بتتصرف ازاي في الموقف ده

[sensitivets]

انا سؤالي هنا ان في حاجة في مصر اجتماعية غريبة اوي وهي ان حد يعزمك علي الفرح بتاعه او اخوه او اخته لمجرد انك تكون صاحب سيارة علشان تاخد المعازيم وانت ممكن في الايام العادية ميكونش حتي بيسلم عليك
ياتري لو اتحطيت في الموقف ده بتتصرف ازاي وخاصة لو انت صاحب الفرح ده انت مش علي علاقة وطيدة بيه او حتي ساعات حد من اقاربك يقولك لو انت مش فاضي ممكن اخد العربية بس 3 ساعات وانا حاحط بنزين فيها وكأن المشكلة هي مشكلة البنزين وخلاص
للاسف انا عامة باتحرج من الموقف ده جدا وعمري في حياتي محاولت اخذ سيارة حد من اقاربي بس مش عارف الموضوع ده منتشر اوي ومش عارف ايه الحل الامثل لمواجهته خاصة لو حد دعاك في اكثر من مناسبة له وانت طنشت او اتحججت بانك مش فاضي ياتري ايه الحل

[dr.death]

طالما ماخدتش عربية حد يبقي متتكسفش ماتديش عربيتك لحد ..... واللي بيكلمك في ملكك ويتنح عليه لاء وقفه وثبته في الكلام وباينله ان الموضوع منتهي ومافيهاش احتمالات والحق مايزعلش حد و من حكم في ماله فما ظلم .... شغل التناحة وتلقيح الجتت ده بقي كتير بس لازم تتعلم تكشم للعالم اللي وشها مكشوف و اتعودت علي حياه السفلئة

[mhamdy75]

لو غلبان بروح الزفة و اعمل الواجب

لو ن المتطفلين بروح لى الفرح على طول

[احمد سويلم]

المهم لو لا قدر الله وعربيتك فيها مشكله او عطلت وكلنا معرضين ان ممكن العربيه يحصل فيها اى حاجه فى وقت انت مش جاهز فيه

لو رفعت موبايلك عشان تتصل بيه وتقوله معلش انا النهارده مزنوق فى 300 جنيه عشان البطاريه باظت ولازم اجيب بطاريه او الكاوتش فرقع
وعاوز منك فلوس حالا عشان امشى العربيه لغايه بالليل او الصبح اكون اتصرفت

ولا هيسأل فيك
بالرغم من انك ياما وصلته وياما عطلت نفسك معاه فى مشاوير خاصه بيه

ينسى كل حاجه ويقولك ممعيش بالرغم من انك متأكد انه معاه

الموقف ده حصل معايا اكتر من 4 او 5 مرات مع اشخاص مختلفه

ولذلك اخدت عهد بينى وبين نفسى ان موصلش حد بعربيتى فى اى حته الا اذا كان عزا وانا كده كده رايح
غير كده محدش يركب عربيتى لانها لما بتقف عشان حاجه هايفه وانا مش معايا محدش هيدينى حاجه