يا الشفاط مشدود يا إما تبطل.... ليه؟

[zing0]

السلام عليكم
عندى سؤال فنى أحب أتأكد من إجابته.
العربية عندى بأسخنها الصبح لمده كافيه (قد تتعدى العشر دقائق أو الربع ساعة)
بأسخب الشفاط و أضغط أمبلية عالدواسة عدة مرات و أسيبها تكمل مع الشفاط.
بس برضه أول ما أنزل الهاند و أبدأ أطلع ألاقيها بطلت, و طول ما أنا ماشى (لمدة حوالى ثلث ساعة كمان تقريباً) لازم أفضل شادد الشفاط يا إما تبطل.

إللى أعرفة إن الشفاط بيزود دخول البنزين و يقلل الهواء.
أنا لسة عامل صيانة للكربراتير, و مغير أبلاتين و كوندنسر و ضابط كهربا من فترة قريبة (رغم إنها عالية شويه لأن العربية بتترج رجه خفيفة بعد ما أبطل العربية من مشوار)
السلانسية عندى بيبقى فى الأول واطى, يعنى 400/500 لفة/د, بس بعد ما أمشى بيها ساعة مثلاً ( و طبعاً من غير الشفاط) بيبقى عالمضبوط بتاعه >> 800 لفة/د

المهم, إللى شاكك فيه >>> التاكيهات
الميكانيكى كان موسعها علشان الصيف, و طبعاً وسعت أكتر, و دلوقتى الجو بارد فتقريباً هو ده السبب فى إن العربية مبتسخنش بسهوله و كل شوية تشرق و تبطل.
ملحوظة كمان: لسه مغير طقم بوجيه و الأسلاك بتاعته من فترة قريبة.

[zing0]

خير يا جماعة ؟؟؟
طيب واحد أثنين ثلاثة عندهم ظروف, نت فصل, جالة ضيوف,خارج البيت, مفروض علية حظر تجول....... و الباقى ؟؟؟؟؟
Yahiaashraf
mr astra
AbOnOrA
Hisham ElGazzar
Hassanin Lada
Sayed 2077
Cars admire
Marlborooo
ahmed gamal777
eng/walaaeldeen
M.Tonsy
محمد صلاح القاضى
حسام البورسعيدى
حمدى مخترع مانيوال بدون دبرياج
نبيل عبدالرحمن

و بالتأكيد نسيت ناس كتير أحببناهم دون أن نراهم.

منتظرين رأيكم كما تعودنا منكم.

[ahmed_gamal777]

بص يا كبير الشفاط مش بيقلل البنزين ويزود الهوا
لا بيفتح اكتر لبوابة - يعنى دخول هوا اكتر وبنزين اكتر
شد لشفاط دا وانتى ما شى بياكد شكوكى
غير فلتر البنزين ( نضافة ) ونضف بيك السلانسة
بيك السلانسية مسئول عن مستوى ثبات ضخ البنزين فى حالة وضع الاستعداد او بالبلدى فى حالة العربية دايرة وهتطلع على الاولنى
طيب
بيك السلانسية هنا مش بيك سلانسية الكربيراتير بس
لا دا بيك جانبى فى الكربيراتير من ناحية اليمين
يعنى وانت واقف على يمين العربية تضرب عينك تحت العمة بتاعت فلتر الهوا تلاقى حتة كدة بتاع مفك عادة - تدخل فيها المفك وغالبا سن كبير وتفكة هيطلع فى ايدك وغالبا دا مقاس 50 او 60 على ما اتذكر
تطلع وتنفخ فية وياسلام عليك تبقى ولد لوفكيت من بعضة تلاقى جواة فتح زى الشعر تنضفها بالنفخ فية او بشعر سلك نحاس
وان شاء الله وبعونة مش هتبطل معاك تانى على السلانسية
وطمنى عليك
واقبل اعتذارى فى تاخرى فى ردى على حضرتك

[hassanin_lada]

المشاركة الأصلية كتبت بواسطة ahmed_gamal777 بص يا كبير الشفاط مش بيقلل البنزين ويزود الهوا لا بيفتح اكتر لبوابة - يعنى دخول هوا اكتر وبنزين اكتر شد لشفاط دا وانتى ما شى بياكد شكوكى غير فلتر البنزين ( نضافة ) ونضف بيك السلانسة بيك السلانسية مسئول عن مستوى ثبات ضخ البنزين فى حالة وضع الاستعداد او بالبلدى فى حالة العربية دايرة وهتطلع على الاولنى طيب بيك السلانسية هنا مش بيك سلانسية الكربيراتير بس لا دا بيك جانبى فى الكربيراتير من ناحية اليمين يعنى وانت واقف على يمين العربية تضرب عينك تحت العمة بتاعت فلتر الهوا تلاقى حتة كدة بتاع مفك عادة - تدخل فيها المفك وغالبا سن كبير وتفكة هيطلع فى ايدك وغالبا دا مقاس 50 او 60 على ما اتذكر تطلع وتنفخ فية وياسلام عليك تبقى ولد لوفكيت من بعضة تلاقى جواة فتح زى الشعر تنضفها بالنفخ فية او بشعر سلك نحاس وان شاء الله وبعونة مش هتبطل معاك تانى على السلانسية وطمنى عليك واقبل اعتذارى فى تاخرى فى ردى على حضرتك

الله ينور عليك ياهندسه

بس انا بقي في حاجه تاني في دماغي الراجل بيقول انها بتترج لما يطفيها يبقي كهربا زياده !!

يعني الميكانيكي اللي ظبطها عقاطي : shyy:

يبقي تروح لواحد تاني يظبلط الكهربا

وبعدين تاخد بعضك علي بتاع الكاربرتير يظبطلك الهوا والبنزين حتي لو الميكانيكي ظابطهم

وانشألله هتلاقي العربيه زي الفل

ادي للميكانيكي 5 جنيه وبتاع الكاربرتير زيهم وريح نفسك

[youssef_elgbaly]

المهندس احمد جمال كتبلك الصح +1
وبرده مع المهندس حسين فى حكاية الكهرباء+1 روح لميكانيكى تانى وبالمرة يبصلك على خلوص فتحة الابلاتين ولو كهرباء زيادة يعنى تدور وتبطل تلاقى العربية بتترج شوية بعدين تبطل كده كهرباء زيادة مفتاح 13 وفك صامولة الاسبراتير ولف الاسبراتير لورا ناحية الشمال كده تاخير مع اتجاه عقارب الساعة الكلام ده اظبط وانت مدور وممكن تظبط بطريقة اللمبة بوضع سلك على الموبينة والاخر على الكوندينسر وتلف الاسبراتير يمين وشمال لغاية لما اللمبة تنور واربط على كده وتم شرح الطريقة ديه ومعرفتها بواسطة المنتدى بس مش فاكر اللينك
ملحوظة السلك اللى هاتركبه على الموبينة لطريقة اللمبة بيبقى على صامولة الموبينة الغيرة صامولة 8 كده اربط فيها السلك اوى تربط فى النص خرج الموبينة هلا تكهرب الربط بيبقى فى الصامولتين الجانبين وطريقة الظبط باللمبة تتم وانت فاتح الكونتاكت بس
اما طريقة ظبط الاسبراتير اليدوى تتم وانت مدور وتجيب يمين وشمال براحة وعينك على الموتور لما تحس انه سبت مافيش رجرجه كتير اربط على كده