|
#1
06-05-2009, 11:34 AM
|
|||
|
|||
عايز أركن قصاد بيتي
اسكن في مدينة نصر التي كانت يوماً ما محترمه
ودلوقت بصراحه لمت شامي على مغربي وبقت لبن سمك تمر هندي المهم انا في حي سكني تماماً ، ورغم ذلك أجد صعوبه رهيبه في ركن سيارتي كل يوم وانا راجع من عملي ، بل حتي لو خرجت في مشوار صغير ، برجع الاقي مكاني متاخد ، وطبعا عبثاً كل مره احط ورقه عليها (من فضلك المكان خاص بسكان العماره) ولا الدموع حاجه بجد تحرق الدم ، انا شكلي ح انسي اني دكتور وح ابتدي امارس سلطاتي بدراعي ، واللي ح يركن مكاني بعد كده ح افسيله الأربع عجلات اخر المواقف الكوميديه النهارده راجع بإبني من التطعيم (4شهور) ، وعايز اركن قصاد البيت ، لقيت واحد تبت راكن مكاني وقاعد في العربيه يستمتع بالشجر اللي انا زارعه !!! فقلتله بمنتهي الذوق " بعد اذنك عايز اركن " نزلي من العربيه واداني محاضره سخيفه زي وشه العكر عن حقوقه كمواطن بيدفع الضريبه في إنه يركن في الشارع ، وان انا مشتريتش الشارع اللي قصاد بيتي الخ الخ الخ كان ناقص يحملني مسئولية صفر المونديل ، وفي الآخر تدخل احد العابرين للشارع ، وانتهي الموقف بإن الراجل طلع وسابلي مكاني اركن وبصراحه لولا ان الواحد بيخاف ربنا ، كنت دخلت ابني البيت ونزل رنيت امه حتة علقه ، وكسرتله عربيته اللي فرحان بيها وبإنه بيدفع ضريبتها بس انا اكتفيت بإني مشيت اللي في دماغي السؤال ليه مفيش قانون للمناطق السكنيه ، اسمه حق الجار ، ولا حق البني ادم ، يعني ايه المعني في ان القانون ميدينش الحق اني اركن قصاد بيتي ، امال اركن فين ؟ قصاد بيت وزير الداخليه ؟ يرضى وزير الداخليه اركن مكانه ؟؟؟ ولا أي حد من اعضاء مجلس الشعب ؟؟ يا ريت حد يقوللي الواحد مفروض يعمل ايه لأن انا مره جبت النجده الساعه 3 الفجر لواحد راكن مكاني ، والظابط اقسملي انه ميقدرش يعمل له حاجه ، واقصي حاجه انه ح يعمله مخالفه ركن فوق الرصيف !!!! افيدوني افادكم الله 
|
|
#2
06-05-2009, 12:33 PM
|
||||
|
||||
|
رد: عايز أركن قصاد بيتي
اولا ربنا يخليلك ابنك يارب
ثانيا اسلوبك جامد جدا فى التعبير عن المشكلة ثالثا بقى ودة المهم انا معنديش حل لمشكلتك وان كان ممكن نستعمل الالغام الارضية اللى ممكن تحطها اول ما تسيب مكانك وتخرج بعربيتك بس المهم ما تنساش تشيلها قبل ماتركن بعد ما ترجع ما عالينا ربنا معاك
__________________
اللى بنى مصر .... لا رسم .... ولا سطر ولا عمل حسابة فى يوم ... ان الدنيا هتمطر
|
|
#3
06-05-2009, 12:50 PM
|
||||
|
||||
|
رد: عايز أركن قصاد بيتي
ممكن سكان العماره يشتركو ويجيبوا بواب منوا يحرس العماره ويمنع حد يركن مكانكوا ويغسلكوا العربيات برضوا فأى حال من الاحوال انت الكسبان
|
|
#4
06-05-2009, 12:59 PM
|
||||
|
||||
|
رد: عايز أركن قصاد بيتي
يا باشا الحل سهل
عمودين حديد صغيرين و عليهم سلسلة بقفل و مشيها بالدراع احسن ..... هى بلدنا كدة ربنا معاك
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#5
06-05-2009, 01:03 PM
|
||||
|
||||
|
رد: عايز أركن قصاد بيتي
بلاش الالغام
ازرع شجرة فى الحتة دى عشان محدش يركن فيها واهى غباوة بغباوة ptmnlo123per1127
__________________
اللى بنى مصر .... لا رسم .... ولا سطر ولا عمل حسابة فى يوم ... ان الدنيا هتمطر
|
 |
|
|
