نيو النترا و المطبات و الجنط

[mustafa811]

خلاص يا جماعة باذن الله قررت ارضخ للامر الواقع و اقلش ال فورد فوكاس و اجيب الالنترا الجديده .. و نويت على الاوتوماتيك ال ب ABS و ايرباج واحدة .. بس ليا سؤال لل اشترى العربية : اخبار المطبات هنا في مصر معاها ايه ؟؟ يعني لو محملة على الاخر هتحك و لا العربية عالية و لا ايه ظروفها ؟؟ ثانيا بفرض ان العربية واطية هل هيفرق الجنط ال كبير معاها ؟؟ و هل ال جنط ال سبور انتم شايفينه مهم ليها و لا مشاكله هنا في مصر هتبقى اكتر من مميزاته ؟؟ و لو مهم ايه المقاس المفضل و هل ينفع ازود مبلغ و يغيرولي الجنوط قبل ماشتري العربية بدل ماغيرهم بعد كده و التكلفة تكون اعلى ؟؟

الخلاصة واطية و لا لأ ؟؟ و اجيب جنوط سبور و لا لأ ؟؟
لو حد طبعا عنده العربية برده اكون شاكر لو قالي على تجربته
و لو اي تاجر برده شاف الموضوع ده و مستعد يعمل لي عرض كويس في العربية ممكن يرد عليا او يراسلني على الخاص

[A7MED NASSER]

فعلا ً الالنترا واطيه و هي زيها زي كل العربيات اللي في فئاتها (كل العربيات:السيراتو و الالنترا (الشكل القديم) و الكرولا و الانسر) لو انت ركبت 3 ورا لازم هتحك . مستحيل ما تحكش في مطب رخم و عالي من مطبات مصر الجميله . و ثانيا ً حكاية الجنوط دي : الجنط كل ما تعلى مقاسه كل ما العربيه تعلى عن الارض . بس خلي بالك انك برضوا كل لما تعلى الجنط العفشة بتنشف اكتر و اكتر (هي فعلا ً حيره بس العربيات كلها كده . مش الالنترا الجديده بس هي اللي كده و السيراتو و غيرها و غيرها)

و شكرا ً و ياريت تفكر في الاحسن

وان بنصحك تجيب شيفروليه كروز
عربيه مفيهاش غلطة و عاليه و عفشتها جميله

و طبعا ًليك الحرية
في الاختيار

[mar mar]

هي الالنترا مش وحشه بس واعلي شويا من الار بي اعتقد وكبيره
بس الكروز اللي نصحك بيها مش عمليه اوي لان اي تصليح لقدر الله هيكلفك فيها جامد
لان قطع غيارها علي اما اسمع انها غاليه
وبيتقال ان الالنترا والاربي قطع الغيار هترخص فيها بعد سنه
وربنا يوفقك للفيه الخير

[AbOnOrA]

كل العربيات بتحك واللكروز برضو بتحك
يا اما تجيب عربيه عالية بجد لو عايز تريح نفسك من الحك يا عم الحك

[hulck2000]

بخصوص انخفاض العربيه وهى محمله واحتكاكها بالمطبات.

انا جربت حل عملى للتغلب على هذه المشكله, فى عربيتى الالنترا.
شوف انتى تشترى طقم كاوتش مساعد خلفى لعربيه (اوكتافيا او جولف )وده عباره عن عدد2 كاوتش صداد مساعد .
وتروح لواحد عفشجى محترم يحل المساعدين الخلفيين للعربيه حيث يقوم باستبدال الكاوتش الاصلى بكاوتش صداد المساعد .وباذن الله النتائج مبهره.
على فكره الطقم بحوالى 85جنيه + 30 جنيه مصنعيه.
وهذا الحل لا يؤثر مطلقا على ثبات العربيه وعن تجربه.
لانه ببساطه الفكره ان كاوتش صداد المساعد بيقلل من انضغاط المساعد للداخل مما يقلل من انخفاض العربيه عند تحميلها بوزن الركاب فى المقاعد الخلفيه.
وبكده المساعد مش حيكمل تمام انضغاطه اى لا تنخفض العربيه عند تحميلها.
ولبه كاوتش صداد المساعد الجولف بالتحديد لانه من نوعيه جيده وبمقاس مناسب جدا ومن ماده اكث ر قساوه مما يساعد على تقليل انضغاط المساعد الخلفى .
جرب الحل ده وحتدعيلى..