كاوتشات فيرنا 2013

[ahmed el gendy]

يا جماعه عربيتي الفيرنا 2013 فيها هزه ع السرعات العاليه يعني من عند سرعه 100 طبعا للوهله الاولي اكيد ترصيص رحت بصيت ع الجنوط يمكن متنيه ولا حاجه ورصصت عند 3 مختلفين مش واحد وكلهم قالولي الفرد هي اللي عمله الهزه دي ولو غيرتها هتتعدل ورحت بصيت عند العفشجيه لقيت كل حاجه سليمه والنهايه لابد من 4 فرد جداد رغم انهم مش مشيوا غير 9000 كيلو
السؤال هنا لو انا كبرت دماغي واستحملت الهزه دي كمان 10 الاف كيلو مثلا هل ممكن الهزه تزيد اكتر مع مرور الوقت وتأكل الكاوتش ؟؟
طب الهزه دي هل كل مشكلتها انها هتدايقني ع السرعات العاليه ولا ليها اثر كمان علي عفشه العربيه هتفككها وممكن تعمل حاجه ف علبه الدركسيون ؟؟

يا ريت تفيدوني اغيرها ولا استحمل بيهم كمان 10 الاف كيلو لان بصراحه العربيه دي كده خلتني ع الحديده مش طالبه كمان الفين جنيه كاوتشات غير ان اغلب مشي الفتره جايه زراعي وهيبقي صعب اعدي فوق 100 كيلو ف ساعه

[svneleven]

أنت حليت الموضوع طالما الفترة الجاية مش هتجري فوق ال 100 كم خلاص كمل بالكاوتش علي قد ما تقدر.

[ahmed el gendy]

المشاركة الأصلية كتبت بواسطة svneleven أنت حليت الموضوع طالما الفترة الجاية مش هتجري فوق ال 100 كم خلاص كمل بالكاوتش علي قد ما تقدر.

ما انا خايف يكون ليه اي اثر علي العفشه ولا يبوظ حاجه تبقي كملت بالستررر

[eng/walaaeldeen]

السلام عليكم
معلش ليه سؤال هي العربيه معاك من الزيرو ولا مشتريها مستعمله
لو مستعمله ممكن يكون العداد ملعوب فيه لأن 9000 كيلو متر معناها الكاوتش جديد
والله المستعان

[ahmed el gendy]

المشاركة الأصلية كتبت بواسطة eng/walaaeldeen السلام عليكم معلش ليه سؤال هي العربيه معاك من الزيرو ولا مشتريها مستعمله لو مستعمله ممكن يكون العداد ملعوب فيه لأن 9000 كيلو متر معناها الكاوتش جديد والله المستعان

العربيه معايا من الزيرو والكاوتش شكله جديد خااالص مش باين حتي انه ماشي يعني حتي بتاع الترصيص بيقولي رجع الكاوتشات لللي انت اشتريتهم منه قلت العربيه كلها جديده مش الكاوتشات بس قالي خلاص ربنا يعوض عليك
انا عاوز اروح التوكيل بس بصراحه رحت لهم قبل كده ومفيش حاجه اتعملت كل اللي عملوه غيروا الفرد من مكانها وبقت الفرد الوحشه ورا والحلوه قدام فالهزه قلت لكن مع الاستخدام الموضوع بان
انا بصراحه عاوز اروح لهم بس حاسس انهم لو عملت لهم قرد فيها مش هيغيروا الفرد خاالص