تفســـــير بنود وثـــــيقة تــــــــامين الــــــــسيارت

[تامين سيارات]

السلام عليكم و رحمة الله و بركاتة
فى البداية احب ان اهنىء الاعضاء الكرام بحلول شهر رمضان المبارك اعادة الله على عموم المصرين بالخير

و اقدم الشكر لادارة مصر موتورز
على المجهود الكبير

فى البداية اخوانى الكرام احب ان اوضح شىء مهم ان قرائتك لوثيقة تامين السيارت مهم جدااا عند اصدار الوثيقة و قد اتاح منتدانا العزيز لاعضاء و زوار مصر متورز حوار مفتوح مما يظهر تفاصيل لم تكن معروفة قبل .

نصائح قبل الاشتراك ::::::

اول ما تفكر انك تشترك فى وثيقة تامين لسيارتك لا تنظر لاشياء قد تضر بك
1- لا تبحث عن السعر المنخفض فقط لان السعر القليل دة ممكن يكلفك نقود كثيرة
2- اسال عن تجارب اخرى لمعارفك
3- لا تحدد سعر السيارة بنفسك و تقول قرض بنك لان دة هايكلفك جداا سعر السيارة كما تحددة شركة التامين ( حتى لا يطبق شرط النسبية )
4- حاول تعرف قيمة الاستهلاك على قطع الغيار فى الوثيقة لانها فلوس هاتدفعها
5- ابعد عن التحمل الاجبارى فى الوثيقة (يوجد وثائق منخفضة السعر التحمل الاختيارى 4 فى الالف)
6- اقراء الوثيقة جيدا قبل دفع الفلوس و اسال لو مافهمتش بند لان دة من حقك

مرحلة استلام الوثيقة و قرائتها

فىالاول هتلاقى بيانات سيارتك طراز السيارة رقم اللوحة (لو مامن بجواب مرور مش هايبقى مكتوب ) الشاسية المتور كل البيانات

اقراء بعناية امام التحمل الاجبارى و الاختيارى

الشروط :::::::

1- السداد :::
معنى السداد دفع ثمن الوثيقة لشركة التامين لسريان الوثيقة اما اذا لم تسدد الوثيقة ووقع حادث لاقدر الله لا يتم تفعيل التعويض وهنا توجد نقطة مهمة جداا بالنسبة للشيك انالقسط لا يعتبر مسدد اذا لم يتم تحصيل الشيك ( لهذا البنك الى حضرتك واخد منة القرض يشترط ان يوجد جواب معتمد من الشركة بسداد الوثيقة نقدا )

2- تقدير الشركة لقيمة السيارة :::: الشركة مسؤولة عن تقدير قيمة السيارة و هى القيمة السوقية للسيارة وقت المعاينة

3 - صفة السيارة :::: حضرتك بتامن و بتعاين و السيارة بتتصور يعنى ما ترحش بعد كدة تلعب فى شكل العربية تغير كبوت بشكل معين او تقطع فى الصاج يعنى تفضل زى ما هية

4- هتلاقى حضرتك شرط يقولك الشركة مش مسؤولة عن السرقة ازى يعنى الكلام دة لا همة يقصدو السرقة المتعمدة من صاحب السيارة او احد افراد اسرتة او التابعين له او مستاجر السيارة لكن اى سرقة تانية مغطاة سواء السيارة كلها او بعض اجزائها

5- شرط الايرباج الاساسى ::: و هنا بيبقى الاستهلاك خاص 25% من قيمتة او مشتملاتها

6- شرط الاصلاح فى التوكيل :::: هنا بيبقى فى تحمل 10% من قيمة الفاتورة او التعويض للسيارات الزيرو حتى 5 سنوات و 25% من 5 سنوات الى 10 سنوات

7- شرط البنك ::: و دة لو حضرتك واخد قرض من البنك وهنا الشرط يقول تدفع التعويضات الكلية و الجزئية لصالح البنك الى حضرتك واخد منة القرض
و لو حضرتك خلصت القرض الى على السيارة و عاوز يبقى التعويض لصالحك لابد من موافقة كتابية من البنك برفع الحظر

و ان شاء الله هاكمل بقية شرح وثيقة السيارت انا و زملائى فى اقرب وقت ممكن و لكم تحياتى

[eman2205]

هايل يا أ / عمرو
شرح ممتاز

[eman2205]

اهلاك قطع الغيار :
نسبة تخصمها شركة التامين نظير استهلاك بعض قطع الغيار المعتاد فى حالة
تغييرها فى الحادثة ، بمعنى ان بعد سنتين العربية عملت حادثة ومطلوب تغيير
جزء ميكانيكى له عمر افتراضى فيها زى المساعدين او الدبرياج ، فشركة
التأمين مش هتدفع تمن واحد جديد بالكامل ، بل تخصم جزء من الثمن

تكلفة الاخطار :
تكلفة تدفعها للشركة عند ابلاغك لهم بالحادث
ودة مش موجود فى مصر للتأمين و قناة السويس

تكرار المطالبة :
يعنى حدوث اكتر من حادث فى السنة وبالتالى معناه انك بتحقق خسائر عالية
ليهم وده ممكن يؤدى لزيادة القسط السنة الجديدة ، او رفض الشركة لتجديد
الوثيقة

عدم المطالبة :
عدم وجود مطالبة خلال السنة للشركة

نسبة التحمل :
نسبة من قيمة الحادث يتم سدادها بمعرفة صاحب السيارة

المسئولية المدنية :
تعنى وجود تغطية ضد حدوث تلفيات بممتلكات اخرى او سيارات اخرى تسببت فيها

[Neo206]

مشكور و جزاك الله خير

[تامين سيارات]

المشاركة الأصلية كتبت بواسطة eman2205 اهلاك قطع الغيار : نسبة تخصمها شركة التامين نظير استهلاك بعض قطع الغيار المعتاد فى حالة تغييرها فى الحادثة ، بمعنى ان بعد سنتين العربية عملت حادثة ومطلوب تغيير جزء ميكانيكى له عمر افتراضى فيها زى المساعدين او الدبرياج ، فشركة التأمين مش هتدفع تمن واحد جديد بالكامل ، بل تخصم جزء من الثمن تكلفة الاخطار : تكلفة تدفعها للشركة عند ابلاغك لهم بالحادث ودة مش موجود فى مصر للتأمين و قناة السويس تكرار المطالبة : يعنى حدوث اكتر من حادث فى السنة وبالتالى معناه انك بتحقق خسائر عالية ليهم وده ممكن يؤدى لزيادة القسط السنة الجديدة ، او رفض الشركة لتجديد الوثيقة عدم المطالبة : عدم وجود مطالبة خلال السنة للشركة نسبة التحمل : نسبة من قيمة الحادث يتم سدادها بمعرفة صاحب السيارة المسئولية المدنية : تعنى وجود تغطية ضد حدوث تلفيات بممتلكات اخرى او سيارات اخرى تسببت فيها

مشكورة يا استاذة ايمان على المعلومات القيمة ياريت اضافة اخرى ليكى على شان نستفيد بمعلوماتك و منتظرين بقية الزملاء فى اضافتهم