إستفسار عاجل جداً لأعضاء منتدانا المفيد والجميل

[Logeen]

الزمـــلاء الأعـــزاء :
لقد إشتريت سيارة رينو لوجان 2010 منذ أسبوعان واشتريت لها Cover ( غطاء ) فى نفس يوم استلامها مباشرة وكان أحسن نوع وأقوى خامة وذلك للحفاظ على السيارة من الأتربة والسرقة وغيرها كما تعلمون ، ثم استيقظت خامس يوم لشراء السيارة الساعة السابعة صباحاً ففوجئت بسرقة غطاء السيارة الجديد ، مما أحزننى جداً وتشائمت جداً مما حدث لأنه سبق أن مررت قبل ذلك بنفس الموقف منذ 10 سنوات مع سيارتى الفيات 128 فقد سُرق كاسيت السيارة فى يوم وثانى يوم سُرقت السماعات والإكولايزر حدث هذا بالرغم من تركيب جهاز إنذار للسيارة !!!!!
فلدى عدة استفسارات أرجو منكم الإجابة عليها للأهمية :
(1) ماهو أحسن جهاز إنذار للسيارة ؟ اسمه نوعه بلد صنعه وإمكانياته ؟
(2) هل تركيب جهاز إنذار لسيارة جديدة مازالت فى أول الضمان يخرجها من الضمان كما سمعت من التوكيل ؟
(3) هل فى حالة تركيب جهاز إنذار للسيارة عن طريق كهربائى ماهر سيتم اكتشافه فى الصيانه عند الكشف على السيارة ؟
(4) ماذا نفعل للمحافظة على السيارة من السرقة لا قدر الله ؟
(5) ماهو الحل أو ماهى الطريقة للحفاظ على الغطاء من السرقة ؟
أرجو من الجميع الإجابة على إستفساراتى ضرورى ولكم جزيل الشكر مقدماً .

[m_o_sakr]

ربنا يعوض علي حضرتك
بالنسبه للإنذار لو اتركب خارج الوكيل بيخرج الأجزاء الكهرباء من الضمان , مش العربيه كلها, و ممكن حضرتك تركب الإنذار فى الوكيل
بالنسبه للغطاء, فى بعض الأنواع بيكون ليها شريط بيتربط من تحت العربيه و ده بيكون اصعب فى سرقته

[Rekaa]

ابقي خلي الباب يقفل عـلي الغـطا عشان لو حاول يسرقه هينقطع منو

واحسن لك تجيب غطاء قديم (مرقع)

الحرامي مش هيبصلو ههههه

وركب جهاز الانذار في التوكيل

في كدا جهاز انذار مش بيخلي العربيه تدور الا لزمن تفتحها بالسنتر

يعني لو فتحت العربيه بالمفتاح وجيت تدور العربيه مش هتدور والانذار يشتغل

بس مش عارف اسمو بصراحه

[massoft]

انا مع العضو ريكا

انت تركب غطا مرقع طالما انت موعود بالحاجات دى
و ربنا يسترها علينا كلنا

[بدر بسيونى]

المشاركة الأصلية كتبت بواسطة Logeen الزمـــلاء الأعـــزاء : لقد إشتريت سيارة رينو لوجان 2010 منذ أسبوعان واشتريت لها Cover ( غطاء ) فى نفس يوم استلامها مباشرة وكان أحسن نوع وأقوى خامة وذلك للحفاظ على السيارة من الأتربة والسرقة وغيرها كما تعلمون ، ثم استيقظت خامس يوم لشراء السيارة الساعة السابعة صباحاً ففوجئت بسرقة غطاء السيارة الجديد ، مما أحزننى جداً وتشائمت جداً مما حدث لأنه سبق أن مررت قبل ذلك بنفس الموقف منذ 10 سنوات مع سيارتى الفيات 128 فقد سُرق كاسيت السيارة فى يوم وثانى يوم سُرقت السماعات والإكولايزر حدث هذا بالرغم من تركيب جهاز إنذار للسيارة !!!!! فلدى عدة استفسارات أرجو منكم الإجابة عليها للأهمية : (1) ماهو أحسن جهاز إنذار للسيارة ؟ اسمه نوعه بلد صنعه وإمكانياته ؟ الموضوع مايفرقش كتير اهم حاجة ماتجبيش الرخيص لا كله ماليزى وتايوانى وصينى (2) هل تركيب جهاز إنذار لسيارة جديدة مازالت فى أول الضمان يخرجها من الضمان كما سمعت من التوكيل ؟ مش يخرج العربية من الضمان يخرجها من ضمان الكهرباء (3) هل فى حالة تركيب جهاز إنذار للسيارة عن طريق كهربائى ماهر سيتم اكتشافه فى الصيانه عند الكشف على السيارة ؟اكيد لان يوم ماحيصل اى مشكلة فى الكهرباء بتاعة العربية لاقدر الله حيقولك انت لعبت فى الكهربا فبكده خارج الضمان (4) ماذا نفعل للمحافظة على السيارة من السرقة لا قدر الله ؟ اركن فى مكان فيه سايس او عفير مثل جراج او مكان فيه مرور كتير ومنور وبلاش مكان ظلمة والاحسن جنب البيت (5) ماهو الحل أو ماهى الطريقة للحفاظ على الغطاء من السرقة ؟ هاتى غطى مش حلو الشكل على راى الاخوة الاعضاء مرقع او غطا بزى حبل بيتربط فى العربية من تحت بس الحل ده مش عملى للدرجة أرجو من الجميع الإجابة على إستفساراتى ضرورى ولكم جزيل الشكر مقدماً .

وقدر الله وماشاء فعل والحمدلله انها جت على غطى بس