ارجو ممن عندهم لادا2107 او متخصصون فيها معرفه ثباتها بعد 100ك

[KHALED123V]

قدامي عربيه لادا 2107 /2006 عايز اشتريها هي حالنها ممتازه مرفوعه 3سنين يس فى واحد خوفوني من عربيات لادا عموما وقالي انه ثباتها ضغيف خصوصا بعد 100 ولو حصل حاجه لبيض المقصات انسى نفسك هل الكلام ده صحيح؟ وانه العفشه بتاعت الادا ضايعه خالص وفى المطبات مش تاعمه . العربيه بتاعت عمى وحيدهالي كهديه ب 17 الف لانه جاب معاه باسات من الخارج اللى حوفنى منها هو سمسار ويعرف عربيه عمى كويس قال لى خدها ب 17 وابيعهالك باكتر من 25 الف وانا مش عايز اعمل كده .باربت عرف ثباتها بعد 100 وازاى اخلى الاحساس بالمطبات فيه نعومه وصحيح بيض المقصات ده ؟ اذا كان كل المصايب دى فى الادا استنى شويه واجيب لانوس

[Oussama]

بص خلاصة الكلام .... مفيش عربية فى مصر بعد 100 او 120 بتكون ماشية مستريحة غير لما يكون صاحبها معدل فيها عفشة كامله او حتى طقم جنوط محترم علشان يشد على السريع

الادا بقا تقعد فيها تعمل حسابك انك مش حتكون مستريح فيها حتى و انت بتسوق او حتى ورا على الكنبة

مشكلة العربية الوحيدة هى بيض المقاصات لازم يتشحم كل 3 شهور

غير كده ادخل بالعربية فى الحيط و لا يهمك عربية متقولش لا بس ربنا يديك الصحة انك تسوقها

بس شكلك كده او مرة تركب عربية ؟؟

[KHALED123V]

اشكرك على الرد والمعلومات القيمه . بالفعل جتكون اول عربيه لى

[zing0]

بص يا باشا خلاصة اللادا
العفشة ناشفة, يعنى كل حصوايه صغيرة (مش طوب كبير) فى الطريق هتحس بيها
الثبات عادى لحد الـ100, يمكن دى ميزة للدركسيون الثقيل, بس خلى بالك من البوش إللى فيه
طبعاً الدركسيون لو مش باور و المناول بتاعة على فبره(مش على بلى) هيبقى "حجر رحايا" بالمعنى الحرفى للكلمة.
العفشة بتاعتها كلها (مش البيض بس) كلها عاوزه زيارة كل شهر أو شهرين (حسب طريقك) علشان عفشجى محترم يربطها و يطمئن عليها, و ربنا يسلم طريقنا.
نصيحه: لو معاك فلوس تكفى تجيب لانوس شيل فكرة اللادا من دماغك نهائى و خليك فى اللانوس, فرق السما و الأرض.

[mr_astra]

طيب ولية ما يجبش الادا يتعلم عليها واهى احسن عربية للتعليم ويخبط بيها الناس كولها وما يجرلوش حاجة ولما تكمل فلوسة يبيع بـ 27 الف ويكمل ويجيب حاجة كورى اى كان