انا تعبت من دريكسيون اللادا تقيييييييل جدا

[Amr Diab]

انا تعبت من دريكسيون اللادا تقيييييييل جدا
ومش بعرف اتحكم فى العربية لما بلف
مفيش حل او لو جبت طارة سبور تبقى احسن وخصوصا لو صغيرة ولا ايه

[احمد شهاب]

اولا- حذارى من تركيب طارة سبور لانها ستزيد من تقل الدركسيون
ثانيا- زود العجل الامامى شوية وعلى العربية من قدام بكاوتش تعلية وقبل كل دة شيك على بيض المقصات لان من علامات تلف بيض المقصات انها تحجر وتابع تشحيم بيض المقصات السفلى وبيض المقصات العلوى اعمل لة مشاحم اوتضع فى مقصات فوق بيض مقصات تحت..ولو المناول على جابة فبر غيرة الى مناول على بلى
اعمل الحاجات دى وان شاء اللة الدركسيون ها يخف
ثالثا تحية اعزاز وتقدير لكل رفقاء المعاناة مع علب الدركسيون الحجرية ..والحمد للة على كل حال

[Mohammed Khalid]

الحل تركيب اسكاترا بتاع الشاهين انا مركبها وهتنسى موضوع الدركسيون ده خالص بس صنايعى بتاع عفشة يكون بيركبهم التكلفة من 800 الى 1000 وكل حاجه عليه بس خليه يجيب علبه اصليه

[zing0]

الحل تركيب اسكاترا بتاع الشاهين انا مركبها وهتنسى موضوع الدركسيون ده خالص بس صنايعى بتاع عفشة يكون بيركبهم التكلفة من 800 الى 1000 وكل حاجه عليه بس خليه يجيب علبه اصليه

لو ممكن حضرتك تخدمنا فى الموضوع ده
بيجيب اسكاترا شاهين و يركب على طول و لا بيعدّل حاجة؟
محتاج يغير أى حاجة غير العلبه و لا العلبه بس؟
و الأهم علشان ده اللى معقدنى .... العربية بقت بتلف فى دايرة قطرها أقل و لا لسه مع كل يوتيرن ضيق شوية توقف الشارع؟

[Mohammed Khalid]

يا باشا هتحس ان العربية حاجه تانى خالص طبعا كل الوصلات اللى من علبة الدركسيون والمناول والعلبة كل ده بيشتال هتلاقى العربية فى المطبات انعم والصيانة اقل وعلبة الدركسيون ما شاء الله عمرها طويل جدا هو بتاع العفشة عارف كل حاجة وزى ما فلت لحضرتك هوه عليه كل حاجه هوه بيعمل تعديل فى الشكمان وبجيب وصله يطول بيها وصلة الدركسيون للعلبة الجديدة وبيلحم خوصتين حديد فى الكامره اللى شايله الموتور علشان بيثبت فيهم العلبة عادى مفيهاش حاجة طبعا بتاخد منه شوية وقت بس لازم صنايعى يكون عملها قبل كده وعلب الدركسيون انواع تقريبا من 250 الى 450جنيه وزى ما قلت لحضرتك بيركبوها من 800 الى 1000 والسعر اللى ماشى 1000 وممكن اكثر حسب المنطقة والبلد وهوه عليه كل حاجه