#1
|
|||
|
|||
ايه رأيكم فى العربيتين دول
السلام عليكم
ازيكم اهل المنتدى جميعا انا عايزة رايكم بصراحة فى العربيتين دول مازدا 121 وفورد اسكورت موديلات التسعينات يعنى من 95 مثلا ل99 وكمان عايزة اسال هل فى المنتدى قسم بيع قطع غيار وشحنها للمحافظات ويكون موثوق فيه ولو مفيش يا ريت يكون فى كده هيوفر على اهل المحافظات البعيدة عن القاهرة والاسكندرية كتير ومش هيبقى فى مشكلة لو عربية قطع غيارها مش متوفرة فى المحافظات دى ويا ريت لو من مراكز االصيانة نفسها |
#2
|
|||
|
|||
رد: ايه رأيكم فى العربيتين دول
|
#3
|
||||
|
||||
رد: ايه رأيكم فى العربيتين دول
ياريت توضحى انتى ساكنة فى اى محافظة ورينج الفلوس اللى معاكى كام لان انتى حصرتى نفسك بين عربيتين محتاجين للتفكير مرتين
|
#4
|
|||
|
|||
رد: ايه رأيكم فى العربيتين دول
موفق ان شاء الله
بالنسبه للعربيتين ارجح الفورد اسكورت للاسباب الاتية : 1- موديل احدث من المازدا 2- واسعة و مريحة من جوا 3- ثبات ممتاز علي الطريق 160 اكنك ماشي علي 100 4- قطع الغيار بتعتها الاصلية معمرة جدا و ملهاش قطع غيار صيني الموجود الماني و ايطالي و اسباني و ياباني و كوري و تركي فقط و اسعار قطع الغيار معقولة أرخص من الالماني و الفرنساوي و أغلي من الكوري وبص علي مواضيعي في موضوع اسعار بعض قطع الغيار و موضوع فيه كل اماكن بيعها جديد و استيراد و نمرالتليفون للمحلات اغلي حاجة شوفتها ليه لحد دلوقتي المساعدين قدام الجوز 850 5- الموتور 64 حصان 1300cc 6- 1600 كلو بيقول عليها طلقة بس 1600 انجكشن و في كربراتير ال1300 كرباتير بس 7- بتعمل ب 8 ليتر 100 ك (بحطلها 92 و في ناس بتستهبل و تحط 80 زي اللي كنت شريها منه ) لان الكتالوج بيقول 91 يعني عندنا 92 علي الاقل و الفرق رهيب بين الاثنين فيها لو انتا بتشد بيها او مش متعود علي سواقة ال80 عشان نسبة انضغاط المحرك 8- التكيف بتعها جيد في عز الحر تحس ببروده الهواء و بليل تبرد منو 9-الحمد لله العربية معايا بقالها شهر و عملت 3000 كيلو وزي الفل وكنت شاريها ب 28 موديل 1998 حالة ممتازة و صرفت بتاع 2000 لتجديد الحجات القديمة فيها (قاعدة فتيس ب80 الواحدة و قاعدة متور ب 350 و طقم دبرياش 525 كامل دسك و اسطوانة و بلية) و مصنعيات و زيوت و فلاتر و منظفات للصالون 10- خلي بالك ان لو الكاسيت الاصلي مش راكب بينزل من تمنها 1000-1500 العيب الوحيد انها مش عالية عن الارض و بتحك في المطبات لو انت محمل ولو عزت اي حاجة ابعتلي و اعمل استخارة و ان شاء الله خير |
#5
|
||||
|
||||
رد: ايه رأيكم فى العربيتين دول
ياريت حضرتك فعلاً تحددى معاك كام علشان فعلاً كما وضح الأخ الفاضل انت حصرت نفسك فى سيارات يجب التفكير كثيراً فيها لأن سوقها فى المستعمل غير اعتمادى --وباالله التوفيق
__________________
|
|
|