البطـــــــــــــــــــار ية الجافة

[ABOU YARA]

غيرت بطارية سيارتي السائلة الأصليه لسيارتى لانسر بوما 2009 رياضية ببطارية جافة 70 امبير ولا حظت ان استهلاك البنزين زاد بالسيارة بعد تركيب البطارية مباشرة
كان الاستهلاك من 200 الى 220 كم بالصفيحة 20 لتر اصبح الآن من 140 الى 160 كم بالصفيحة
ارجو معرفة السبب وطرق الحل ولكم الشكر

[sayed2077]

بنسبه 99.9999% البطارية مالهاش علاقة نهائيااااااااااااا

ممكن حدث خلل تزامن مع وقت تركيب البطارية فحضرتك افتكرت ان البطارية هى السبب والخلل ده ممكن يكون رشاشات حساسات حضرتك مشيت فى زحمة كتييير كده يعنى

[M.TONSY]

فعلا البطارية متأثرشى على استهلاك العربية للبنزين

[eng/walaaeldeen]

السلام عليكم
فعلا البطاريه لا دخل لها
لكن من المحتمل ان الكمبيوتر عند فك وتركيب البطاريه حدث فيه ايرور تسبب في ذلك على الرغم من ان احتمال ضعيف جدا يكاد يكون 0% حاول تعمل ريستارت للكمبيوتر او تعمل له اسكان لو في ايرور امسحه
والله المستعان

[svneleven]

متفق مع السادة الأعضاء تماما. لكن البطارية لو مش مشحونة كوويس أو فاضية بمعني أصح هتحمل علي الدينامو و تستهلك شوية بنزين لكن مش تخلي الاستهلاك يقل جامد. سؤال صغير هو سيادتك حسبت ال 140 160 كم في الصفيحة علي مسافة كبيرة و الا مشوار صغير 20 أو 30 كم مثلا؟ لأن الطبيعي لو البطارية فاضية أو محتاجة شحن ان استهلاك البنزين هيزيد لكن لمسافة بسيطة لحد ما الشحن يكتمل لكن لو الموضوع مستمر مع سيادتك مسافة كبيرة هيكون مؤكد فيه مشكلة تاني.