الحقوني العربيه عاوزه فرد كاوتش بعد 850 كيلو

[ahmed el gendy]

العربيه فيرنا 2013 من اول يوم حسيت ان الدركسيون فيه رجه بعد سرعه 60 توجهت امس لمركز صيانه قليوب وهناك قلت لهم اللي فيها قالو لي دي عاوزه ترصيص قلت لهم رصصوا قالو الجهاز عطلان روح فرع ابو رواش قلت لهم ده مشوار بعيد قوووي المهم مهندس وليد قالي روح رصصهم بره وده مش هيخرجك من الضمان ولا اي حاجه قلت ف نفسي ماشي رحت رصصت الراجل وهو بيرصص شكل الفرد مش عجباه وبيقولي الفرد وحشه وقالي نرصص وربنا ييسر ويمشوا معاك رصصنا وبرد الرجه لم تختفي قالي عليك وع الضمان اطلب يغيروا لك الفرد او ع الاقل يعملوا فيها شغل عفاريت ويخلوا الرجه تختفي ومستحيل تختفي بدون تغيير الفرد لاننا رصصنا وعملنا كل حاجه

طبعا غيور معروف انه اسوأ توكيل ف مصر يا تري هيغيرهم لي ولا هالبسهم
؟؟ ولو رفضوا التغيير اعمل ايه لاني مش ناوي اسيب حقي

[maggoda1611]

روح التوكيل وفهمهم الحكاية من الأول وان شاء الله خير وأهم حاجة تتكلم بثقة وربنا معاك

[M.TONSY]

هو انت طبعا تروح الاول ابو رواش وتقولهم على مشكلتك من غير ما تحكى فى قصة الترصيص اللى عملتها برة علشان ما يتلككوش
وما تمشيش من عندهم الا لما تجرب العربية وتلاقيها تمام
المشكلة ان غبور خد توكيل كاوتش صينى وهو ده اللى بيركب فى الفيرنا بدل اللاسا التركى وفى الغالب خاماته وتقفيله مش حلوة
فنصيحة مش نفسك بيهم شوية وبعد كدة غيرهم فى اقرب وقت بنوع اندونيسى او كورى محترم زى كومهو او هانكوك او بريدجستون

[a7medozoo]

انا بردو جأيب فيرنا 2013 عامله 200 كيلو امبارح كنت راجع من مشوار لقيت صوت تزيق جأئ من ورا شمال لما ركنت العربيه نزلت قعدت ادوس على الشنطه من الشمال عشان شكيت فى المساعد لقيت تزيق ممكن تعرفونى ايه ده واعمل ايه مع غبور واستنى صيانه ال 1000 وﻷ اروح دلوقتى

[Memo-Kh]

المشاركة الأصلية كتبت بواسطة a7medozoo انا بردو جأيب فيرنا 2013 عامله 200 كيلو امبارح كنت راجع من مشوار لقيت صوت تزيق جأئ من ورا شمال لما ركنت العربيه نزلت قعدت ادوس على الشنطه من الشمال عشان شكيت فى المساعد لقيت تزيق ممكن تعرفونى ايه ده واعمل ايه مع غبور واستنى صيانه ال 1000 وﻷ اروح دلوقتى

يا باشا أنا كان عندى نفس التزيق من ناحية الكاوتش الأمامى شمال وكنت طهقت من صوته كأنك حاطط حاجة بلاستك فى الكاوتش وكان نسر اللى جاى فى العربية وبعد ماغيرت الفرد الأربعه الصوت طبعآ إنتهى فممكن يكون نفس الموضوع عندك والله أعلم