ايه رايكو فى الماروتى ؟ عاجل

[shery]

يا ريت تنصحونى بجد
عاوزة اشترى عربية بالتقسيط مقدم 13 الف و قسط 500 جنيه شهرى و لقيت الماروتى مناسبة ايه رايكم قريت عن راى ناس بيقولو انها خفيفة وما تستحملش و عفشها وحش و قطع غيارها مش متوفرة و ناس تانية قالت انها ممتازة و قطع غيارها رخيصة ومتوفرة فاحترت ومش عارفة اعمل ايه

[Saif eldien]

ممكن تحديد استخدامك للعربية هيكون ازاى يعنى مشويرك وشغلك
ثانيا يختلف الناس فى اى عربية حسب متطلباتهم وفى انسان يحافظ على العربية وفى انسان عنيف فى استخدامة الى اى سيارة
بس تعال نتكلم فى عدة نقاط مهمة
اولا الماروتى كعربية صغيرة فهى موجودة ومحافظة على موقفها من سنين والى الان ودة يعنى قطع غيارمتوفرة ورخيصة
ثانيا لو بتسافر كثير واستخدامك للعربية كبير فهى مش هتساعدك بقوة مش معنى كدة ان دة عيب انما هى استخدامها بسيط
ثالثا احنا عندنا مزانية ودة ال يحكمنا فى اختيار السيارة علشان كدة انا بسال عن اسخدمنا ليها
ولاحظ ان لو احنا عيزين عربية قريبة منها هنجد انواع كثيرة بس كل دة مش انك تتجة الى نوع اخر انما ال اقصدة حدد استخدامك للعربية بوضوح علشان اقدر اساعد حضرتك
للاستفسار السريع
0125485222

[shery]

شكرا اخى على اهتمامك استخدامى ليها داخل القاهرة ممكن اسافر مرتين فى السنة لمشوار زى الاسكندرية مثلا و انا ساكنة فى 6 اكتوبر و شغلى فى وسط القاهرة وسواقتى هادية ومش سريعة
بس كمان فيه راى بيقولو ان الماروتى مفيهاش اى وسائل امان وكمان لو تعرف انواع تانية تناسب ميزانيتى يا ريت تقولى
مشكور كتير

[AbOnOrA]

الماروتى عفشتها مش وحشة والعربية خفيفة وسحبها معقول وبتشم البنزين وسهلة فى القيادة والمناورة وواسعة من جوه عكس شكلها الخارجى

بس امان مفيش وحضرتك علشان تلاقى عربيه فيها مواصفات امان لازم تخشى فى شريحة تانية اعلى بحوالى 30 الف

حسب استخدام حضرتك اللى وصفتية والامكانيات المتاحة الماروتى عربية ممتازة وتمنها فيها

[shery]

طب ممكن اعرف اسعار عربيات فيها تكييف مناسبة لميزانيتى يعنى مقدم 15 الف و قسط من 500 ل 600