استشاره فنيه يا معشر الفرناويه

[بحر الحياه]

فيرنتى موديل 2011 لسه مرحتش صيانة الالف فاضل عليها 200 كم من اسبوعين كده وانا بركنها سمعت صوت خبطه خفيفه فنزلت اشوف ايه الصوت ده وملاحظتش حاجه قلت يمكن صوت علبه كانت فى الارض ولا حاجه انهارده وانا راجع من الشغل قلت اغسلها فى البنزينه من تحت وبصيت عليها من تحت والراجل رافعها اكتشفتان فى حكه حصلت فى العتب من تحت مش من الجنب بين البابين اليمين من تحت هى حكه مش كبيرة ومتبانش من الجنب وانت واقف جنب العربيه
سؤالى بقى ما مدى تأثير هذه الحكه على اداء السياره ؟ لى سؤال تانى يا ترى لما اروح صيانه الالف لو شافوا الخبطه دى هيعلقوا ؟

[samirayad]

سؤالى بقى ما مدى تأثير هذه الحكه على اداء السياره ؟

ولا حاجه

لى سؤال تانى يا ترى لما اروح صيانه الالف لو شافوا الخبطه دى هيعلقوا ؟

ولا حاجه

حاول بس تبقى تغطى مكان الحكه دى بأى شىء مقاوم للصدأ

فيه ماده أسمها أندركوت ( رصاصية اللون )

ممكن تلاقى عندهم منها

5 ج لأى صبى هناك

وهو يدهنلك مكان الحكه دى

ولو ملقيتش

ممكن تدهنها بحتة شحم عادى على خفيف وتسيب الشحم عليها لحد ماينشف

ويلم تراب كمان على الشحم من وجهه الملامس للجو أسفل السياره

[بحر الحياه]

شكرا ا سمير

[ahmedShafie]

مبروك على العربيه

ممكن تكلمنا عليها شويه يعنى علوها عن الارض فعلا كما قيل ولا ايه

وعلبه الشكمان اللى قالو عدلوها

ولو شويه صور لها تبقى عسل يمكن الواحد يغير

[بحر الحياه]

المشاركة الأصلية كتبت بواسطة mshm2003 مبروك على العربيه ممكن تكلمنا عليها شويه يعنى علوها عن الارض فعلا كما قيل ولا ايه وعلبه الشكمان اللى قالو عدلوها ولو شويه صور لها تبقى عسل يمكن الواحد يغير

اللله يبارك فيك يا باشا
بالنسبه لعلوها عن الارض انا حملت فيها اتنين ورا وواحد جنبى ومحكتش فى اى مطبات كمان مسمعتش صوت الشكمان خبط فى اى حاجه من ساعه ما جبتها وده دليل على انهم علوها فعلا وغيروا علبة الشكمان بالاضافه الى كده انا شاريها من واحد حبيبى جدا شغال فى مبيعات غبور وقالى انها عربيه جميله فعلا والحاجت دى اتغيرت فيها فعلا مش عايز اقولك ان انا كنت هجيب rb وهو اللى قالى لا مش فارقه كتير عن الفيرنا غير الشكل وهتوفر 30 الف جنيه ونصحنى بالفيرنا عن ال rb طبعا انا مكنتش عايز اقول كده عشان اخوانا المعجبين بالrb ميزعلوش
وبالنسبه للصور هصورهالك كام صوره واجبهم
بس انا عايز حد تانى ينصحنى بالنسبة للحكه اللى لاقيتها اسفل العربيه لو دهنتها اندركوت زى ما العضو الفاضل قالى فوق هيطلع تانى وان طلع تانى هتاكلها البرومه بسرعه معلش اصل الحكه دى حاسس كانها حكه فى راسى من فوق مش فى العربيه