سياره جولف 2

[haitham shalaby]

السلام عليكم ورحمه الله وبركاته ازيكم ياشباب انا لسه جديد فى عالم الجولف بس مش جديد فى عالم التعديل كان عندى عربيات قبل وكنت معدلها بس اول مره اشترى جولف انا بحب الالمانى وبالذات الموديلات القديمه والجولف بتستهوينى علشان شكلها مميز انا بالفعل اشتريتها بقالى 5 شهور بس لسه ماركبتهاش لغايه دلوقتى هى دلوقتى مرفوعه بس قبل ما ارفعها انا شدتها كلها هى فبريكه دواخل وخده شويه سمكره وبويه وشديت الصالون شد كامل من الارضيه لحد السقف بس انا حاسس ان فى حجات كتير ناقصه كنت عايز اسأل حضراتكم وارجوا انكم تفيدونى بخبرتكم هى فيها مكنه 1300 حالتها جيده وفيها جنط 14 هل الجنط ده كفايه على المكنه ده ولا اكبره ولو وطيت العربيه شويه على الجنط ده هيبقى شكلها حلو ولا احسن انى اغير الجنط بجنط اعلى 15 مثلا بس لو غيرت الجنط ده هيتقل الطاره خصوصا انها مافيهاش باور وهل ينفع انى اركب مكنه باور على الماتور ده وبعد كده اجنط وكنت عايز من حضراتكم تشوروا عليه بأفضل مقاس للكاوتش ده لو هجنط والفوانيس الخلفيه هل فى حد يصبها ولا افيم الجزء العلوى تفيم عادى

[haitham shalaby]

كنت عايز اسأل بالنسبه للمكنه ال1300 هل هى سحبها معقول ولا ضعيفه انا لسه لغايه دلوقتى ماجربتش العربيه بس الى بسمعه عن سحب الجولف انه ناعم وتجميعه سريع حتى لو كان 1300 هل ده حقيقى وايه الى ممكن اعمله فى المكنه من سرفيس يخلها تفوق

[AbOnOrA]

اهلاً بيك يا هيثم فى مصر موتورز

اولاً بالنسبة للجنط مقاس ال 14 ده مش رياضى خالص طبعاً لا شكل ولا اداء ال 15 متوسط وبدايه الرياضى من 16

بالنسبة لتقل التاره ملوش علاقه بحجم الجنط لكن ليه علاقة بعرض الكاوتش وكل ما كان الجنط سبور اصلى كل ما كان خفيف فى الوزن ومش هيتقل التاره

موضوع انك تركب باور ممكن بس ادائه هيبقى عامل ازاى وهيبقى فيه بوش ولا لاء وخاصة انت شكلك بتلعب بالعربيه وبالتالى عايز ثبات واداء قوى مش هيتناسب مع باور يطلع مش مظبوط

وبالنسبة للمكنة ال 1300 ديه ضعيفه طبعاً بس هو السؤال الاساسى انت عايز توصل بيها لاداء شكله ايه
يعنى تبقى عربيه شكلها حلو ولا اداء ظريف ولطيف ولا اداء قوى ولو قوى عايزة يبان فى الدراج ريس ولا اوتوكروس ولا ايه ولا ايه

وياريت لو تبعتلنا صورة العربيه علشان نفكر معاك بشكل افضل

[haitham shalaby]

شكرا جدا على الرد السريع وعلى المعلومات القيمه ده وارجوا انى ماكنش بتقل عليكم - انا فهمت من كلامك انى ممكن اركب جنط رياضى من غير مااركب باور وده كلام جميل انا فعلا بحب الجرى واللعب بس فى نفس الوقت انا مش عايز مكنه تكون معقده وشغلها كتير ومعقد وفى نفس الوقت انا مش عايز مكنه كبيره اوى انا عايز العربيه يكون ادائها معقول ورشيق وبالنسبه لشكل العربيه عايزها تكون شيك بس ببساطه وانا هنزل صور العربيه علشان تشوفها وتفدنى اكتر