سؤال لجميع ملاك الاوكتافيا A4

[FAR!D]

معلش يا شباب اسم الموضوع كده والله مش بشدكم المهم:
انا معايا نوبيرا 99 مواصفات اوربي 1500 2 كامه الحمد لله ماتور محترم جدا و العربيه فايقه وانا ربنا يسترها معايا و معاكم من هواه الشد والجري ربنا يحفظنا و كان معايا قبلها فلشيا 97 وربنا خلصني منها الحمد لله و نويت على الله اغير و اجيب اسكودا اوكتافيا a4 بس محتار بين 99 و 2003 عشان بس شكل الفانوس الامامي و الخلفي بس مش اكتر
الاهم باه انا شوفت وقرأت على النت ( ويكيبديا )ان اخر قدره الماتور ال 1600 هوا 99 حصان ومتور تاني تقريبا موديل 99 خارجه 75 حصان و انا عربيتي قدره متورها 107 حصان و ده كفيل بانه ينسف الفكره كلها من دماغي....
السؤال باه هوا لو فيه حد كان راكب عربيه قبل الاسكودا بتعته و ياحبذا لو النوبيرا يقولي انطباعه ايه في الاسكودا هل اقوى ولا بطه على الطريق و الكل بيفسحها ولا ايه؟ طب بيجيب اخرها كام على العداد؟ والشد بتجمع بسرعه ولا لأ؟ طب انهوا احسن ال99 ولا 2003 ؟ وليه؟ والعيوب وغيره ؟ فاهمني ولا توهتكم ههههه
الله يكرمكم فيدوني و ردوا عليا بس حلفتكم بالله الرد يكون عن تجارب واقعيه و خبره بدون تحيز للسكودا وانا عارف انها ماركه حلوه وانا مجربها قبل كده و اكيد حد حيكون زي حلاتي وفاهمني كويس
معلش طولت عليكم بس حبيت اشرككم في حيرتي ويلا ردودكم انا مستنيها على ناااار

[FAR!D]

ايه يا شباب قسم الاسكودا مالكم محدش بيرود ليه؟
قسم الدايو االي انا جاي منه هنج السرفر من الضغط عليه

[eng/walaaeldeen]

السلام عليكم
في مثل بيقول ماحك جلدك مثل ظفرك
روح اي مكتب تأجير سيارات واجر اوكتافياA4 وانت تعرف بنفسك وتحكم عليها ولا تنسي تعطينا رأيك لافادة باقي الأعضاء ويكون لك السبق
والله المستعان

[FAR!D]

المشاركة الأصلية كتبت بواسطة eng/walaaeldeen السلام عليكم في مثل بيقول ماحك جلدك مثل ظفرك روح اي مكتب تأجير سيارات واجر اوكتافياA4 وانت تعرف بنفسك وتحكم عليها ولا تنسي تعطينا رأيك لافادة باقي الأعضاء ويكون لك السبق والله المستعان

شكرا لمرورك ياباشا بس بردوا ميمنعش ان لو حد ليه تجربها يفدنا بيها