فتايس البى ام تحف فنية ومشاكل بالجملة

[AbOnOrA]

فتايس البى ام تحف فنية ومشاكل بالجملة

BMW ZF transmission problems




بالرغم مما هو معروف عن الماركات الالمانية من اعتمادية عالية وجودة متناهيه وخاصة فى الاجزاء الميكانيكية وخاصة المحركات والفتايس (صندوق التروس)
الا ان السنوات الاخيرة شهدنا تكرار مشاكل الفتايس فى العربيات الالمانى الحديثة بشكل لا يدع مجال للشك فى كونها عيوب شائعة ومتكررة وبالطبع عيوب صناعة

المشاكل ديه ظهرت فى سيارات فولكس واودى وبى ام دابليو


اشهر الموديلات المعروفة بمشاكل الفتيس فى البى ام دابليو

BMW E90 الشكل القديم 2006 - 2008

فى الصورة الشكل القديم هو الاقرب البعيدة شوية هى الشكل الجديد من 2008 - 2012


بالاضافة لمشاكل مشابهه فى موديلات كتير

الفالفترونيك والميكاترونيكس

سبب المشكلة واحد فى كل العربيات وبيرجع فى رائى لحداثة عهد تكنولوجيا الميكاترونكس وديه التكنولوجيا اللى بتجمع ما بين الالكترونيات والميكانيكا فى مزيج معقد يتم برمجته لوظائف معينة وهيه نفس التكنولوجيا اللى بتستخدم فى صناعة الروبوتات

كمان اساس المشكلة واحد وده راجع لمجموعة صناعية وشركة ضخمة فى المانيا اسمها زد اف (انا بسميها زف,, ت )





شركة ZF

عملاق صناعى المانى بدات فى 1919 مع بداية اعرق شركات السيارات الالمانية وبتورد فتايس دلوقتى لاغلب الشركات الالمانية منها فولكس واودى وبنتلى وبى ام دابليو
بالاضافة لشركات اوروبية وامريكية زى جيب ولاندروفر وروز رويس وميزاراتى ودودج رام وجاجوار وبنتلى الانجليزيتان
يعنى مش شركة صغيرة كمان هى رائدة تطوير الفتايس فى اوروبا ومن اول الشركات اللى عملت بشكل تجارى واسع فتايس 6 و 8 غيار






يتبع

[soltanfriend]

وبعدين ......

[AbOnOrA]

جارى التحديث واستكمال الموضوع

[حسام نوبيرا]

الله ينور عليك يابو نورا انا دايما بسمع عن مشكل فى 318 فى اول الافينات فياريت لو توضحلى ايه هى المشاكل دى اكون شاكر

[AbOnOrA]

ZF 6-Speed Automatic Transmission


الفتيس ده اساس المشاكل لدرجة ان من كتر الفتايس البايظة فيه شركات بقت تلمهم وتعيد تصنيعهم وتبيعهم تانى وطبعاً اللى بيشتريهم بيبقى فتيسه بايظ وعايز اى حاجة تحل المشكلة وبالتالى ترجع تانى



مأساه بمعنى الكلمة وفى عربيات كانت اسعارها زيرو مابين 200 الف الى 300 الف جنية يعنى راكب عربيه بربع مليون جنية وفجاة تلاقى شاشة الاعطال مطلعاللك ايرور كود وعلامة غالباً كود CODE 4F81 وتلاقى العربيه مكلبشة على الغيار التانى والتالت وبمتجريش ولو اتغاشمت عليها ممكن متتحركش خالص تقوم انت زى الشاطر تجيب ونش يشيل العربيه وعلى الصيانة عدل وانت وحظك بقى يا تغير فتيس وتدفعلك تيييييييييييييت تيييييييت الف جنية او تلم الموضوع عند ميكانيكى بى ام شاطر يدفعك فيها 4 - 5 الاف جنية ويبقى عامل معاك واجب وتمشى فى الاخر وانت مبسوط انك حييت العربيه تانى وياعالم هتكرر العيب تانى امتى





التحفه الفنية

حد يسالنى امال فين التحفه بقى ؟

الشىء المؤسف ان ورا الماساة ديه تحفه فنية وابداع هندسى راقى فعلاً
1/10 من الثانية

الفتيس ده بيوفر فى الوقود اكتر من اى فتيس اوتوماتيك عادى كمان بيطلع عزم اكبر مع سرعة تغيير نقلات اكبر وده بيدى سحب رائع يقارن بالفتيس المانيوال مش الاتوماتيك لدرجة ان الشركة بتقول ان استجابتة اسرع من الاستجابة البشرية يعنى مهما كنت سريع فى المانيوال هو هينقل اسرع منك (سرعة النقل 100 ميلى ثانية) يعنى واحد على عشرة من الثانية
ده بالاضافه لتعقيدات برمجيه وابحاث بملايين الدولارات لضمان افضل برمجة واداء وفقاً لكل الظروف واستجابة لكل عادات الاستخدام عند الناس وبالفعل وعن تجربة هو فتيس رائع وفى رائى الفتيس الاوتوماتيك الوحيد اللى شوفته ميحسسكش باى احتياج للمانيوال فى الاداء او السحب وطبعاً مع تشغيلة بنظام الستب ترونيك انت فعلاً مش هتحتاج اى ميزة فى المانيوال بالاضافة لكل مميزات الاوتوماتيك

لكن يبقى السؤال هل يمكن القبول بمشاكل الى هذه الدرجة فى مقابل تحفه فنية ؟



Sportiness, Comfort and Cost Effectiveness
The ZF second-generation 6-speed automatic transmission combines agility and driving dynamics with comfort in a particular way - and also realizes significant potentials for saving fuel. This is possible due to changes at the hydraulics, the transmission’s mechanics, as well as at the interface to the engine. Drivers will experience a transmission that permanently reacts to the driving situation and the respective driver's request - comfortable cruising or speedy passing - with the correct gear.

Advantages

Fuel use reductions of 3-6 percent with respect to the 6-speed automatic transmission of the first generation
Better acceleration values through significantly reduced reaction times and optimized torque converter design
Response times below the level of human perception.
Stand-by-control NIC - in stand-by, the torque converter decoupling prevents unnecessary vibrations and reduces fuel consumption
Adaptive ASIS shifting strategy analyzes the driver's personal driving style and the driving situation and recognizes the best shifting moment for each one
Input torque up to 850 Nm
Transmission spread 6.04


اسيبكم مع فيديوهات التحفة الفنية والمأساة الانسانية