إخترت سيارة بس للأسف غير متوفره فى الأسواق

[نبيل عبدالرحمن]

إستخرت الله وقررت بيع سيارتى الصغيرة هيونداى جيتز ، وقبل أن أفعل ذلك رحت أبحث عن سيارة مناسبة وقويه ، ولم أجد أفضل من السيارة كيا سبورتاج لقوتها وإعتماديتها ولأنها أوتوماتيك وبها كل المميزات التى أريدها ، وإخترت منها الفئة الأولى والمعروضه بسعر 173900 جنيه ( حسب إمكانياتى المادية ) وإتصلت بوكيل كيا بالإسكندرية ( شركة الطارق ) فقال لى المندوب أن السيارة تباع بطريقتين : إما بالحجز والإستلام بعد 6 شهور أو دفع مبلغ 15000 جنيه فوق ثمن السيارة لإستلامها فوراً ، فهل هكذا وصل بنا الحال ، ألا تجد السيارة التى تريدها فوراً .؟ وتضطر للإنتظار عدة أشهر حتى تحصل عليها !!!!
أذكر عندما إشتريت سيارتى تويوتا كورولا سنة 2009 ذهبت الى الوكيل ووجدت عنده كل الألوان وإستلمتها فى نفس الليله ، ورخصتها فى صباح اليوم التالى ..... مش عارف إحنا رايحين على فين

[jojojojojo]

للاسف جشع التجار والوكلاء انتشر انتشار رهيب دون رقيب او حسيب واين الضرائب من تلك الاوفر برايز علي كل عربيه واين الجهات الرقبيه واجهزه حمايه المستهلك ده معدش فيه عربيه في البلد ايا كان نوعها الا مش موجوده وعليها اوفر برايز ارجو من كل ما يرغب في شراء سياره عدم دفع الاوفر عن السعر الرسمي للعربيه وتجنب الشراء في الوقت الحاضر حتي نستطيع ان نواجه جشع التجار

[Muhammad A]

: 070104~242:

[Mostafa Mohamed Abd Allah]

الى جانب حركات التحايل بالمسميات و التلاعب بالناس...فغياب الرقابه واضح جدا على حيتان السوق اللى شافطينه و يادوب سايبين الفتات لصغار التجار و مع ذلك محدش عاتق حد...كله بينصب على كله و كله حاطت ايده فى جيب اللى جانبه تحت مسميات فى منتها الاناقه زى اوفر برايس و شراء و بيع للغير (سمسار بدفتريعنى )
الموضوع اكبر من المستهلك...الموضوع دوله و جهات رقابيه و ادارات حقوق مستهلك و مكافحة الغش التجارى ..الخ الخ
اللى مأخرنى فى شراء العربيه لحد دلوقتى اننى حاسس انى هدفع تمن العربيه و ربع التمن رايح للدوله و الربع جشع وكيل و موزع و تاجر جمله و تاجر تجزئه...يعنى هركب حاجه قيمتها نصف تمنها
و الموقع التالى دليل على كلامى
http://www.kia.com/#/?stop_international=yes

هتبنى عربيتك و انت عالنت و هتعرف سعرها و تشوف اقرب موزع معتمد ليك
صحيح فيه فروقات طفيفه لكن فالاخر الدوله مباعتش المواطنين للوكلاء

اللهم اصلح احوالنا...امين

و شكرا

[Mostafa Mohamed Abd Allah]

و على فكره...احب ابشرك....احنا حاجزين واحده سبورتاج من 11-2011 و لسه موصلتش