عايز ابدل طقم جنوط مقاس 15 ريو 2013 بالطقم ال 17 بتاع الريو الجديده

[deeed]

انا جبت ريو هاتشباك اشتريتها مستعمله بس صاحبها شال الجنوط ال 17 وركب مكانها جنوط 15 بتاعت الوكيل وانا عايز ارجع اركب الجنط ال 17 ... لو حد حابب يبدل يا ريت يبعتلي رساله خاصه

[Abo-Islam]

باشا ياريت توضح من فضلك :

1. نوع الجنوط.. سبور أو حديد و لو حديد ياتري معاهم طاسات كيا و لا بدون و لو سبور هل هي الأصلي بتاع كيا و لا نوع تاني، كام فرده خمسة و لا أربعة، فيهم خدوش ولا لأ و حالتهم كام في الميه.
2. الكاوتش اللي فيهم.. نوعه، مقاسه، نفس النقشة و لا فيهم حاجه مختلفة، حالتة و ماشي كام كيلو، فيه لحامات أو خوابير.
3. لو فكرة البيع وارده يا ترى تبيعهم بكام؟؟؟؟
4. ياريت رقم الموبايل و تحديد المحافظه اللي إنت فيها لو حد يحب يتواصل معاك.

كده يبقى الموضوع أوضح......


و تقبل خالص شكري.....

[deeed]

المشاركة الأصلية كتبت بواسطة Abo-Islam باشا ياريت توضح من فضلك : نوع الجنوط.. سبور أو حديد و لو حديد ياتري معاهم طاسات كيا و لا بدون و لو سبور هل هي الأصلي بتاع كيا و لا نوع تاني، كام فرده خمسة و لا أربعة، فيهم خدوش ولا لأ و حالتهم كام في الميه. الكاوتش اللي فيهم.. نوعه، مقاسه، نفس النقشة و لا فيهم حاجه مختلفة، حالتة و ماشي كام كيلو، فيه لحامات أو خوابير. لو فكرة البيع وارده يا ترى تبيعهم بكام؟؟؟؟ ياريت رقم الموبايل و تحديد المحافظه اللي إنت فيها لو حد يحب يتواصل معاك. كده يبقى الموضوع أوضح...... و تقبل خالص شكري.....

جزاك الله خيرا علي التوضيح يا ابو اسلام

انا فعلا فيه معلومات كتير نسيت اكتبها

- بالنسبه للجنوط هما 5 فرد سبورت الاصلي بتوع كيا اللي بينزلوا في الريو 2013 وكيل مقاسهم 15 والطقم جديد حالته 99% لان السياره اصلا ماشيه 4000 كيلو فقط وكان راكب فيها ال 17 بتاع الريو الجديده بس صاحب السياره هو اللي حب يركب 15 ... يعني تقريبا الجنط ده مشي حوالي 1000 كم او اقل وانا ناوي ارفع صوره للجنوط في اقرب وقت باذن الله

- بالنسبه للكاوتش جديد ايضا وكما اوضحت مكملش 1000 كم ماشي والكاوتش نوعه كونتيننتال موديل ContiEcoContact 3. ومقاسه 185/65

بالمناسبه كنت عايز استفسر عن مشاكل الجنط ال17 ... وهل احسن لي افضل بال15 ،، اصل الراجل اللي اشتريت منه العربيه نصحني اني مركبش ال 17 لان مشاكله كتير بالذات في شوارعنا وقالي معظم الناس اللي مركبين 17 بيغيروا ل15 مش العكس لان اللي جرب ال17 بيتعذب من مشاكله
بس انا شايف ان الجنط ال 17 شكله احسن وكمان هي العربيه بتنزل كده

علي العموم النيه اللي عندي للبدل فقط ومعنديش نيه للبيع

واللي عايز يتواصل معي وعنده رغبه في التبديل يا ريت يبعتلي رساله خاصه برقمه وانا هكلمه .... وانا من القاهره

ومتشكر جدا مره تانيه با ابو اسلام ولو عند حضرتك رد علي استفساراتي يا ريت تفيدني وجزاك الله خيرا

[sherifabden]

الجنوط ال17 ليها ميزة وعيب
الميزة ان شكلها حلو جدا خصوصا بتوع الريو وكمان هيدوك ثبات رهييب جدا
اما العيب فهو ان العفشة بتبقا ناشفة ومتعبة

[deeed]

المشاركة الأصلية كتبت بواسطة sherifabden الجنوط ال17 ليها ميزة وعيب الميزة ان شكلها حلو جدا خصوصا بتوع الريو وكمان هيدوك ثبات رهييب جدا اما العيب فهو ان العفشة بتبقا ناشفة ومتعبة

ممممم بصراحه العفشه مش بتدبدب و ناعمه جدا بالجنط ال15 ... ومش عارف اعمل ايه بس عايز اركب الجنط ال17

علي العموم شكرا علي الاهتمام والرد