إفادة بخصوص كيابرايد سيدان 2005

[وليــد]

انا في حيرة يا اخوانا اشتريت برايد سيدان 2005 بـ 36000 فبريكة برة وجوة وتكييف عايز شحن ومكنة كويسة .. بعد كده جيت ماشي بالعربية وواقف بيها بسببب مظاهرة لقيتها بطلت مرتين على الحال دا روحت ما كانش قدامي ميكانيكي فخليت سمكري يبص عليها قالي الموتور خفيف وعايز طقم شنبر بـ 800 جنيه والتكييف أصلا ما فيهوش مراوح والعربية آخرها 33000 ومن ساعتها وانا مضايق مش عارف الميكانيكي اللي جابها معايا ضحك عليه ولا ايه انا جبتها من سوق مدينة نصر .. ايه رأيكم ؟

[muhamedaly]

اخي الكريم لا داعي انك تتضايق.لان لو العربية فبريكة حقيقي يبقي كل حاجة بعد كدة سهلة.الميكانيكا والعفشة امور سهلة ممكن حلها .والسعر محمل شوية بس مبروك عليك .يعني كان احسن ان تكون العربية موتور كويس وتكييف شغال بس اساسيات وحشة ولا متركبلها ربع ولا نص؟اعتقد ان الميكانيكا حلها سهل وشكرا.

[AbOnOrA]

متضايقش نفسك قدر الله وماشاء فعل فيه ناس بتبقى لسه مشترية العربيه زيرو وتتخبط لاقدر الله
المهم تتعرف على ميكانيكى شاطر وحافظ العربيه وتتابع معاه وهى عربية لما تتظبط بتبقى موفرة جداً واعطالها قليلة وبسيطة

[wael890610]

والله يا باشا انا سمعت ابداعات من الميكانيكيه نفسهم اللى المفروض يفهموا شغلهم
وتصور بقه
وعلشان نفيدك كويس انت المفروض تدور على واحد معاه برايد سيدان وتساله عن ميكانيكى
لانه هايكون اتضرب فى اكتر من ميكانيكى لغايه ما يعرف من اللى فاهم
والمشكله ممكن ترجع لاسباب كتييييييييييييييييييييييي ييير قوى
مش لازم المكنه ابدا تكون محتاجه شغل اصلا
وعاده الميكانيكى الشاطر هايقولك هاتلى فلتر بنزين وسير كاتينه وسير دينامو وهايراجع على دوره البنزين وطلمبه البنزين
ولو شاطر قوى هايعرف يظبط التقسيمه اللى كتير ما بيعرفوش يظبطوها وكمان ممكن يفك الكرباتير وينفضه وممكن ترجع للمنتدى هنا هتلاقى طريقه لتنظيف الكرباتير بسهوله قوى ,ويفضل فى الاخر انك تتاكد من البنزين نفسه (فى بنزينه فى الاسماعيليه عندنا بتمون تراب وطينه والله مش بنزين)
طيب كده انت اطمنت على دوره البنزين والمفروض العربيه تفوق منك كتيير بس لسه فاضل خطوه مهمه انك تظبط كهرباء العربيه بانك تجيب طقم بوجيهات ان كى بى ونظبط كهرباء العربيه عند الميكانيكى (الاسبراتير) حاجه بتتلف كده بعد تركيب البوجيهات
كل اللى بنقوله ده عند ميكانيكى وبعدين متخصص كربراتير
لو فضلت المشكله يبقى احنا حجمناها فى احتمال الماكينه فقط لا غير
نشوف بقه دخانه العربيه اللى بتطلع لما تيجى تدور العربيه الصبح وعرفنا لو فى دخانه وقولنا لونه ايه
واحنا معاك خطوه خطوه
وعلى فكره اى حد بيشترى عربيه مستعمله لازم لازم لازم يلف شويه عبال ما يفهم للعربيه
معلش هى الف جنيه تكلفه لكن هاتتطمن على عربيتك تمام التمام وتسافر بيها لو تحب
ويا سيدى لو حد قالك ان عربيتك عايزه عمره انا اتقلى كده من ميكانيكى والله وطلع كلامه قله فهم
بالتوفق