تجربتى فى شراء عربيه للمعاقين

[essamenen]

اصيب زوج اختى العام الماضى بحادث مما ادى الى بتر زراعه الايسر من بين الكتف والكوع الحد لله انها جات على اد كده . بعد كام شهر فكرنا نشترى سياره للمعاقين فبدا التفكير فى عمل كموسيون طبى فقدمنا الورق فى الكمسيون وعرفنا ا الورق المطلوب وقدمناه وتم تحديد ميعاد كشف الرمد بعد تقديم الورق بثلثه اشهر كان هناك كشف مستعجل فقلنا نكشف عادى لاننا مش مستعجلين فى شهر 3 الى فات كشفنا الرمد للتاكد من النظر ثم كشف العظام , بالنسبه لكشف العضام لازم يكون مركب جهاز ( يد متحركه ) ليتم التحكم فى الدركسيون ( لان اعاقته فى الزراع الايسر فقط ) فلما سالنا قالولنا انه لابد من وجود الجهاز ولا يتم الكشف الطبى الا به فوجدنا شخص اما مستشفى المنيره يتم تاجير الاجهزه ثمن ايجاره 500 جنيه بعد تردد وعده اسئله ومناوشات مع الاداريين ( فقط )الى موجودين فى الكشف الطبى لا بد من الكشف به ( ديه سبوبه وكله بيقبض منها ) ( الدكاتره ميعرفوش نظام التاجير ده او يعرفو بس مالهمشى دعوه اهم حاجه يكون مركب جهاز ويعرف يستعمله حيث انه يعرف يمسك الدركسيون ويلف يمين و شمال ومعندهمشى واسطه ولا معرفه علشان الواحد يعدى من اللجنه )
الحمدلله ظهرت النتيجه واخذنا الجواب وهو موجه الى ميناء بور سعيد
الخطوه الى جايه هو شراء السياره لك طريقتين
1- يكون ليك واحد فى الخارج ويبعتلك العربيه باسمك
2- تشتريها من اى منطقه حر
طبعا احنا منعرفشى اسعار العربيات ال بتتباع فى المنطقه الحره فقلنا نجمع المعلومات
1- رحنا المنطقه الحره الى موجوده فى مدينه نصر فوجدنا انها توجد شركه واحده وكل الى موجوده فيها يابانى كرولا بس للاسف كانت غاليه يعنى اقل من سعر السوق بالنسبه للعربيات العريات الملاكى فى حدود 10 الاف جنيه فلاقيته بيعلى السعر جامد لانه مفيش غيره انا مش فاكر اسعار بالظبط لاكن كان غالى
2- هفقررت ان نذهب الى بور سعيد واخذ فكره قبل الشراء فذهبت امس انا ساكن فى بنها يوجد طريقين
بنها-الدائرى -الاسماعليه -بور سعيد
تحركت من بنها الساعه 6.30 صباحا كان الزراعى والدائرى مقفول اخذت ساعتين لحد ما دخات على اول طريق الاسماعليه

بنها الزقازيق الاسماعليه بور سعيد
انا رجعت من ذلك الطريق يس طريق القاهره افضل لانه مجوز ( بغض النظر عن وقوف الطريق )

المهم وصلنا الى بور سعيد الساعه 10.30 قعدنا على قهوه وفطرنا وكله تمام
بعد كده رحنا منطقه الاستثمار احنا مكناش عرفين اى حاجه والعربيات ديه بتتباع فين سئلنا لحد معرفنا فوقفنا ادام المنطقه ولقينا واحد جيلنا طلع انه سمسار فقلى انه هيودينا الى كذا شركه المهم رحنا ودخلن
هى عباره عن هناجر او حاجه زى الجراجات فيها ثلث تجار على الاقل كل تاجر له عربياته ومنطقته لفيت على كذا واحد
وجدت الاتى
كله عباره عن دايو او ماتركس او اسكودا
(احنا مقررين نشترى كرولا او لانسر وبعدين دايو )
احنا كنا بنسئل عن الدايو نوبيرا اتوماتك علشان الاعاقه
عندما كنت افحص السيارات وجدت الاتى
جميع السيارات سليمه من حيث الصاج الا من بعض الخدوش البسيطه
جميع العدادات تتراوح من 100 الف الى 160 الف كيلو
50 %من السيارات محركاتها خفيفه نسبيا ويجد نها بعض المحركات الى بها مشاكل ولاكن توجد سيارات سليمه كانها زيرو
لاقيت نوبيرا العدداد عمل 30 لف طبعا زيرو شغل العربيه سمعت خبط فى الماتور و صوته مش ناعم ووحش ويوجد دخنه بيضاء من المحرك عرفت بعد كده انهم لاعبين فى العدداد اخذ يقنعنى انها بتشطب بنزين وهاكرمك فى السعر طبعا قلتلهشكرا وسبته .
الاسعار بالنسبه للنوبيرا من 27 الى 29 حسب التاجر من بقه بدون فصال
ممكن تلاقى بعض العربيات فيها امكانيات زى abs او فرش جلد طبيعى اصلى وكاست اصلى طبعا هما بيقلولك ان الحاجات ديه بتزود السعر بس ده استهبال
احنا كنا رايحين ناخد فكره طبعا السمسار الى معاي قلى انتى بتشترى ولا بتاخد فكره فقلتله هتفرق معاك ايه فرد على انتى مبتشتريش عربيه زيرو فقلتله انا هدفع فلوس ولازم ادور على حاجه كويسه ان شاء الله فشوف انا مش عايزك تلف معايا لاكن لو لفيت معايا واستفريت على عربيه خلاص فقلتله انتى بتاخد عمولتك من فين فقلى من التاجر الى بتدهولى ده من عندك فقلتله مفيش ممشكله انا عاوز عربيه يابانى فقلى مفيش يابانى فى السوق طبعا مقتنعتش بالكلام ده فقلى فى فى هنجر فيه تاجرين عندهم كورى فقلتله خلاص اخذت تلفونه وقلتله لما بخلص واجهز الفلوس هتصل بيك فقل ديه عربيات كويسه ومفيش دفعه نازله تانيه وحاول تشترى دلوقتى
المهم قلتله على تلفون
بعد ما طلعنا من منطقه الاستثمار قلنا نشرب شاى وبعد كده نروح بنك الاسكندريه علشان اشترى كارتيره زيت لعربيتى 131 لانها بتنفط من عند الطبه وعوزه لحام فقلت اغيرها احسن لفيت وما لقيتشى الى حاجه انا حسيت ساعتها ان عزبه شلبى افضل من بور سعيد بالنسبه للفيات القديم والحديث
بعد كده قلنا نصلى الظهر والعصر ونريح شويه ونتغدى سمك على البحر وبعدين نروح
مشيتا من بور سعيد 4.30 واحنا خارجين من بور سعيد عدينا على الجمرك للتفتيش طبعا استغربت لانها مبقتشى منطقه حره فايه لازمته الجمرك المهم ربنا كرمنا ووصلت الساعه 8.30 لانى لفيت فى فى الزقازيق على كرتيره لاقيته بس معجبتنيش فقلت اللحم القديمه افضل من الجديده
اسف على الاطاله ويا ريت اكون افدت ولو بمعلومه صغيره

[tham1010]

حضرتك فعلا وصفت بصدق كل حاجة فى الرحلة دى وهذا فعلا الحقيقة على أرض الواقع..... أم اللعب فى العداد مش عارف هل هذا صحيح أم لا؟ ولكن لاحظت مش كل التجار كدة. يعنى فى ناس بتسيب العربية يحالتها وأنت تقيم وتعاين.... أنا مثلا لما رحت شركة كريستال اولاد أبو حسين فى فرعهم فى شبين الكوم الحقيقة مش فى لعب يعنى العربية بتكون على حالتها علشان كدة العدادت تلاقيها عالية يعنى 150 و اكثر.

كذلك العربيات فى المنطقة الحرة بمدينة نصر الحقيقة هى عربيات وارد أوربا فحالتها بتكون كويسة وأسعارها اصلا بتيجى غالية. على سبيل المثال الماتركس اللى جاية من أوربا بتكون أغلى فى حدود 3 الاف جنية عن اللى جاية من كوريا. هو يمكن التاجر بيغلى شوية فى ربحة علشان مش بيبيع العربيات دى بسهولة فهو بيحاول يكسب فى كل عربية على قدر ما يقدر، ولكن لو بنبحث عن حالة كويسة وحاجة يبابانى يبقى الراجل دة يكسب....

[essamenen]

المشاركة الأصلية كتبت بواسطة tham1010 حضرتك فعلا وصفت بصدق كل حاجة فى الرحلة دى وهذا فعلا الحقيقة على أرض الواقع..... أم اللعب فى العداد مش عارف هل هذا صحيح أم لا؟ ولكن لاحظت مش كل التجار كدة. يعنى فى ناس بتسيب العربية يحالتها وأنت تقيم وتعاين.... أنا مثلا لما رحت شركة كريستال اولاد أبو حسين فى فرعهم فى شبين الكوم الحقيقة مش فى لعب يعنى العربية بتكون على حالتها علشان كدة العدادت تلاقيها عالية يعنى 150 و اكثر. كذلك العربيات فى المنطقة الحرة بمدينة نصر الحقيقة هى عربيات وارد أوربا فحالتها بتكون كويسة وأسعارها اصلا بتيجى غالية. على سبيل المثال الماتركس اللى جاية من أوربا بتكون أغلى فى حدود 3 الاف جنية عن اللى جاية من كوريا. هو يمكن التاجر بيغلى شوية فى ربحة علشان مش بيبيع العربيات دى بسهولة فهو بيحاول يكسب فى كل عربية على قدر ما يقدر، ولكن لو بنبحث عن حالة كويسة وحاجة يبابانى يبقى الراجل دة يكسب....

على فكره لى اخوى فى المانيا اعطانى موقع المانى للسيارات المستعمله
للاسف بيذكرو فى المواصفات كل حاجه حتى لغايه البارومه واعلى سعر للنوبيرا موديل 2000 1500 يورو يعنى 12000 جنيه بدون الشحن او الجمارك
يعنى حتى لو غاليه مش هتزيد عن 20000 جنيه تقريبا بس اخويا مالوش فى العربيات فقلنا نجبها من مصر افضل واريح
شركه كرستال لها فرع فى بور سعيد وشبين الكوم انا مرحتش فرع بور سعيد لكن ان شاء الله هروح فرع شبين واقارن

[Pop301]

مكن تعرفنا اقل نسبه عجز كانت كام لو عندك فكره وشكرا

[طارق ابوذيد]

الله يباركلك على الافاده وجعلها الله فى ميزان حسناتك