العربية بتكركر على السلانسيه ؟؟؟

[samehsaeed]

السلام عليكم ورحمة الله وبركاته
أزي الحال يا شباب ، معلش عندي سؤال رفيع ، أنا معايا أوبترا 2009 مانوال، المهم من فترة كده كنت ماشي في شارع وكان في إصلاحات وكانوا مخليين طريق للعربيات تمشي منه بس كان فلة يعني، المهم الطريق ده كان فيه مطلعين كده جامدين جدا بس صغيرين المطلع تحسه واقف زي مطالع الجراج كده، المهم الدنيا كانت زحمة جدا ومفيش مجال ادوس بنزين فطلعتهم على الاول من غير ما ادوس بنزين مجرد رفعت رجلي من على الدبرياج والعربية طلعتهم وزي الفل الحمد لله بس العربية وهي بتطلع راحت مرجرجة وكركرت وديه كانت أول مرة تكركر كده بالشكل ده المهم بعدها كل ما ابقى واقف واطلع على السلانسية تروح مكركرة روحت للميكانيكي قالي نغير البوجيهات غيرتها وجبت الأصلية بتاعة GM بس برده مفيش فايدة، ياترى ممكن تكون المشكلة من ايه ؟

[حمدى مخترع مانيوال بدون د]

حلو قوى الفنوس الى انت حاضنو فالتوقيع دة جايبو بكام شوف يا سيدى العيب الى عندك منك مفيش حد بيطلع مطلع من غير ما يدوس بنزين المتور فالسلنصية غير قادر على جر عربية فمطلع ممكن يطلع لو الطريق عدل وتكون طلعتك فالعدل بطيئة مش مفاجئة ابقى دوس بنزين وانت طالع بالعربية بلاش كسل تقبل مرورى تحياتى ليك

[samehsaeed]

أولا تسلم على الرد يا باشا ، وأنا عارف إن أنت عندك حق بس أصل العربيات كانت لازقة في بعضها ومفيش مجال تدوس ولا سنة بنزين حتى ، ما علينا دلوقتي بقى الكركرة اللي ظهرت ديه ممكن تكون سببها ايه ؟

[حمدى مخترع مانيوال بدون د]

لما بدوس دبرياج الكركرة بتروح اوصف الصوت طب لما بتزود الكركرة بتروح

[samehsaeed]

بص ياباشا لما برفع رجلي من على الدبرياج من غير ما ادوس بنزين العربية بتكركر وبالذات لو مشغل التكييف وده لما بتكون العربية وافقة وهطلع لكن لو العربية بتتحرك مش بسمع الصوت ده، والصوت بالظبط ممكن نوصفه انه عامل كده (بك بك بك بك بك بك)