صوت من ماستر الفرامل

[saleh samir]

السلام عليكم
من مدة كده وانا بسمع صوت تكة وانا بدوس فرامل .. وانا اظن الصوت جاى من المستر بس مش قادر احدد اليمين ولا الشمال ولا الاثنين ..هوا الصوت بالظبط بيظهر لما اكون مااااااشى ودوست فرامل بهدى واول لما اشيل رجلى من ع الدواسة الصوت يظهر تك .. ولو دوست وشيلت تاااااانى بردو تك .. هل ده طبيعى !!

مع العلم اداء الفرامل كويس نسبيا يعنى مش حاسس ان ف مشكلة

[mr_astra]

التيل بيلق فى مكانة
اما ان البسكوتة اللى تحت التيل متاكلة وعاوزة تتغير ودة الاحتمال الارجح
او التيلة اللى بتقفل على اللقمة مش راكبة اصلا

[Hisham.Elgazzar]

فعلا زى ما مستر أسترا قال سوستة التيل

[saleh samir]

المشاركة الأصلية كتبت بواسطة mr_astra التيل بيلق فى مكانة اما ان البسكوتة اللى تحت التيل متاكلة وعاوزة تتغير ودة الاحتمال الارجح او التيلة اللى بتقفل على اللقمة مش راكبة اصلا

يعنى فيه مشكلة انا كنت حاسس ..طب ينفع امشى عليها لغاية ما اروح لبتاع الفرامل ولا غلط وممكن اى حد يعملها ولا لازم متخصص واقولو ايه .. لما اروح آسف للاطالة

[mr_astra]

مفيش مشاكل تمشى بيها شوية
ولازم تروح لفرملجى مش ميكانيكى ولا عفشجى
ولما تروحلة تقولة فى صوت بيطلع مع دوسة الفرامل
على فكرة قصة 20 جنية بالكتير