العربيه بتسخن جدا ايه الحل ؟؟؟؟؟؟؟؟؟؟؟

[هيثم شاهين]

عربيتى شاهين 1400 سى سى موديل 98
المفروض الحراره لما توصل 90 المروحه تشتغل دلوقتى مابتشتغلش.
اولا: جربت المروحه ( شغلتها درك على البطاريه اشتغلت مفيش مشاكل )
ثانيا: روحت اشتريت ترموستات جديد ايطالى جربته و لم يحدث اى شىء .
جربت الترموستات الجديد ده على عربيه تانيه طلع شغال ( يعنى العيب مش فى المروحه ولا الترموستات)
ايه الحل؟؟؟؟؟؟؟؟؟؟؟؟؟
و هل هناك كتاوت ممكن يكون هو اللى معطل عمل المروحه ؟؟؟؟؟؟؟؟؟؟

[Islam Amer]

ـ زود مستوى المياه في "الردياتير".

ـ أضبط شد سير المروحة.

ـ غيِّر الوصلات التالفة الخاصة بمجرى المياه.

ـ غيِّر غطاء "الردياتير" العلوي لأنه قد يكون تالفا.

ـ اغسل دورة التبريد للتخلص من الشوائب، فقد يكون مجرى المياه مسدودا في دورة التبريد.

ـ استبدل الترموستات فقد تكون لا تعمل بشكل جيد أو تعرضت للتلف.

ـ اعد ضبط توقيت الإشعال.

ـ أصلح أو غيِّر مضخة المياه فقد تكون تالفة أو يوجد بها تسربا.

[فادى]

هو غالبا المشكلة بتنحصر فى الأتى :
- دورة المياه فيها هوا, و حل هذه المشكلة بسيط, هتلاقى خرطوم صغير اسود من فوق الموتور فى نصه صامولة سودا بلاستيكية, افتح الصامولة برفق لحد ما تطلع منها قطرات من المياه, بكده تبقى طلعت الهواء من دورة التبريد.
- المشكلة التانية ممكن تكون انو فيه انسداد فى دورة التبريد, و معنى كده انو المياه مبتسخنش اصلا لدرجة حرارة المحرك, أو ان المياه ناقصة, و بالتالى لا يعمل الثرموستات, الحل بسيط, و العربية سخنة حاول تحط ايدك جنب الرادياتير لاستشعار سخونته, لو مش سخن بدرجة كافية, معنى كده انو فيه مشكلة بتمنع المياه من الوصول للمحرك و الرجوع للرادياتير, أو انو المياه ناقصة و فيه تسريب, كمان حاول و العربية دايرة انك تستشعر حركة المياه فى الخراطيم الموصلة, عبر الضغط على الخرطوم, و شوف هل هناك تدفق للمياه داخله أم لا.
- المشكلة الثالثة ممكن تكون من مقاومة المروحة, و ديه مشكلة معتادة, و تغييرها سهل عند اى كهربائى.

[هيثم شاهين]

شكرا يااستاذ اسلام انا جربت كل اللى انت قولت عليه و المشكله مش فى الحاجات ده
الاستاذ فادى شكرا دورة المياه مفيهاش هواء - لا يوجد تسريب ولا انسداد - بس انا شاكك فى المقاومه

[Nissan]

الله ينور يا فادى
و الله زمان يا فيات فكرتنى بأيام السيينا ال1400