هو الواحد مش ممكن يطلب من التوكيل يجيبله أوكتافيا مانيوال ومن ضمن الكماليات فتحة السقف

[الصيداح]

السلام عليكم ورحمة الله وبركاته

بإذن الله لو نويت أشتري جديد هتكون أوكتافيا ومانيوال بس الواحد كان نفسه يبقى فيها من ضمن الكماليات الجنوط الرياضية الأصلية وفتحة السقف
فلو الواحد طلب من التوكيل يجيبله أوكتافيا الفئة المانيوال بالإضافة إلى وجود جنوط رياضية أصلية وفتحة سقف

كم من المتوقع أن يكون سعرها؟


وجزاكم الله خيرا

[mainz]

السلام عليكم ورحمه الله وبركاته اكيد ان شاء الله كل ما تحتاجه فى السياره لازم التوكيل يعمله حتى لو الموديل المانيول بيجى من المصنع ما فيهوش فتحه سقف او كراسى جلد مثلا او اطارات رياضيه بتيجى العربيه للتوكيل عاديه راح التوكيل يعملها اعاده بناء مره اخرى فى الورش المخصصه للتوكيل ويتم اضافه كل ما تحتاجه للسياره بدون تغير فى الضمان ولكن فى الحاله دى بتدفع فرق السعر على الاضافات وهوا ده الى بيحصل فى التوكيلات عندنا فى المانيا
يعنى احنا مره عجبتنا عربيه ستروين c4فول اوبشن بانوراما موديل 2009 بس كنا محتاجنها نص اتوماتيك مش مانيول لكن التوكيل قال لنا هوا مش موجود فى المانيا كلها فى افرع التوكيل الطلب ده وعرض علينا نه يعمل للموديل الموجود عنده المانيول اعاده بناء فى الورشه عنده وده هيكلف زياده شويه فى السعر ولازم نستنى فى حدود شهرين او سوف يتم احضار الموديل ده من باريس جاهز بدون زياده فى السعر ولازم نستنى فى حدود الشهر لحد ما يجى فقررنا ان احنا نختار الحل التانى فانا عاوز اقول يعنى ان كل حاجه ممكنه بس بيتوقف على الزياده فىالسعر والوقت بس مش اكترلكن هيكلف كام فى مصر فرق السعر مقدرش افيديك ويا رب الاخوه الاعضاء يفيدوك وربنا يوفقك يا رب فى الشراء وربنا يبركلك مقدما

[mercedes]

المشاركة الأصلية كتبت بواسطة mainz السلام عليكم ورحمه الله وبركاته اكيد ان شاء الله كل ما تحتاجه فى السياره لازم التوكيل يعمله.................... ......................... ......................... .......فى المانيا

السلام عليكم و رحمة الله و بركاته

أنا دخلت أشوف الموضوع ده , عشان أنا كمان نفسى أجيب عربية أوكتافيا A5 مانوال عشان مشاكل الفتيس اتوماتيك اللى كنت قريت عنها, المهم , قريت المشاركة بتاعك و فضلت مااااااااااااااااشى و أنا فى قمة الدهشة لأنى حسيت انك بتتكلم على توكيل مرسيدس و لا جاجوار أو بنتلى , اللى هما بيعملوا العربيات بالspecial order لحااااااااااااااااااااااا اد ماوصلت عند كلمة المانيا اللى أنت كاتبها و هنا فهمت كل حاجة .

أكيد أنت بقالك كتير ماتعملتش مع التوكيلات فى مصر و أنا كمان ماتعاملتش مع توكيلات عربيات فى مصر , بس , من كلام الأخوة الأعضاء هنا , أن التوكيل ماشى بنظام ( بلحة و ان شالله تغضبوا ) .

بأه , انت هتجيب ألمانيا زى مصر برضه يا باشا .

MERCEDES E230

[الصيداح]

أولا أنا ممتن جدا للمشاركة الفعالة هذه
شكرا جزيلا لكم
لكن هناك مشكلة
وهي أني عايز السيارة تكون جاية ستوك كدة من بلد المنشأ
يعني موضوع الجنوط ده بسيطة أكيد هدفع فرق السعر وهيوفروهم مش معضلة
لكن هل ممكن أني أخليهم يعملوا فتحة سقف وهنا في مصر معتقدش أني يجيلي قلب أخليهم يعملوها
بس أنا أقصد أنها تكون جاية بهذا الوضع الذي أريده من بلد المنشأ
باختصار عايزهم يستوردوا لي عربية بهذه المواصفات كطلب خاص

ما رأيكم؟؟

[mainz]

المشاركة الأصلية كتبت بواسطة mercedes السلام عليكم و رحمة الله و بركاته أنا دخلت أشوف الموضوع ده , عشان أنا كمان نفسى أجيب عربية أوكتافيا A5 مانوال عشان مشاكل الفتيس اتوماتيك اللى كنت قريت عنها, المهم , قريت المشاركة بتاعك و فضلت مااااااااااااااااشى و أنا فى قمة الدهشة لأنى حسيت انك بتتكلم على توكيل مرسيدس و لا جاجوار أو بنتلى , اللى هما بيعملوا العربيات بالspecial order لحااااااااااااااااااااااا اد ماوصلت عند كلمة المانيا اللى أنت كاتبها و هنا فهمت كل حاجة . أكيد أنت بقالك كتير ماتعملتش مع التوكيلات فى مصر و أنا كمان ماتعاملتش مع توكيلات عربيات فى مصر , بس , من كلام الأخوة الأعضاء هنا , أن التوكيل ماشى بنظام ( بلحة و ان شالله تغضبوا ) . بأه , انت هتجيب ألمانيا زى مصر برضه يا باشا . MERCEDES E230

انا فعلا يا مرسيدس عمرى ما تعملت مع اى توكيل فى مصر انا اتعملت مع معارض وتوكيلات كتير فى المانيا واكيد التوكيلات كافكره عامه مافيهاش اختلافات لكن الاختلاف الحقيقى هوا فى البنى ادمين الى ماسكين ومشغلين التوكيل مثلا فى مصر حسب ما اسمع ان سمعه اى توكيل فى مصر مش ولا بود
ودى فعلا حقيقه وشكرا على المرور