل المدينة ونادرا ما بسافر

اولا احب استفسر هو لازم مستعمل برغم ان المبلغ اللى حضرتك ذكرته اللى هو 90 الف ممكن يجيب عربية محترمة جديدة اتوماتيك لانى انا بصراحة مش من مؤيدى المستعمل الجديد جديد بس طبعا فى عربيات مستعملة محترمة وكويسة بس الموضوع مسئلة اقتناع من عدمه

انا شخصيا برشحلة النترا اتوماتيك او اوبترا اوتوماتيك

[مهند سالم]

بص يا سيدي المستعمل مش وحش، لكن عايز الخبير، يعني أنا لو معايا أي مبلغ مهما كان، وأنا راجل إيدي في السوق وخبرتي عالية -يعني ببساطة صعب جدا ينضحك علي- طبعا هأوقع حاجة مستعملة لقطة، لكن لو خبرتي قليلة عمري ما هأفكر في المستعمل وأنا ممكن أجيب جديد؛ لأن النصب في المستعمل كثير جدا، وعايز واحد مش بس عنيه في وسط راسه؛ لأ وخبير كمان، يبقى حضرتك عليك وعلى الجديد، عايز حاجة شبابي يبقى قدامك النترا وكيا سيراتو، وبروتون جين تو، وطبعا تويوتا ياريس بس بيتهيأ لي هتحط شوية كمان، أما لو عايز حاجة عائلية يبقى قدامك ماتريكس وممكن برده نيسان صني
بس طبعا لأن حضرتك عايزها أوتوماتيك مش مانيوال، مع إني بصراحة بأفضل المانويال، يعني مشاكله أقل وأقوي وسحبه أشد، عموما الياباني في الأوتوماتيك هيبقى غالي عليك شوية، فكدة يبقى قدامك الكوري، وتقبل مروري.

[dr_youssifomar]

بجد شكرا جدا جدا على هذة الردود الجميلة
طيب اية الجديد اللى ممكن اشترية فى حدود 90 الف ويكون اوتوماتك
بصراحة فية واحد قريبى قالى اننا ممكن نروح سوق الجمعة فى القاهرة ونوقع حاجة كويسة
بجد انا مقلق قوى من المستعمل بس الفلوس اللى معايا مش هتكمل تجيب حاجة جديدة كويسة
ولا انتوا رايكم اية.ptmnlo123per111

[dr_youssifomar]

شكرا خالص يا استاذ بدر على ردك
طيب اية ممكن اجيبة جديد اوتوماتك ويكون كويس ف حدود ال90 الف
وشكرا على تجاوبكم