مقارنه ظالمه بس تحير

[wassof]

اولآ قبل كل شيئ السلامه عليكم ورحمه الله وبركاته
أنا بعشق السواقه جدآآآ لدرجه ان بيجلي اكتئاب لو يوم عملت غلطه في السواقه وبحب اسوق اي سياره بدايتي مع السيارات اتعلمت علي 128 وبعدين سوقت عربيت خالي الشاهين وبحبها جدآآآ عربيه محترمه احلي غرز مع العربيه دي اللهم **صلي علي النبي وبعدي قررت استقل ويبقالي سياره فا اشتريت سياره بي ام دبليو 316 موديل 83 الشارك كنت عربيه كويسه بس كانت محتاجه شويه شغل بصراحه عمري ماشفت ثبات عن كده المهم العربيه مقعدتش معايه شهرين وعملت بيها حدثه مميته علي اثرها ادمرت العربيه دمار نهائي لدرجه انها اتباعت خرده لي انها دخلت في عمودين والسبب انها عربيه هلكانه بقالها 28 سنه يعني هلاك الهلاك
رغم انها مصبرتش لغايه لما كنت هسقطلها ماتور وعفشه كوني كنت هشدهاعلي الأخر بس قدر الله مشاء فعل
المهم انا بقرر اني اشتري عربيه ورغم هذا بفضل البي ام برضه بس لي الاسف المره دي مش زي الي قبلها المره دي هبقا ان شاء الله متزوج ومحتاج حاجه اقتصاديه وفي نفس الوقت حاجه ثبته كده زي البي ام فا حطيط 3 اختيارات اي نعم هيا اختيارات ظالمه بس محيره
اول اختيار بي ام دبليو 316او 318 موديل 1990
بس لي الأسف انا مش بحب الكربراتير فا هطر اسقط ماتور انجكشن وهطر اشتري عمود كردان وكرونه لوك وعفشه كوني وهلعب في العربيه ممكن تدخل في حسبه كبيره
ثاني اختيار هوندا سيفك موديل 93
وبرضه نفس الكلام هطر اسقط ماتور 1600 انجكشن وهطر اني اغير الكبالم وهطر برضه اغير عفشه وبرضه هاحب العب في شكل العربيه يعني هتدخل في حسبه كبيره برضه
الخيار الثالث وانا مجربتهاش بصراحه وهيا النوبيرا بس انا جربت الانوس ولقتها عربيه نعمه وسحبها حلو لكن النوبيرا بصراحه مجربتها ش انا رشحتها لي اسباب وهيا : عربيه موديل 2005 او 2006 بي ثمن العربيه البي ام 316 موديل 90 والهوندا سيفك وكمان هيا بي الكبير اووي هكون ثاني يد او ثالث يد وكمان ماتورها هيكون بصحته ومش هطر لي تسقيط والشغل ده بي الكبير اووي هلعب في شكلها وهغير عفشه هاخليها كوني عفشه رياضيه وجنوط كبيره

فا انا حبب اعرف انهي من العربيات دي تنفعني انا بحب السرعه والثبات وبحب العربيه لما تكون مريحه مش كل شويه يظهرلها حاجه وكمان انا في فتره محتاج عربيه شيك ثبات سريعه قطع غيارها متوفره ورخصيه واعطالها قليله
فا انهي انسب لي البي ام ام السيفك ام النوبيرا مع العلم اني هسقط لها عفشه رياضيه وجنوط عريضه فهل دي تساعدها علي الثبات مثل العربيات الي ذكرتها دي

اسف علي الأطاله

[حسام البورسعيدى]

شوف يا باشا ...

طبعا انت مش مختاج انى اقولك ان البى ام احسنهم كعربية او كماركة لكن كعملية وسهولة صيانة طبعا صعبة ...

وطالما انت بتحب الجرى والغرز والكلام ده يبقى مش هنصحك بالنوبيرا برضه لانها عربية تقيله ومش بتاعه جرى وكده ..

بالنسبه للهوندا عربية ممتازة وكمان ممكن تسقطلها موتور sir هتبقى عربية طلقة معاك ..

وكمان الهوندا تقبل اى تعديلات ومتقولش لا ..

فنصيحتى ليك الهوندا وكمان ممكن تجيب هوندا 94 دى اعتقد انجيكشن بس مش متاكد ...

وبالتوفيق يا باشا ...

[wassof]

المشاركة الأصلية كتبت بواسطة حسام البورسعيدى شوف يا باشا ... طبعا انت مش مختاج انى اقولك ان البى ام احسنهم كعربية او كماركة لكن كعملية وسهولة صيانة طبعا صعبة ... وطالما انت بتحب الجرى والغرز والكلام ده يبقى مش هنصحك بالنوبيرا برضه لانها عربية تقيله ومش بتاعه جرى وكده .. بالنسبه للهوندا عربية ممتازة وكمان ممكن تسقطلها موتور sir هتبقى عربية طلقة معاك .. وكمان الهوندا تقبل اى تعديلات ومتقولش لا .. فنصيحتى ليك الهوندا وكمان ممكن تجيب هوندا 94 دى اعتقد انجيكشن بس مش متاكد ... وبالتوفيق يا باشا ...

طيب ال94 لو حالتها حلوه تعمل في رنج كام