مشكلة فى الدركسيون

[meno elsaher]

السلام عليكم ورحمة الله وبركاته ويارب تكونو بخير
انا اشتريت فيرنا 2012 بقالها حوالى اسبوع معايا وماشية 99 كيلو بس لقيت فى صوت طقطقة وانا بلف الدركسيون والعربية واقفة مكانها يمين وشمال وكلمت التوكيل وقالولى تعالى فى اى وقت انا كنت عايز اعرف دة يكون من اية واية اللى هيعملوة فى التوكيل وهل هيطلبو اى مبالغ ولا لا اسف للاطالة ارجو الرد بسرعة

[samirayad]

ممكن يكون بلى البطاحات وحش

أو عاوز يتراجع على تشحيمه

-----------------------

وممكن يكون بيض نهايات الأسكترا وحش برضه

وحقك طبعا

تعمل المطلوب على حسابهم

وبدون أى تكاليف

والموضوع بسيط

بأمر الله

[memodina1]

ممكن يكون كبالن بس صعب اوى عربية زيرو تكون جابت كبالن غريب جدا عموما اوعى تدفع شلن فى التوكيل ولا حتى مصنعية خش حلو ومبتسم والله ينور عليكم وانتوا الخير والبركة وجرب عربيتك وكلة تمام خد بعضك وامشى طلبوا فلوس متتكلمشش خد عربيتك وامشى وروح اليومين دول بلاش تستنى لحد ما تكمل الالف كيلو

[احمد على 1999]

هل بتبقى دايس فرامل او شادد فرامل يد ؟
لان ممكن يكون طبيعى بسبب ضغط الفرامل على الطنابير

[meno elsaher]

احب اولا ان اشكر كل من رد عليا.....
الطقة دى من غير مادوس على اى دواسة .. على العموم انا رايح بكرة ان شاء الله مركز صيانة اللى ف طريق مصر اسماعلية الصحراوى وباذن الله هاقولكو عملت اية
ويارب تكون بسيطة