محتاج إستشارة بخصوص كارتيرة زيت الموتور (عـــااجــل)

[m_elmasoudy]

السلام عليكم..

محتاج أعرف إيه نوع المادة المناسبة للحام شرخ فى حوض كارتيرة زيت الموتور

لأنى أكلت مطب وحش شويتين.

وحبيت أعرف عشان بلية (الميكانيكى) ودماغه العالية (على رأى م/سمير) مايقعدش يفتى وينخور فى راسى.

الموتور: ريجاتا نوفا 1600cc

وشكراً مقدماً لكل الردور..

[m_elmasoudy]

يعنى مفيش حد هيفرحنى ويشرفنى ويشاركنى استفسارى ؟؟؟؟؟

[dr_eslam_66]

ياباشا أصلك بتسأل بردو في حاجة متخصصة زيادة علن اللزوم ياعني لا هيا ميكانيكا ولا كهربا دي نوع لحام ياعني الي هيفيدك الخرّاط وأصلا تلحمها ليه ماتشتريها جديدة.
أنا بردو قبل كدة كلت رصيف بقى مش مطب وكارتيرة الزيت بتاعة الجير بوكس هيا بقى الي إتعكت بس لاعرفت أستعدلها ولا عرفت ألحمها إشتريت واحدة تانية.
عموما أنا مش عايز أفتي بس أتمنى أن يهديك الله للصواب قريبا.

[m_elmasoudy]

منا عشان كده يا باشا بسأل هنا لأنى عارف إن أهل الخبرة كلهم هنا وبعدين أنا فى تخيلى شايف انه شرخ بسيط ومش محتاجه للتغيير الكلى مع العلم إن الكارتيرة نفسها ما إتطبقتش ولا إتنت ده اللى حصل ان القنطرة اللى عليها كرسى الفتيس ريحت عليها وموضوع انها جابت زيت ده لاحظته بعدها بفترة يعنى الشرخ ده نتج عن الإحتكاك مع قنطرة اللى عليها كرسى الفتيس
عموما ياباشا الف شكر على مشاركتك وإستجابتك وفى إنتظار المزيد

[sad-bird]

من الأفضل تجيب كارتيرة تانيه لان اللحام مهما كانت قوته احتمال كبير يتفك تاني يبقى لازم تحل الحل الجذري وانك تجيب واحده جديده او استيراد واي حل تاني هتعمله هيبقى حل مؤقت مش اكتر