كام سؤال مهمين أوى فى اللانسر

[Devill Blood]

ذى ما قلت قبل كده يا جماعة أن أشتريت لانسر بومة 2007 إتوماتيك 1300 والعربية ذى الفل ولا كلمة
طبعا العربية حتى الأن 100% كل مرة أقول فيها مشكلة تطلع حاجة طبيعيه جدا
بس فيه حاجة غريبة العربية مؤشر الأمبير بتاع الحرارة بيطلع بسرعة أوى يعنى فى نص ساعة لقبل النص بشوية بس بيقف يعنى لا يزيد ويبقى طبيعى جدا لا يزيد وبحس بحراره فى الحته اللى بركن عليها رجلى اليمين اللى الفتيس قاعد عليها غير كده طبعا انا اكتشفت ان العربية محتاجة تيل فرامل لأنها بتصفر لما تستخدم فرامل كتير
ثانيا ياترى اللانسر بومة أحط لها مياه رياديتر خضرا ولا حمرا وبتاخد قد أى
وعايز أقول حاجة للأسف مش هاينفع أجيب حاجتى من التوكيل لأنه بعيد جدا عنى مستحيل إنى أطلع على طريق سريع ذى ده تانى لأنى تعبت
ياترى فى حد بيبيع قطع غيار أصلية فى المنصورة أو حتى المحلة أو أى مكان قريب
ولا حتى قطع غيار لا تقل كثيرا عن جودة الأصلى

[eng_ahmed_90210]

حراره العربيه طبيعيه جدا
بس هل حضرتك بتسخن و لا بتطلع علي طول ؟

[DocAmro]

اول حاجة ألف مبروك العربية و ربنا يباركلك فيها و يكفيك شرها انشاء الله

بالنسبة لموضوع مؤشر الحرارة:
ده طبيعي جداً انه يبقي في النص عشان لازم درجة حرارة الموتور و الزيت تكون كدة عشان افضل اداء, ده في كل العربيات
فشيل الحكاية دي من دماغك خالص

بالنسبة للمية انا مش هقدر افتيلك في نوعها بس بيبقي فية مستوي للمية متعلم علي الخزان بتعها و دة اقصي حد ليه.
ده اللي انا عارفة من اسئلتك
انشاء الله الباقي يجاويبك فيه الاعضاء الخبرة اللي في المندي هنا.

بالتوفيق

[Devill Blood]

المشاركة الأصلية كتبت بواسطة eng_ahmed_90210 حراره العربيه طبيعيه جدا بس هل حضرتك بتسخن و لا بتطلع علي طول ؟

لا بطلع على طول وشكرا يا ريس على ردك

المشاركة الأصلية كتبت بواسطة DocAmro اول حاجة ألف مبروك العربية و ربنا يباركلك فيها و يكفيك شرها انشاء الله بالنسبة لموضوع مؤشر الحرارة: ده طبيعي جداً انه يبقي في النص عشان لازم درجة حرارة الموتور و الزيت تكون كدة عشان افضل اداء, ده في كل العربيات فشيل الحكاية دي من دماغك خالص بالنسبة للمية انا مش هقدر افتيلك في نوعها بس بيبقي فية مستوي للمية متعلم علي الخزان بتعها و دة اقصي حد ليه. ده اللي انا عارفة من اسئلتك انشاء الله الباقي يجاويبك فيه الاعضاء الخبرة اللي في المندي هنا. بالتوفيق

جزاك الله خيرا أصلا أنا متهيالى إنه منخفض جدا ومش عارف أحط خضرا ولا حمرا

[DocAmro]

انا قريت عن انواع الميا و عرفت انه كل عربية ليها نوع محدد
مكتوب في كتالوج العربية,
او مكتوب علي خزان المياة
حاجة زي ethylene glycol
او نوع تاني
و النوعين دول بيفرقوا,
فشوف العربية نوعها ايه, و ترجمها مصري لمياه خضرا او حمرا
و حطها او زودها في معاد الصيانة
و خلي بالك كل نوع ليه معاد صيانة مختلف
و مينفعش تخلطهم.
ده كل اللي عرفتة
بالتوفيق