مساعدة ضرورى

[amira3030]

البطارية الماء اللى فيها بتقل يا شباب اكون ماشية بيها زى الفل ولما اجى اركن مدة طويلة مش عاوز تدور خالص ةالتابلوة بيكون منور واكتشف ان البطارية بتنقص فيها الماء اعمل اية؟؟؟

[mr_astra]

السلام عليكم ورحمة الله
اختى الكريمة نقص ماء البطارية ممكن يكون من حجتين اولا ان البطارية مشروخة وببتنقص المية بتعتها او الغطاء اللى عامل زى المسمار مش مربوط كويس
والسبب التانى ان شحن الدينامو عالى فابيينشف البطارية
حل المشكلة الاولى بالعين ممكن تشوفى لو فى اى تسريب من البطارية او تشوفى الجزء اللى تحت البطارية هل يوجد اثار مية نار علية ولا لا بيكون شكلها ابيض مملح كدة
السبب التانى عن اى حد بتاع بطاريات او كهربائي سيارات قوليلة عاوزة اكشف على الشحن بس خلى بالك خلى المساعد بتاعة هو اللى يدوس بنزين وانتى اقرى امبير الفولت ( جهاز قياس الشحن ) وفى اقصى دوسة للبنزين الامبير المفروض ما يعلاش عن 16 فولت ودة عشان محدش يدحك عليكى ويؤلك عاوزين كتاوت شحن والاشتغلات دى