استفسار بخصوص سكودا فابيا 2002 و 1000 سى سى

[اسماعيل99]

السلام عليكم
انا اشتريت النهاردة اسكودا فابيا موديل 2002 و 1000 سى سى فكان ليا بعض الاستفسارات واتمنى الاقى المساعدة . العربية فاضية ما فههاش الا سنتر فكنت باسئل لو حبت اركب كماليات هتعمل كام ( زجاج كهربا - تكييف - باور ) وفى سواق تاكسى قالى ان فى دلوقتى تكييفات محمولة بتركب جوة العربية ده صح ولا لا وكمان كنت عاوز اسئل مستقبلا انا ممكم اغير الماتور فيمكن اركبلها 1400 سى سى او لو فى 1600 وانا سمعت ان فى 1900 بس مش فى مصر عموما لوهاركب 1400 او 1600 او 1900 هيبقى بكام ولما هيركب هيبقى باور ولا لا ز انا اسف للاطالة بس ياريت الاقى رد عند حضراتكم

[msr1192]

اولا متحطش حاجة في العربية هيه مش جاية بيها
ثانيا الموتور بتاعك اساسا هيتعب لانه 1000 3سلندر
ثالثا التكييف المحمول معرفش عنه حاجة
رابعا تسقيط الموتور لو الموتور بتاعك حالتة 60% والله هيكون افضل من موتور متسقط حالتة 90% مش عيب في الموتور لاكنة عيب في الصنايعية واياك ثم اياك تحط موتور جولف هيقولولك ده هيخلي العربية تطير وتسحب وتعمل وفي الاخر انت اللى هتشرب المقلب عايز تسقط موتور جيب موتورها 1400 بتاعها هيكون كامل باور وتكيف ونادرا لو لقيت موتورها 1600 او ال 1900 لان ال1600 اللى موجود بتاع الشكل اللى بعد اللى معاك فابيا 2
وانا في خدمتك لاي استفسارات

[اسماعيل99]

الف شكر على ردك . وعموما الماتور حالته ممتازة والعربية فبريكا برة وجوة وانا كنت باسئل انى مستقبلا لما اجى اعمل عامرة ابقى اشيل الماتور خالص واجيب سى سى اعلى بس طبعا يكودا ماتور سكودا مش حاجة تانية . بس حضرتك شايف انى لو ضفت تكيييف ده هيزعلها لان اصلا الموديل ده نزل فى منه بتكييف وفول اوبشن . فانا بفكر اضيف رجاج كهربا وتكييف ولا ايه راى حضرتك

[atgps]

المشاركة الأصلية كتبت بواسطة اسماعيل99 السلام عليكم انا اشتريت النهاردة اسكودا فابيا موديل 2002 و 1000 سى سى فكان ليا بعض الاستفسارات واتمنى الاقى المساعدة . العربية فاضية ما فههاش الا سنتر فكنت باسئل لو حبت اركب كماليات هتعمل كام ( زجاج كهربا - تكييف - باور ) وفى سواق تاكسى قالى ان فى دلوقتى تكييفات محمولة بتركب جوة العربية ده صح ولا لا وكمان كنت عاوز اسئل مستقبلا انا ممكم اغير الماتور فيمكن اركبلها 1400 سى سى او لو فى 1600 وانا سمعت ان فى 1900 بس مش فى مصر عموما لوهاركب 1400 او 1600 او 1900 هيبقى بكام ولما هيركب هيبقى باور ولا لا ز انا اسف للاطالة بس ياريت الاقى رد عند حضراتكم

باور الفابيا مالوش علاقة بالموتور، هو صحيح زيت بس الطلمبة بتاعته كهرباء.

[msr1192]

المشاركة الأصلية كتبت بواسطة اسماعيل99 الف شكر على ردك . وعموما الماتور حالته ممتازة والعربية فبريكا برة وجوة وانا كنت باسئل انى مستقبلا لما اجى اعمل عامرة ابقى اشيل الماتور خالص واجيب سى سى اعلى بس طبعا يكودا ماتور سكودا مش حاجة تانية . بس حضرتك شايف انى لو ضفت تكيييف ده هيزعلها لان اصلا الموديل ده نزل فى منه بتكييف وفول اوبشن . فانا بفكر اضيف رجاج كهربا وتكييف ولا ايه راى حضرتك

بالنسبالي عندي التكييف وما بشغلوش لو انت محتاج تكييف فعلا ضروري توكل على الله بس يفضل تركبة في بداية الصيف عشان تشغلة ولو كان فيه حاجة تتعمل وهوه جديد بدون ما تتحمل انت تكاليف بدل ماتركبة في الشتاء وتفضل متستعملوش ويطلع فيه حاجة وبعدين تتدوخ وبالنسبة للانواع انا اعرف ان ماركة ساندن محترمة وتاثيرة قليل على المتور
واسف نسيت اقولك مبروك