استفسار سريع كده عن البطاريه ..

[screamseko]

شباب انا عندي البطاريه بقاله مده بتحتضر
بس انا تقريبا قضيت عليها لما فكرت اركب سنتر وانذار

المهم هي قبل السنتر كانت لما بدور مره ومتدورش والتانيه كده لو حاولت ادور لتالت مره البطاريه متقومش المارش وبضطر ازق
وربنا يكتر الصحاب اللي متبهدلين معايا
المهم كانت بمجرد متتلمس بس وارميلها بتدور بسرعه جداا

اللي حصل بقي امبارح اني ركنتها وقفلت السنتر عادي والصوت كان واضح
وانا مروح بقي جيت افتح السنتر مفيش
ببص علي لمبة الانذار لقيتها مطفيه
عرفت انها بطاريه
المهم فتحت بالمفتاح عادي وبفتح الكونتاك لقيت المؤشر بتاع البنزين بيتحرك بطئ جداااا عشان يوصل للمقاس بتاعه وفعلا كانت بطاريه

المشكله دلوقتي انهم قعدوا يزقوني كتييير جدااا ولاااايمكن تدور مش عارف ليه مع انها كانت بمجرد لمسه ورميه بتدور
ومدارتش الا اما قعدنا ندور علي توصيله وحدي يساعدنا ومجرد محطيت الكابلات دارت بسهوله الحمد لله

انا عايز اعرف حاجه دلوقتي
مش المفروض حتي لو البطاريه مش نافعه بمجرد مزق العربيه تدور عادي لان الدينامو هو اللي بيولد كهربا دلوقتي ومالوش دعوه بالبطاريه ولا ايه بالظبط

وانا عندي بطاريه جافه وبقالها معايا حوالي سنتين ونص
عايز اعرف نوع بطاريه 55 كويس وميكونش غالي اوي وتكون جافه برضه مع العلم ان العربيه 127

[eng/walaaeldeen]

السلام عليكم

يوجد في بعض اجهزة الأنذار خاصية فصل الكونتاك فمن الممكن ان يكون هناك قفله فاصله الكونتاك او عيب في التوصيل
والله المستعان

[mhamdy75]

البطاريه طالما نامت خالص

لايمكن العربيه تدور زق

وهى عمرها كده

[samirayad]

انا عايز اعرف حاجه دلوقتي مش المفروض حتي لو البطاريه مش نافعه بمجرد مزق العربيه تدور عادي لان الدينامو هو اللي بيولد كهربا دلوقتي ومالوش دعوه بالبطاريه ولا ايه بالظبط

واضح أن البطاريه عندك ماتت ....موته شنعاء

ولايمكن أن تدور السياره ولو زق مع تواجد بطاريه ماتت بالفعل

وإنتهى منها أثير الحياه

----------------

أما بأه الحالات إللى بتدور بها المكنه زق

بتكون لسه بطارية السياره بتطلع فى الروح

----------------------

ومفيش شك

هناك فرق بين من يحتضر وبين من طلعت روحه بالفعل

وتلاشى عنه أثير الحياه

--------------------

وفعلا

بمجرد ماتدور المكنه حتى ولو زق

بيكون الدينامو هو المسئول عن تغذية دايرة الإشعال بالسياره

لكن بيلزم لدوران المكنه بالزق

تواجد شويه كهرباء صغننين من البطاريه

لكى تؤدى دورة الإشعال دورها المطلوب منها لحظة دوران الكرنك زقا

فى اللحظه دى بيكون لسه الدينامو معترض على شيل الحمل الكهربى

الازم لتقويم المحرك فى صورة دورة حريق لاتتم إلا إعتمادا على دورة الإشعال فى تلك اللحظات

إعتمادا على ماهو موجود من جهد كهربى بسيط بالبطاريه التى على وشك وداع الدنيا

-------------------------

بالنسبه لترشيح بطاريه جافه جديده

هات ال ac- delco ( السعودى المنشأ )

55 أمبير

هتعملها حوالى 320 جنيها

المشاركة الأصلية كتبت بواسطة screamseko شباب انا عندي البطاريه بقاله مده بتحتضر بس انا تقريبا قضيت عليها لما فكرت اركب سنتر وانذار المهم هي قبل السنتر كانت لما بدور مره ومتدورش والتانيه كده لو حاولت ادور لتالت مره البطاريه متقومش المارش وبضطر ازق وربنا يكتر الصحاب اللي متبهدلين معايا المهم كانت بمجرد متتلمس بس وارميلها بتدور بسرعه جداا اللي حصل بقي امبارح اني ركنتها وقفلت السنتر عادي والصوت كان واضح وانا مروح بقي جيت افتح السنتر مفيش ببص علي لمبة الانذار لقيتها مطفيه عرفت انها بطاريه المهم فتحت بالمفتاح عادي وبفتح الكونتاك لقيت المؤشر بتاع البنزين بيتحرك بطئ جداااا عشان يوصل للمقاس بتاعه وفعلا كانت بطاريه المشكله دلوقتي انهم قعدوا يزقوني كتييير جدااا ولاااايمكن تدور مش عارف ليه مع انها كانت بمجرد لمسه ورميه بتدور ومدارتش الا اما قعدنا ندور علي توصيله وحدي يساعدنا ومجرد محطيت الكابلات دارت بسهوله الحمد لله انا عايز اعرف حاجه دلوقتي مش المفروض حتي لو البطاريه مش نافعه بمجرد مزق العربيه تدور عادي لان الدينامو هو اللي بيولد كهربا دلوقتي ومالوش دعوه بالبطاريه ولا ايه بالظبط وانا عندي بطاريه جافه وبقالها معايا حوالي سنتين ونص عايز اعرف نوع بطاريه 55 كويس وميكونش غالي اوي وتكون جافه برضه مع العلم ان العربيه 127

THE BEST IN THE EGYPT NOW !!























85>RAMSES
street CAIRO EGYPT
TEL.25744714








:TH E_PR~18: