خلاص إتبسطتوا كده يا رب نرتاح بقى ونشوف هتعملوا إيه؟

[Komy]

أولا أحب اقول إن انا واحد من الناس اللى مش عايزة مبارك ولا اى حد من ريحته ومن الجيل المتنيل على عينه.

بس العقل بيقول إنه ما يمشيش دلوقتى ويسيب البلد فى يد من هم قليلى الخبرة والمعرفة فى إدارة شئون دولة زى مصر وعلاقاتها وشعبها الثائر والتى لن تنتهى مطالبه, ويارب يخيب ظنى والنائب يقدر يحافظ على البلد الفترة دى.

ملحوظة: يا عينى على ناس صبرت 30 سنة ومش قادرة تصبر 6 شهور!!!!!!! وعجبى.

قابلوا بقى اللى هيحصل.

وبالمناسبة عنوان الموضوع موجه بالأخص للمتظاهرين الموجودين حاليا فى كل شوارع مصر وطلبهم هو تنحى الرئيس.

اللهم ولى أمورنا خيارنا

ولا تولى أمورنا شرارنا

اللهم من ولى من أمرنا شيئا فرفق بنا

فأرفق به

ومن ولى من أمرنا شيئا فشق علينا

فأشقق عليه

والله الموفق

[Komy]

حد فيكوا يا جماعة فكر إيه اللى ممكن يحصل لو عمر سليمان أخفق فى إدارة البلد الفترة دى ودى حاجة إحتمال حدوثها وارد؟ يا نهار إسوددددددد لو حصل كده.

بس أنا ليا سؤال هو ممكن الرئيس يتولى مقاليد الحكم تانى بعد تفويضه نائبه ولا لأ ؟

[أحمد فاروق سيد]

المشاركة الأصلية كتبت بواسطة Komy بس أنا ليا سؤال هو ممكن الرئيس يتولى مقاليد الحكم تانى بعد تفويضه نائبه ولا لأ ؟

طـــــــبـــــعــــــاً

[_amr.mostafa_]

اكيد ممكن

يعني انت لو عملت توكيل لواحد على ممتلكاتك مش ممكن تتحكم فيها ..؟؟

[ahmed1981]

وكان لزمته إيه الخطاب طالما معملش حاجة من مطالب الناس
كان نقطنا بسكاته أحسن