|
#1
11-02-2011, 04:10 PM
|
|||
|
|||
سؤال هايف
صباح الخير يا جماعة
أنا عندى عربية هيونداى ماتريكس 2001. العربية مش فيها مشاكل ولكن عندى استفسار محيرنى. أنا لسة بتعلم سواقة يعنى بأمشى فى الشوارع بالراحة على سرعة بين 10 إلى 20 كيلوا فمعظم الوقت العربية بتمشى على سرعة السلانسية بدون ما أضغط على دواسة البنزين نهائيا. معظم الوقت العربية ماشية لوحدها بدون ما أضغط على البنزين، ولما اريد زيادة السرعة إلى 20 أضغط شوية بسيطة. المشكلة أن اليوم لاحظت حاجة لما بأشيل رجلى من الدبرياج وعلى السرعة الأولى ألقى العربية مش تتحرك على طول من أول المشوار للدواسة بمعنى أن العربية بتتحرك لما تكون الدواسة فى النص أو قرب نهاية المشوار إلى أعلى. مش عارف هذا طبيعى ولا لا؟ أفترض ان العربية تتحرك بمجرد ما أشيل رجلى ولكن هذا لا يحدث. أنا بشيل رجلى وحدة وحدة وحدة خالص. فتفضل العربية واقفة ولا تمشى لحد ما توصل إلى تلتين المسافة وبعين تتحرك فى الثلث الأخير. بالمناسبة أنا بقوم برفع رجلى من الدبرياج بدون ما أضغط بنزين وعدد لفات الماتور بيكون 1000و 2000 لفة فى حاجة كمان. وأنا فى المطالع الصغيرة أمام البنزينة مثلا أو وأنا داخل على شارع أعلى من الشارع ألى أنا فيه، بأجد العربية ترجع للخلف لوحدها بمعنى أن سرعة السلانسية مش تخلى العربية تطلع المطالع البسيطة . بأضغط على البنزين شوية وبخاف تنط بسرعة لقدام ولما أرفع رجلى من الدبرياج ألقيها بتطفى والماتور يقف فأضطر أدور الماتور تانى وأحاول أطلع وأبقى مبرجل بين ان العربية بترجع لورا وخايف تصطدم بالعربية اللى فى الخلف، وعاوز أطلعها لقدام وخايف أدوس بنزين كثير حتى لا تسرع للامام ولما أشيل رجلى من الدبرياج يطفى الماتور. أتمنى أنى أكور أوضحت المقصود... متشكر على الرد.. ,ارجو النصيحة عن سبب إنطفاء الماتور فى وقت التحرك من الثبات. 
|
|
#3
11-02-2011, 04:51 PM
|
||||
|
||||
|
رد: سؤال هايف
زي ما زيجو باشا قالك كده
السواقه محتاجه تجمد قلبك شويه و مشيك بالاسلوب دا خطر عليك و علي اللي حواليك لانك كده بتعطل مصالح اي واحد يمشي وراك امشي معتدل من غير جري بتهور و من غير بطأ يؤدي الي شلل ..................... و انت طالع اي مطلع لازم تسند العربيه بالبنزين لان العربيه لازم حتبطل علشان الجهد المبذول في اي مطلع اكتر بكتير من الجهد المبذول و انت ماشي في ارض مستويه(هل المشي علي قدمك اسهل ام الصعود علي سلم؟؟!!!!)
__________________
حـازم خـضـر
|
|
#4
11-02-2011, 08:35 PM
|
||||
|
||||
|
رد: سؤال هايف
الرجالة ردت عليك الرد التمااااااام على فكرة هيا الفكرة كلها إنك بس تجمد قلبك شوية وهتلاقي كل حاجة مظبوطة
__________________
 
|
|
#5
11-02-2011, 08:41 PM
|
|||
|
|||
|
رد: سؤال هايف
متشكر يا رجالة..... بس ياريت كنتم شرحتم المقصود بكلمة " جمد قلبك". قصدكم أزود السرعة؟ أنا فى بلد قروى وسرعة 20 كيلوا فى الساعة مش بسيطة أو_ اقصى سرعة هنا يمكن 40 واللى قلبة ميت بتبقى على 80 الشوارع اكبرها 20 متر.
المشكلة مش فى السرعة المشكلة فى رجوع العربية لوحدها للخلف فى طلوع المطالع البسيطة وأعتقد أن مفروض أدوس شوية بنزين وانا طالع ولكن لى سؤال أيهما افضل فى طلوع مطالع الكبارى أو الإنتقال من شارع منخفض لاخر أعلى منه: هل الطلوع على السرعة الأولى وتزويد بنزين أم الطلوع على السرعة الثانية وتزويد بنزين أيضا... بمعنى هل سرعة الفتيس مش تخلى الماتور يطفى وأنا برفع رجلى من الدبرياج
|
 |
|
|
