الطريفة الصحيحه للمطبات

[new_man]

السلام عليكم
اهلا بكم اخوانى

انا جديد ف عالم القياده والسيارات عموما , الحمد لله اشتريت سياره لادا 2105 وحابب أسأل حضراتكم سؤال وهو:

- لو انا دلوقتى على سرعه 60 / 70 وفيه مطب امامى على بعد 30 متر مثلا , انا بضغط على الدبرياج وامور العربية وبعدين بضغط سنه فرامل لحد العربيه ماتهدى واعدى المطب اروح مديها غيار الاول واكمل المشى

- هل دى طريقه صحيحه ولا انا سمعت انها ممكن تضر الديسك , يعنى فيه مشكله انى اضغط الدبرياج الاول وبعدين الفرامل ولا الصح اضغط الفرامل الاول وبعدين الدبرياج

مشكورين مقدما

[abokoko]

احيانا بدوس على الفرامل لوحدها وانا داخل على المطب لما يكون خفيف وعايز مجرد تهديه للعربيه
لكن فى المطبات الكبيره باستخدم الدبرياش الاول او مع الفرامل
ولو الطريق معروفه لى وانا مش مستعجل بمور العربيه قبل المطب واخد المطب على المور
وبعدين اطلع على التانى
واخد المطب على المور بيكون فى الغالب الاعظم من المطبات
ده اللى بعمله

[peter magdy]

انا لسة جديد بردو
بس وقت بمور العربية و افضل دايس فرامل لغاية ما اطلع المطب و انا فوق المطب او نازل منة بدى الغيار و امشى تانى
و ساعات بهدى بفرامل بس لغاية قبل المطب بحاجات بسيطة و قبل ما العربية تكركر بدوس دبرياج علشان متقفش ولا تضر الموتور - و سمعت الطريقة التانية هيا اللى صح
لاخر وقت ادوس دبرياج
بس ممكن اصحاب الخبرة يفيدونا بالطريقة الصحيحة و بتجافظ على الدبرياج

[abokoko]

فى الانتظار الافادة

[zing0]

حضرتك بتسأل علشان متحملش على الدبرياج ... صح؟
الصح أنك و أنت محتاج تهدى العربية, سواء فى نزلة كوبرى أو قبل مطب أو .... تدوس دبرياج و تنقل مور و تخلى رجلك عالفرامل بس, و بكده تقدر تتحكم فى سرعة العربية بدون التحميل على الدبرياج.

مع المطبات بالأخص. حاول تدوس فرامل طول ما أنت قبل المطب
أول ما العربية تدخل عالمطب لازم تكون رجلك بعيدة عن الفرامل تماماً, حتى لو سرعتك لسه عاليه, علشان يايات العفشه تكون مفتوحه و تمتص إللى تقدر عليه من المطب, إنما الفرامل بتقفل اليايات و ممكن تتكسر لاقدر الله.

ربنا يسلم طريقنا