ياريت حد يفيدنى أجيب ايه ؟ فى حدود 95 ألف

[Dr-Mido]

سلام عليكم

دى أول مشاركة ليا هنا فى منتداكم الرائع ده ,, وكنت حابب اخد رايكم لان محتار جدا

دلوقت انا الحمدلله معايا من 90 الى 95 الف وعايز اجيب عربية ودى اول مرة , بس لازم تكون أتوماتيك وفيها عوامل أمان Abs & Ebd وايرباج وهكذا

المهم فيه ناس بتقولى ممكن تجيب لانسر بومة استعمال كويس أو كيا بيكانتو 2013 زيرو .. او احاول اتصرف فى مبلغ 10 الاف كمان تقريبا واجيب نيسان صنى الجديد 2013

فأنا مبقتش عارف هل ابص للمستعمل حاجة زى اللانسر او ابص للمستعمل ايه تانى غير اللانسر ؟؟ ولا اخلينى فى الزيرو احسن ؟ ولو زيرو اجيب ايه ؟؟

ياريت حد يفيدنى واهم حاجة فى كل ده ان دى اول مرة هسوق طبعا وياريت يكون قطع الغيار رخيصة ومتوفرة وعملية و أتوماتيك وبها عوامل الأمان

[eng/walaaeldeen]

السلام عليكم
ممكن تجيب نيسان صني الشكل القديم سوبر صالون كسر زيرو
ممكن تجيب النترا 2009 كامله او 2010
ممكن تجيب اكسنت RB 2011
ممكن لوجان او سانديرو زيرو
ممكن ميجان مستعمل 2010 او 2011
دول الى فاكرهم
والله المستعان
والله المستعان

[sherifabden]

انا لو مكانك اجييب لانسر بومة مستعمل

[Dr-Mido]

المشاركة الأصلية كتبت بواسطة eng/walaaeldeen السلام عليكم ممكن تجيب نيسان صني الشكل القديم سوبر صالون كسر زيرو ممكن تجيب النترا 2009 كامله او 2010 ممكن تجيب اكسنت RB 2011 ممكن لوجان او سانديرو زيرو ممكن ميجان مستعمل 2010 او 2011 دول الى فاكرهم والله المستعان والله المستعان

تسلم على ردك

هو من كل دول انا بفكر فعلا فى نيسان صنى بس الشكل الجديد :D هو ولا القديم ولا الجديد عاجبنى اساسا بس فى رأى القديم كلاسيك زيادة فالجديد اة ممكن ميكنش حلو بس عالاقل مش كلاسيك

لوجان وسانديرو انا كان نفسى اجيب حاجة منهم بس مفهمش عوامل امان للاسف

[Dr-Mido]

المشاركة الأصلية كتبت بواسطة sherifabden انا لو مكانك اجييب لانسر بومة مستعمل

تماااام

طب تفتكر لو بومة احاول اجيبها متكنش معدية كام الف كيلو مثلا ؟ وحالتها هتكون ازاى ؟ لان خايف ادبس فى واحدة واصرف عليها كتير