مجلس رئاسي مدني

[fade2000]

مساء الخير عليكم ده يعتبر اول موضوع ليا هنا انا اسمي فادي الموضوع بقي امبارح بعد الحكم بالمؤبد علي حسني مبارك وحبيب العادلي وبراءة الباقيين سواء كانو عيال مبارك او مساعدي العادلي من هنا بدا نزول الناس للتحرير سواء اخوان او قوي سياسية تانية زي حركة 6 ابريل وائتلاف شباب الثورة وباقي القوي السياسية المطالب بتاعت الناس اللي في التحرير مجلس رئاسي مدني الاغلب بيقول كده او اغلب القوي الثورية او الثوار المجلس الرئاسي المدني فيه ناس بتقول عاوزينه مكون من البرداعي وحمدين صباحي وابو الفتوح ومحمد مرسي وفيه ناس تانية بتقول حمدين ومحمد مرسي وابو الفتوح وحازم ابو اسماعيل وخالد علي مش متفقين يعني علي الاختيار بين الاشخاص ودي مش حاجة مهمة اوي انما امبارح عصام العريان النائب بمجلس الشعب عن حزب الحرية والعدالة طلع وقال فيما معناه انهم مش قابلين بحكاية المجلس الرئاسي ده ليه بقي لان الاخوان بتوع مصلحتهم كالعادة يعني وشايفين انهم علي مقربة من ملامسة كرسي الرئاسة وانهم يكوشو علي كل حاجة سواء سلطة تشريعية او تنفيذية لكن هما بيلعبو علي مخاطرة او مجازقة ومعتقدين ان المجلس العسكري مش هيزور الانتخابات او مش هيعمل اي حاجة علشان احمد شفيق يمسك الرئاسة وفي الاخر الاخوان يقولو حصل تزوير والثوار بيقولو من دلوقتي هيحصل تزوير لكن عيونهم معمية بسبب طمعهم وعلي الناحية التانية شفيق برضه او المجلس العسكري مش هيرضي بمجلس رئاسي مدني لان مصلحتهم مش في كده فهما الاتنين بيتكلمو عن المصالح الخاصة مش بيتكلمو عن مصلحة البلد نقطة تالتة واخيرة المجلس الرئاسي لو اتعمل هيكون فيه من الشرق والغرب والشمال والجنوب وهو ده اللي المفروض يحصل علشان يمثل كل التيارات انما فيه ناس عاوزينها دولة دينية وفي ناس عاوزينها دولة مدنية مفيش توافق يعني مستني رايكم

[سلفيه]

طيب
وبعدا يه ياترى
المجلس الرئاسى المدنى
ايه اللى هيحصل

[fade2000]

مجلس رئاسي مدني مؤقت
بعدين تشكيل الدستور
المفروض كل حاجة تتاخد واحدة واحدة
بس برضه لازم يكون محطوط تصورات لبعد كده معاكي
بس انا بتكلم علي نقطة ايه رايكم في المجلس الرئاسي موافقين من حيث المبدا ولا لا
بعد كده تيجي نقطة تفاصيل المجلس الرئاسي
هديكي مثال مثلا عاوزين نخرج مثلا انا وصحابي ففيه نقطة ان احنا عاوزين نخرج
لكن مفيش نقطة البرنامج فالبرنامج اكيد هيتحدد يعني طالما هنخرج

[سلفيه]

المشاركة الأصلية كتبت بواسطة fade2000 مجلس رئاسي مدني مؤقت بعدين تشكيل الدستور المفروض كل حاجة تتاخد واحدة واحدة بس برضه لازم يكون محطوط تصورات لبعد كده معاكي بس انا بتكلم علي نقطة ايه رايكم في المجلس الرئاسي موافقين من حيث المبدا ولا لا بعد كده تيجي نقطة تفاصيل المجلس الرئاسي هديكي مثال مثلا عاوزين نخرج مثلا انا وصحابي ففيه نقطة ان احنا عاوزين نخرج لكن مفيش نقطة البرنامج فالبرنامج اكيد هيتحدد يعني طالما هنخرج

بس ازاى

هقول رايىى
فى حاجه
لم افهم لها
معالم
او اهداف

مش المفروض حضرتك
تكون جايب

اهداف هذا ثم بعد ذلك
ماذا سيحدث

حتى استطيع
ان اقول رايى

[man2731212]

لا وقت للانقسامات
لانريد الرجوع خطوه الى الوراء
يجب مسانده الدكتور مرسى