ريموت العربيه بينور و مش شغال

[adel_ahmed91]

عندى مشكله بعد تغيير بطاريه العربيه الريموت بينور لكنه مش شغال مع العربيه هل من حل ﻷعربيه

[mr_astra]

يعنى العربية بتدور بالمفتاح لكن السنتر ووحدة الرفع والشنطة مش شغالة ؟؟؟؟؟؟؟

انا شايفك اوف لاين يبقى نقول الاحتمالين
الاول وهو لو ان العربية بتدور مارش بالمفتاح اللى فى الريموت لكن فاصلة سنتر ووحدات رفع ....الخ
يبقى لازم تفتح الكابوت وهتلاقى زرار فى شنب العربية وانت واقف امام الكابوت على ايدك الشمال
الزرار دة اتاكد انة متثبت كويس جدا فى العربية وحاول تدوس عليها بصباعك واتاكد انة شغال لتحت ولفوق تمام
او حتى جرب انك تدوس علية بصباعك لتحت وجرب السنتر بتاع العربية من الريموت
وبامر الله هايشتغل

الحالة التانية
لو ان العربية مش بتدور خالص
يبقى المفتاح عاوز يتشفر او تعملة اعادة برمجة على كمبيوتر العربية والطريقة كالتالى

اركب العربية واقفل الابواب كلها
دوس على زرار فتح الابواب مع الاستمرار فى الدوسة
دخل المفتاح فى الكونتاكت
افتح كونتاكت واقفلة (مع الاستمرار فى دوسة مفتاح الريموت) عدد 4 مرات
فتح وقفل متتالى بفارق زمنى اقل من ثانية
شيل المفتاح من الكونتاكت
وجرب دور العربية وجرب سنتر وكل الوظائف
متابع معاك بامر الله

[drmedo82]

كلام مستر استرا تمام ومسبش كلام تاني لاي حد يقوله فكلامه كامل ووافي

[adel_ahmed91]

الحمد لله السنتر اشتغل شيلت الكابل الموجب و ركبته تانى اشتغل و ده كان بسبب انى كنت لسه مغير البطاريه و كلمت الراجل بتاع البطاريات قالى جرب الحرجه دى و فعلا اشتغل بس انا عندى استفسار تانى انا عندى وحده الرفع كانت شغاله مع الريموت و بعد كده مشتغلش تانى و لمبه التابلو و الانزار برضه مش شغالين من ساعت مجيب العربيه ممكن يكون العيب فى ايه

[mr_astra]

طيب مهو وانت بتركب البطارية حصل اللى حضرتك عملتة
عملت ريستارت لكمبيوتر العربية
المهم
كدة عندك مشكلة فى وحدة السنتر الرئيسية
مكانها اسفل طابلون العربية عند رجلك الشمال
شكلها علبة سوداء مقاس مثلا 15 × 30 سم حاجة كبيرة كدة
وداخل فيها فيش كتير
لو شلت الفيش دى ونضفتها بسائل تنظيف مخصص للكهرباء
ونضفت الوحدة نفسها بنفس السائل (مكان دخول الفيش )
وركب الفيش تانى وجرب
بمجرد ما اللمبة تنور هتلاقى كل الوظائف اشتغلت

بس معلش اسمع كلامى وشيك على الزرار اللى حكيت علية فى المشاركة الاولى لى