الحرارة في محرك نيسان صني 1999 - اتعبتني !

[almodhafari]

الاخوة الفنيين في منتديات مصر موتوورز السلام عليكم

عندي سيارة صني نيسان 1999 اتعبني محركها بسبب حرارته التي ترتفع احيانا الى النهاية رغم ان مراوح تبريد الريدايتر تعمل بشكل سليم.

وقد قمت بالتالي , 1- تنظيف الريديتر 2- فحص تهريبات المياه 3- ازالة الثرموستات (صمام المياه)
4- فحص طرمبة الماء .

كل ماسبق سليم 100%

بقي باكن المكينة ( الهيدكوفر) سالت وقالو سليم واحيان مسؤول عن الحرارة

الملاحظة : ان هناك ضغط شديدفي دورة المياة وعندما ترتفع الحرارة نلاحظ ان الخرطوم الخارج من الرايدايتر الى المكينة بارد كثيراً بالمقارنة مع الخرطوم الداخل الى الريديتر من المكينة .

هل هذا يوكد ان الحرارة سببها باكن الكوفر ام هناك سبب اخر ( قديكون بسيط)

منتظر ردودكم

[احمد على 1999]

لو تقصد بالهيد كوفر انه هو جوان وش السيلندر
ده فعلا ممكن يعلى الحرارة بس ليه دلالات
1- لما تفتح غطاء الاربه او الرادياتير ( ايهما عندك ) و تزود بنزين تلاقى نفخ بقاليل فى الميه
2- او تلاقى الميه بتنقص و العربية بتطلع دخان ابيض من الشكمان
3- الزيت بيعمل طحينة
بس من الى انت بتقوله مفيش حاجة من الكلام ده
الا لو انه حصل قبل كده مشكله فى وش السيلندر و اتقشط فبقى سمكه مش مظبوط
بالنسبة للملحوظة الى انت كاتبها ده طبيعى الضغط لازم يعلى فى دورة التبريد هى مصممة كده علشان الميه متغليش عند 100 درجة مئوية بتغلى عند درجة حرارة اعلى ( المفروض لو العربية طبيعية متوصلش ان الميه تغلى ) نفس نظرية الحلة البرستو
و بالنسبة للخراطيم الى انت قلت عليها طبيعى ان الى خارج من الرادياتير يبقى ابرد من الى جاى من المكنه ما هو ده فايدة الرادياتير
هل تم التاكد ان الارتفاع الى انت بتشوفه على العداد حقيقى :
هل فعلا تم التاكد ان عداد الحرارة سليم و كذلك توصيلاته الكهربائية ( الارضى - و سلك الحساس )
هل تم التاكد من سلامة الحساس

لان ثرموستات المراوح تعتبر مؤشر اخر على درجة الحرارة يعنى لو هى سليمة و المراوح بتشتغل و تفصل على فترات يبقى درجة الحرارة طبيعية
و لو المراوح بتشتغل و مبتفصلش ( الثرموستات بتاعتها سليمة ) يبقى درجة الحرارة فعلا عالية

و لو افترضنا ان كل الى فات سليم و ارتفاع الحرارة حقيقى يبقى كده فاضل ان انت تفك وش السيلندر و يتكشف على البلوك و قمصان الميه الى حوالين السيلندرات و مجارى الميه الى فى البلوك

نسيت اقولك فى اختبار تانى للتاكد ان ارتفاع درجة الحرارة حقيقى
سيبها دايره لغاية لما المؤشر يعلى على الاخر و راقب دورة الميه و المراوح لو فعلا ارتفاع حقيقى الميه حتغلى و يطلع دخان من الغطاء و المراوح مش حتبطل

[almodhafari]

شكراً اخي احمد 1999

الحرارة ترتفع فعلاً الى درجة كبيرة ويزيد ضغط الماء وعندما افتح غطاء الراديتر بحذر وافرغ الهواء والضغط تنخفض حرارة المحرك وكان الضغط والهواء في دورة المياة تعيق التبريد .

لا يطلع دخان ابيض من الشكمان . ولا اشارة اختلاط الماء بالزيت في المحرك لان الزيد نظيف دائما ولا يوجد بخار ماء في غطاء الزيت.

هناك فقاعات هواء في الرديتر عندما تسخن السيارة لوحظت كثيراً _ والهد كوفر المقصود هو الباكن العازل بين السلندر ومافوقة من صمامات ودورة مياه وزيت.

هل يسبب تلف الباكن الراس الى غليان الماء بدون اختلاطه مع الزيت في المديلات الحديثة .

شكرا لك اخي مرة ثانية

[احمد على 1999]

طالما فى نفخ فى الرادياتير زى ما انت بتقول ( بس لازم تفرق بين فقاعات هواء نتيجة غليان و نفخ لما تزود بنزين ) يبقى جوان وش السيلندر باظ فى حتة بتنفس نفخ البستون على فتحة مجرى الماء و بكده لازم يتغير
و ده الى بيسبب غليان الميه و ارتفاع الضغط و ممكن يضرب اضعف حاجة فى الدورة زى الخراطيم او لو في كوعة بلاستيك او الاربه المهم حيدور على اضعف حاجة و يدمرها

[almodhafari]

المشاركة الأصلية كتبت بواسطة احمد على 1999 طالما فى نفخ فى الرادياتير زى ما انت بتقول ( بس لازم تفرق بين فقاعات هواء نتيجة غليان و نفخ لما تزود بنزين ) يبقى جوان وش السيلندر باظ فى حتة بتنفس نفخ البستون على فتحة مجرى الماء و بكده لازم يتغير و ده الى بيسبب غليان الميه و ارتفاع الضغط و ممكن يضرب اضعف حاجة فى الدورة زى الخراطيم او لو في كوعة بلاستيك او الاربه المهم حيدور على اضعف حاجة و يدمرها

الف تحية لك اخي احمد على ردك

بس تصدق مالقيت باكن الهيدكوفر في الوكاله نيسان باليمن ؟؟؟؟؟؟؟؟؟؟؟
[/IMG]