|
BYD من الشركات الصينية الطموحة التى تستثمر فى الابحاث والتطوير لانشاء سيارات وفقاً لاحدث المعايير البيئية ولديها مشاريع لانتاج سيارات هجينة |
|
أدوات الموضوع |
#1
|
|||
|
|||
يوم من عمرى مع byd f3 اتوماتيك
بسم الله الرحمن الرحيم
اولا العربيه اللى بحكي لكم عليها هى byd f3 اتوماتيك المكان قبل العامريه بحوالى 5 كيلو (احنا كنا رايحين اسكندريه) الزمان الساعه 7.15 صباحاً اليومين اللى فاتو كانو اجازه واحنا عندنا شقه فى اسكندريه وزى اى حد عادى قولنا نسافر لنا يومين كده ونتفسح شويه وكان معايا عمى (عمى معاه عربيه فيرنا تاكسى) خدنا شنطنا وبعد الفجر طلعنا على بركه الله واحنا فى الطريق بنحب نشد مع بعض ونسبق بعض وانا كنت ماشى على حوالى 180 فتره وكنت سابقه طبعا كالعاده وفجأه وبدون اى مقدمات ولا تحذيرات ببص فى المرايا اللى فى النص لقيت خارج من العربيهمن ورا دخان ابيض كثيف جدا وكأنها عربيه رش اديت اشاره وخدت اليمين ووقفت وبطلت العربيه ونزلت ولقيت عمى وقف وجالى بنبص على الكبوت قبل مانفتحه كان مطلع دخان ابيض فعمى قالى اوعى تفتح استنى شويه وسالنى انت نسيت تزود ميه ولا ايه فقلت لا انا شيكت على الزيوت والميه قبل ما اتحرك وبعدين مؤشر الحراره فى النص وعاديه جدا ومفيش اى لمبه منوره قالى طب افتح الكبوت فتحته لقيت الدنيا كلها غرقانه زيت ومبهدله الدنيا طبعا انا اتخضيت جدااا ببص تحت العربيه لقيت زيت نازل من تحت الموتور روحت طلعت مقياس الزيت لقيته مظبوط قولت يبقا مش الموتور الحمد لله ولقيت عمى بيقولى الزيت ده لونه احمر قولتله بس ده زيت الفتيس ممكن يكون الطبه وقعت اوى حاجه فالزيت وقع فقولنا نقطر العربيه لاقرب ميكانيكى او بنزينه قالى انت معاك حبل او وير نقطر بيه قولت لا طبعا فقالى طب تعالى ندور على ميكانيكى كنا وقفين جنب جامع وكان فى ناس واقفه ولقيت توك توك قولت اساله فقالى اقرب ميكانيكى فى العامريه بعد حوالى 5 كيلو روحنا هناك لقينا بنزينه بس الميكانيكى كان لسه مجاش فقالولنا نمرته مكتوبه على الورشه اتصلنا بيه قال لنا انا فى ايدى شغل قولنا وهخلص بعد ساعه قولنا له كتر بلاش سالنا على ميكانيكى تانى قالو لنا روحو المنطقه الصناعيه وانتو هتلاقو اللى عايزينه رحنا هناك لقينا ميكانيكى واحد بس وكان قافل كمان ولاقينا نمرته على اليفطه اتصلنا بيه قالنا انا جاى فى الطريق قعدنا مستنينه حوالى ساعه عقبال ما جه وحكينا له الحكايه قال لنا ممكن يبقى الفتيس مشروخ او يكون مخروم وقعد يخوفنا لدرجه انى استعوضت ربنا فى العربيه وخدناه وخليناه يجيب معاه كل انواع الطبات اللى عنده ورحنا للعربيه فتح الكبوت وبص شويه وضحك قولنا خير ان شاء الله قال ده خرطوم زيت الفتيس اللى رايح للريداتير اتشال والكليه عايز يتغيير وبس وطبعا انا فرحت جدا وركبه وجبنا زيت بور للفتيس وقالى حط 3 كيلو كده وشغل العربيه وهات ال R وارفع فرامل اليد وقيس الزيت ولو عايز ابقى بطل وزود زيت لحد مايتظبط والحمد لله اشتغلت زى الفل على حوالى الساعه 9.30 او 10 كده وروحنا اسكندريه والحمد لله التعديل الأخير تم بواسطة AbOnOrA ; 02-05-2012 الساعة 10:54 AM سبب آخر: توضيح للعنوان |
#2
|
|||
|
|||
رد: يوم من عمرى
الحمد لله قدر ولطف
حمدا لله على سلامتك انت والاسرة الكريمة يا ترى انطباعك عن العربية اتغير ولا لسة حاسس انها بخير اصل انا ناوى اشتريها وكلامك دا خوفنى |
#3
|
|||
|
|||
رد: يوم من عمرى
معقولة في عربية زيرو ربنا يبارك كمان وكمان في شركة الامل ويعوضنا بيها عن النصر للسيارات |
#4
|
|||
|
|||
رد: يوم من عمرى
حمدا لله على سلامتكم وسلامة العربيه
انا شاكك انها دعوه من مديرك اللي كنت عاوزه يدور على عمره في جوجل |
#5
|
||||
|
||||
رد: يوم من عمرى
الحمد لله بسيطه ...
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
|