صياتة 1000 كيلو f3 بتوكيل العامرية اسكندرية

[kimo10]

السلام عليكم
ده تقرير عن اول صيانة الى الجميلة f3
ذهبت اليوم الى شركة الامل اللى فى الطريق الصحراوى كانت الساعة 3 عصرا تقريبا وعند دخولى جاء الى الفنى وقال انتظر المهندس وبعد دقيقتين جائنى المهند س المختص وطلب الرخص والمفاتيح والضمان
اعطهمله طبعا قالى حنغير زيت الماتور والموجد موبيل 5000 و10000 تختار ايه جاوبته انى كل خمس الف كيلو حاجى اعمل الصيانة عندكم اخترت 5 الاف وقلتله نغير الفلتر كمان فاحبنى ثمن الفلتر 25 جنيه
قالى فى شكوى من شىء معين طبعا الشنطة لازم تترزع عشان تقفل ضبط حساس الانذارتربت العفشة وضبط زواية قال الصيانة ده مفيهاش ظبط زواية اجبت مش مهم ظبط وادفع حسابها وكما ن الكاوتش الخاص بالمزراب العلوى اليمين مش فى مكانه كويس وتوجد عضة فى الغيار الثانى كتب كل اللى قولت عليه وجاء فنى ووضع كيس بلاستك على كرسى السائق ووضع نيلون على عجلة القيادة وذهبت الى الاستراحة بصراحة الاستراحة مش حلوة وبعد حوالى نصف ساعة جانى فنى قال نجرب استغربت الوقت ده لحق يعملوا اللى قولت عليه ركبت معى الفنى نجرب السيارة هم غيروا الزيت والفلتر وربط العفشة وقالى نجرب لو محتاجة ظبط زواية حنظبتها قولته العضة اللى بتيجى فى الغيار التانى قالى لازم تدوس دبرياج للاخر مفيش اثر لعضة وفعلا دوس الدبرياج للاخر مفيهوش حاجة قولته طيب الشنط والانذار والمزراب قالى لسه احنا خلصنا الميكانيكا وبعد كده الحاجات الباقية تتعمل ورجعنا المركز وذهبت الى الاستراحة مرة اخرة وبعد حوالى 20 دقيقة حضر فنى اخر وقال تعال كده السيارة خلاص نزلت اجرب الشنطة تمام والمزراب تمام والانذار تمام وذهبت ادفع الفاتورة
وهنا المفاجاءة
طلعت الفاتورة بمبلغ 160 جنيه وكانت كما يلى لانى مش عارف انزل منها صورة
120 جركن زيت موبيل xhp
25 فلتر زيت
15 جنية ضريبة مبيعات
بصراحة خدمة جيدة جدا والاسعار ممتازة
وانا راجع قولت اشوف العربية عملة ايه جريت شويه على 150 بسم الله ما شاء الله ثبات ممتاز
واشكر كل من اقترح عليا شراء byd

[Dr.Khaled Youssef]

المشاركة الأصلية كتبت بواسطة kimo10 السلام عليكم ده تقرير عن اول صيانة الى الجميلة f3 ذهبت اليوم الى شركة الامل اللى فى الطريق الصحراوى كانت الساعة 3 عصرا تقريبا وعند دخولى جاء الى الفنى وقال انتظر المهندس وبعد دقيقتين جائنى المهند س المختص وطلب الرخص والمفاتيح والضمان اعطهمله طبعا قالى حنغير زيت الماتور والموجد موبيل 5000 و10000 تختار ايه جاوبته انى كل خمس الف كيلو حاجى اعمل الصيانة عندكم اخترت 5 الاف وقلتله نغير الفلتر كمان فاحبنى ثمن الفلتر 25 جنيه قالى فى شكوى من شىء معين طبعا الشنطة لازم تترزع عشان تقفل ضبط حساس الانذارتربت العفشة وضبط زواية قال الصيانة ده مفيهاش ظبط زواية اجبت مش مهم ظبط وادفع حسابها وكما ن الكاوتش الخاص بالمزراب العلوى اليمين مش فى مكانه كويس وتوجد عضة فى الغيار الثانى كتب كل اللى قولت عليه وجاء فنى ووضع كيس بلاستك على كرسى السائق ووضع نيلون على عجلة القيادة وذهبت الى الاستراحة بصراحة الاستراحة مش حلوة وبعد حوالى نصف ساعة جانى فنى قال نجرب استغربت الوقت ده لحق يعملوا اللى قولت عليه ركبت معى الفنى نجرب السيارة هم غيروا الزيت والفلتر وربط العفشة وقالى نجرب لو محتاجة ظبط زواية حنظبتها قولته العضة اللى بتيجى فى الغيار التانى قالى لازم تدوس دبرياج للاخر مفيش اثر لعضة وفعلا دوس الدبرياج للاخر مفيهوش حاجة قولته طيب الشنط والانذار والمزراب قالى لسه احنا خلصنا الميكانيكا وبعد كده الحاجات الباقية تتعمل ورجعنا المركز وذهبت الى الاستراحة مرة اخرة وبعد حوالى 20 دقيقة حضر فنى اخر وقال تعال كده السيارة خلاص نزلت اجرب الشنطة تمام والمزراب تمام والانذار تمام وذهبت ادفع الفاتورة وهنا المفاجاءة طلعت الفاتورة بمبلغ 160 جنيه وكانت كما يلى لانى مش عارف انزل منها صورة 120 جركن زيت موبيل xhp 25 فلتر زيت 15 جنية ضريبة مبيعات بصراحة خدمة جيدة جدا والاسعار ممتازة وانا راجع قولت اشوف العربية عملة ايه جريت شويه على 150 بسم الله ما شاء الله ثبات ممتاز واشكر كل من اقترح عليا شراء byd

نفس العيوب اللى عندى بالضبط! يفرق بس ان العضة فى كل الغيارات و مهما ادوس دبرياج للاخر موجودة لدرجة انه سعات مبعرفش ادى الغيار

[kimo10]

اخى اتكلمت مع الفنى فى ظبط الدبرياج قالى حياثر على الاسطوانة المهم انك تدوس دبرياج للاخر وفعلا محستش بالعضة خالص اكيد حضرتك لما تعمل صيانة تاكد على العضة لان عندك كده مش طبيعية

[lonedoctor]

طالما روحت فرع الوكيل فى اسكندرية تبقى محظوظ لانه عندك الباشمهندس اسامة مبروك هو المسؤل عن المركز--راجل محترم جدا وعنده ضمير ويخاف الله ونحسبه كذلك ولا نزكيه على الله
المرة الجاية خد معاك جركن زيت شل الاصفر واطلب منه تغيير الزيت من هذا النوع --ستلاحظ انخفاض ونعومة المحرك بنسبة 50% تقريبا
وهتدعيلى ان شاء الله

[Dr.Khaled Youssef]

المشاركة الأصلية كتبت بواسطة kimo10 اخى اتكلمت مع الفنى فى ظبط الدبرياج قالى حياثر على الاسطوانة المهم انك تدوس دبرياج للاخر وفعلا محستش بالعضة خالص اكيد حضرتك لما تعمل صيانة تاكد على العضة لان عندك كده مش طبيعية

حضرتك جربت و لقيت العضة راحت لما بتدوس دبرياج للاخر
الكلام دة كانت العربية واقفة و لا ماشية؟
لان عندى و العربية واقفة الغيارات ناااعمة جدا و مفيش عضة