فيات132

[aziz ah]

عايز اشتري عربيه فيات 132 وفي واحده قدامي معروضه عليه وانا لسه هتعلم السواقه وماعنديش خبره نهائي ايه الحاجات اللي اعملها علشان اتاكد ان العربيه كويسه وما اتخمش فيها وياريت لوحد من المحله يساعدني يبقا كويس

[Hisham.Elgazzar]

انا لسه كنت فى المحلة فى العيد ماقلتش ليه
عموما إن شاء الله هتلاقى حجات كويسة لأنهم بيحافظوا على حاجتهم كويس
تكشف على الموتور مايكونش بيدخن وده يبان بعد مشوار خفيف كده ونا عارف ان المحلة زحمة
القوايم بتاعت الأبواب تكون سليمة

سليمة يعنى خواجة مش ملعوب فيها
ومن تحت ومن عند الدواسات
ياريت لو سروجى يكشف على العتب من جوا فى الحتت المتدارية
لو لقيت قايم السواق مدقوق عليه رقم الشاسيه تبقى العربية شمال يا صديقى
احزر العربيات دى لأنها ممكن تكون مغيرة ربع أو نص
العفشة تكون معاك سليمة ولا تسمع هبد ولا تزييق ولو حصل كده تقلل من تمن العربية ألف جنيه
الموتور لو بايظ تقلل من تمن العربية الفين جنيه ونتا وشطارتك ( موتورها استيراد النهردة عامل 3200)
أسلاك الكهربا متكونش متبعككه لأنها لو كده تبقى العربية مشنة كل صنايعيى لاعب فيها البخت
تجرى بالعربية وتسمع لو فيها صوت تخبيط من ورا ولا ونة او نعرة او اى قلق على البطىء ولا السرعات يبقى احتمال تكون الكارونة محروقة او متصلحة او نص عمر تروح نازل بسعر العربية كمان الف جنيه على الأقل


طيب ولو ماعرفتش او صاحبها مارضيش ينزل تقوله على السعر اللى هتدفعة بما يرضى الله
وتاخد بعضك وتسيبه

طيب لو ملقيتش العربية اللى انت عاوزها

تبعتلى على الخاص هبعتلك نمرة واحد جارى معاه 132 1800 حالتها جيدة جدا ومش هتحتاج مصاريف بإذن الله غير بنزين وزيت

[aziz ah]

المشاركة الأصلية كتبت بواسطة Hisham.Elgazzar انا لسه كنت فى المحلة فى العيد ماقلتش ليه عموما إن شاء الله هتلاقى حجات كويسة لأنهم بيحافظوا على حاجتهم كويس تكشف على الموتور مايكونش بيدخن وده يبان بعد مشوار خفيف كده ونا عارف ان المحلة زحمة القوايم بتاعت الأبواب تكون سليمة سليمة يعنى خواجة مش ملعوب فيها ومن تحت ومن عند الدواسات ياريت لو سروجى يكشف على العتب من جوا فى الحتت المتدارية لو لقيت قايم السواق مدقوق عليه رقم الشاسيه تبقى العربية شمال يا صديقى احزر العربيات دى لأنها ممكن تكون مغيرة ربع أو نص العفشة تكون معاك سليمة ولا تسمع هبد ولا تزييق ولو حصل كده تقلل من تمن العربية ألف جنيه الموتور لو بايظ تقلل من تمن العربية الفين جنيه ونتا وشطارتك ( موتورها استيراد النهردة عامل 3200) أسلاك الكهربا متكونش متبعككه لأنها لو كده تبقى العربية مشنة كل صنايعيى لاعب فيها البخت تجرى بالعربية وتسمع لو فيها صوت تخبيط من ورا ولا ونة او نعرة او اى قلق على البطىء ولا السرعات يبقى احتمال تكون الكارونة محروقة او متصلحة او نص عمر تروح نازل بسعر العربية كمان الف جنيه على الأقل طيب ولو ماعرفتش او صاحبها مارضيش ينزل تقوله على السعر اللى هتدفعة بما يرضى الله وتاخد بعضك وتسيبه طيب لو ملقيتش العربية اللى انت عاوزها تبعتلى على الخاص هبعتلك نمرة واحد جارى معاه 132 1800 حالتها جيدة جدا ومش هتحتاج مصاريف بإذن الله غير بنزين وزيت

انا متشكر لرد حضرتك هو طالب فيها 5000 وبيقول عامل ليها عمرة من 3شهور وعايزه فرش ومركونه من 3شهور

[sehsss]

المشاركة الأصلية كتبت بواسطة aziz ah انا متشكر لرد حضرتك هو طالب فيها 5000 وبيقول عامل ليها عمرة من 3شهور وعايزه فرش ومركونه من 3شهور

5 آلاف بس ، ازاي !!!!!!!!!!!!!

[I.fouad]

هو ايه البخمس الاف !!!!:00020080 :