حوادث السيارات فى مصر وضياع حقوق المضرور من الحادث

[ابو شريف]

هذه اول مشاركة لى فى المنتدى الممتاز وان كنت الان بدون سيارة لسبب ليس لى دخل فيه فقد حدث لسيارتى حادث وهى مركونة بجوار مستشفى شرق المدينة بالاسكندرية والكلام ده مضى عليه اسبوع وقد لاحظت بعد حوالى ساعة من ركن سيارتى حيث كنت فى زيارة عائلية بالاسكندرية وعند خروجى الى البلكون شاهدت لمه عند المكان الى انا راكن فيه ونزلت عشان اشوف ايه الموضوع عشان كان فيه سيارة تاكسى واقفه بعرض الشارع وكانت مخبوطة وعند وصولى الى المكان الذى تركت فيه سيارتى وجدت السيارة مهشمة تماما وذلك بفعل اتوبيس ضخم ملك احدى الشركات الحكومية وكان فيه عربيتين تانيين فيهم تلفيات من نفس هذا الحادث اما الكيفية التى حدثت بها هذه الحادثة فهى اغرب ما تكون حيث ان هذا الشارع عرضه لا يقل عن 30 متر وهو اتجاه واحد مواز للكوربيش وبعد مستشفى شرق المدينة يوجد مطلع شديد الانحدار سار الاتوبيس الى نهاية هذا المطلع وعند التقاطع حاول السائق فرملة الاتوبيس ولكن بلف الهواء ضرب وذلك ادى الى رجوع الاتوبيس الى الخلف من هذا المحندر بسرعة وعند اول المنحدر اصدم الاتوبيس بسيارة تاكسى وهى فى وضع الحركة وحالول سائقها تفادى الاتوبيس المجنون ولكن دون جدوى وكانت تلفياته بسيطة وسائق الاتوبيس اضطر للدخول فى السارات الواقفة بجوار الرئيس ؟؟؟ عشان يوقف الاتوبيس تخيلوا وكانت اول سيارة سيارتى المازدا 929 وهى سيارة متينة اعتز بها كثيرا ولا يعرف هذه السيارة الا من سبق له ركوبها ومن شدة الصدمة حصل انثناء فى هيكل السيارة وارتطمت بالرصيف ثم طلعت فوق الرصيف لتحتضن احدى نخلات الزينة وتم دخول باب السائق والعتب حتى منتصف السيارة بجوار الفتيس وتحرر عن ذلك محضر فى نقطة شرطة سيدى بشر وكان موجود بالنقطة عسكرى وامين شرطة فقط قام العسكرى بتحرير المحضر واجراء المعاينة وحضر زملاء السائق لمواساته وجلب الطعام والشاى له وتطييب خاطرة تخيلوا ؟؟ اما المساكين اصحاب السيارات واولهم العبد لله الذى تحطمت سيارته تماما فلا عزاء لهم وليس لملكيتهم اى معنى واهم ما فى الموضوع ان سائق الاتوبيس تسبب فى تلفيات لحامل ارشادات المرور الموجود بالمنطقة وهذه هى الطامة الكبرى له ولكن طبعا تم تسوية الموضوع وافرج عن السائق يضمان محل اقامته ولا عزاء للمضرور اشد ما المنى هو الاستخفاف الذى تم التعامل به مع الحادث ... قس عكس ذلك مدى الجدية والسرعة فى الفصل فى جبر الضرر وتحديد مسؤلية المخطئ فى حوادث السيارات فى السعودية مثلا وفى كافة دول الخليج طبعا واحد هيقولى ياعم احنا زى دول طب ايه رايك بقى ان نفس هذا الاسلوب يتم التعامل به فى حوادث السيارات فى السودان ولبنان وتونس والمغرب طبعا هتقولى انت احسن حاجة ليك انك تروح لمحامى نسيت اقولك انى انا محامى من حوالى 22 سنة ولكنى اكتشفت فى الاخر انى مش اروح لمحامى ولكن الافضل ؟؟؟ انى اروح بلد محترمة تعرف يعنى ايه احترام الملكية الخاصة وانها يجب ان تكون مصانة تحميها اجهزة الدولة كما تحمى املاكها . واسف على الاطالة بس انا حقيقى ها طق ولم تعد تجدى معى ادوية الضغط .

[_amr.mostafa_]

انت مش اول واحد يحصل كده وتتهمش عربيتو انا بردو كنت في عربية ماتركس واتهمشت والسواق

الفرامل فلتت والبوليس ؟؟؟؟؟؟؟!!!!!!!!!!

[mostafa2000]

الف سلامة عليك يابو شريف
كلامك كلة مضبوط
احنا عايشين في بلد فوضوية لاعلي مدي
المواطن فيها غير أمن علي نفسة او ممتلكاتة اوحقوقة
يعني لو كان العربيات دي فيها عربية حد واصل ( ظابط مثلا ) كان السواق هيفضل محجوز والعربية تتصلح وكلة تمام
اما المواطن المسكين فلا تسألني من انا

[AbOnOrA]

والله مش عارف اقولك ايه ولا اواسيك ازاى

للاسف هما بيقولو بدام الحادثة صاج فى صاج يبقى ملناش دعوه عايز تعمل محضر اعمل بس مش هينوبك غير وجع القلب وبس

مع ان فيه تامينات ومخالفات بتتحصل بالملايين
ومع ان نسبه كبيره من الحوادث بتحصل اما بسبب سوء حاله الطرق اللى هى مسئوليه الدوله
او عشوائيات وسائل النقل الجماعى زى الاتوبيسات والميكروباصات ووو وكلها وسائل مواصلات غير اداميه وغير امنه ولا تخضع لرقابة حقيقيه ومتروكه لتعيث فساداً فى الارض

وتكلمهم يقولك هى الدوله هتعملوكو ايه هتصلحلكو عربياتكو كمان !!!

لكن احنا مش عايزين يصلحو عربياتنا بس يكفينا ان يبقى فيه اجراءات قانونيه ادميه وعمليه للاثبات الضرر والمطالبه بالتعويض من المتسبب

سواء المتسبب ده شخص عادى او شركه او هيئة حكوميه من حقى انى اثبت الضرر واطالب بتعويض عن خسارتى ايه الصعب فى ده

ليه تشريعات جبايه المخلفات عماله تعاد صياغتها وتشدد كل شويه ومفيش تشريع واحد لحمايه الناس من الخساره الفادحة ديه خاصة اننا بندفع فى العربيات اضعاف اضعاف تمنها الحقيقى

وبعدين حتى موضوع اثبات الضرر نفسه فى اوقات كتير مبينفعش خالص
وده لان مفيش مختصين واجهزة للغرض ده اساسا

علشان كده انا شايف ان التأمين بالرغم من مشاكله يعتبر الحل الانسب فى ظل غياب التشريعات اللتى تحفظ للناس حقوقهم

فى الخليج مثلاً محدش بيشيل هم حادثة الناس بتنزل تتطمن على بعض ويجى المختص يعمل المحضر ويثبت التلفيات ويحكم بالزام شركة تأمين احد الطرفين باصلاح الحادث وبس

لكن قدر الله وماشاء فعل والحمد لله انها جت على قد كده واشكرك على مشاركتك وفى انتظار تفاعلك الدائم فى المنتدى