السعوديه موتورز

[mar mar]

التكنولوجيا والعربيات اللي في السعوديه
ركوب العربيات اللي في السعوديه متعه بجد يعني الطريق اللي انت ماشي فيه متسفل زي الحرير ولو اتخبط وانت المظلوم عربيتك هتتصلح ببلاش وشرطه المرور مسؤله عن تصليح عربيتك وايجاد حقك
مش هينفع احكي كده خليني اقسملكم الموضوع
اولا نظام الامان اللي موجود يعني مثلا في جراش المطار يتم اخد صوره لسائق ولارقام السياره وفي دقيقه يتسجل في المرور انك ركنت عربيتك في المطار افرض بقي انك مسافر وسبت العربيه وجه حرامي حاول يدورها لما يجي يخرج بيها الكاميرا هتصوروا تاني وهتعرف انك مش مالك العربيه وبالتالي هيتم القبض عليك ولو عرفت تخرج بيها هيعرفوا مين اللي سارقها بسهوله وكل ده كمبيوتر يعني مافي اي تدخل من شرطي او اي انسان
ثانيا الشرطه المروريه
عندنا بيتلخصوا في تنظيم الاشارات بمعني الاصح بنطلق عليهم اشرجيه هناك بقي يتلخص دورهم في انهم يقوموا بدوريات في المناطق يعني ممكن تلاقيه في اي حته ورغم ان طرق السريعه طويله الا ان كل 10 كيلو او اقل تلاقي عربيه شرطه والهدف من وجودها تراقب السرعه وساعات تلاقي الشرطه بتجري ورا حد علشان زود السرعه
بمعني الاصح لما يقولولك 120 يبقي 120 لو قالولك 60 يبقي 60 لو سرعت ممكن تلاقي شرطي طلعلك متعرفش منين وبيجري وراك
اصلا بيبقوا مستخبيين علشان يعرفوا يصطادواهم
رابعا انواع العربيات اللي انت بتشوفها
باسات فورتشنر كرولا يارس انواع تانيه عمري ما سمعت عنها ولا شفتها لشركات معروفه اوي عندنا يعني هونداي وشفورليه
الصراحه انا اخر معرفتي بهونداي كانت النتر 2012 وشفورليه كان اخر حاجه ممكن اسم عنها ابترا اوافيوا
مافيش ولا عربيه فيرنا شفتها ولا عربيه لانوس
الكرولا عامله زي 128 عندنا كده ممكن تلاقيها في كل حتي وسعرها مفجاه حاجه 70 الف ريال
يا جدعان الفورتشنر سعرها 90 الف
باجيرو سعرها 112 الف
وبتتميز العربيات عندهم بالحجم الكبير اوي يعني لازم تكون كبيره وعاليا ولما سالت ليه قالوا علشان ده معناها انها فخمه وان صاحبها معاه فلوس

في حاجه اسمها الايجار التمليك ده اسم انا اطلقتوا علي العمليه دي وهي عباره انك مثلا مثلا عايزتشتري كرولا بالتقسيط زيروا تعمل ايه
تروح لمعرض تقدم المستندات المطلوبه وتاخد العربيه وتدفع يوميا 73 ريال كانك ماجر عربيه وبعد ما تخلص المده المحدوده واللي هي 4 سنين تدفع باقي المبلغ وتبقي اتملكتها بس العيب بقي انك لو مدفعتش باقي المبلغ المعرض هياخدها

ثالثا الشوارع
الاشارات دي كانت هتجبلي شلل اولا علي كل شارع او مفترق طرق حتي لو كان نيوترن في اشاره
يعني ممكن تلاقي في شارع واحد اربع اشارات ولا يمكن ابدا تكسر اشاره لان الشرطي وقف مستخبي في جانب وهتدفع مش عارفه يترواح المبلغ ما بين 200 الي 500 ريال
ولازم تحط حزام الامان والا 200 ريال تانيه

رابعا لو عطلت في السكه
يعني لو وقفت في اي طريق سريع علي جنب هتلاقي عربيه مرور جايه جانبك وتقولك وقفت ليه ولو عطلت هتبعتلك عربيه تشدك

خامسا السعودين بدو بدو يعني
علي طريق مكه جده اول العكس جده مكه هتلاقي خيم كتيييييييييييييييير اوي علي الطريق واصلا الطريق كلوا صحراء وجبال ومع ذالك هتلاقي الخيمه منصوبه وجنبها الجمل وجنبها عربيه كرولا 2012 اموت واعرف هما مستحملين الحر ده ازاي
وطبعا دول مش بيسلموا من الشرطه لان الشرطه بتعدي عليهم كل شويا منعا لتجمعات المشبوهه

بغض النظر بس انا بتمني اشوف شرطه مصر زيهم كده تمشي في الشارع تحس انك في امان تام تركن في اي موقف عربيات متخفش عليها متخفش علي بنتك لما تركب اتوبيس لان ليها مكن مخصص لسيدات بس متخفش علي فلوسك اللي دفعها في عربيتك تركب احسن عربيه باقل التكاليف
اتمني الموضوع يكون امتعكم

[turbom]

اولا ...شكرا علي الموضوع الجميل ده..

اتمني و الله ان مصر في يوم من الايام تكون كده او حتي ماشيين في الطريق لكده بس للأسف اعتقد اننا ماشيين عكس الطريق تماما من الفوضي اللي في الشوارع و البلطجة اللي انتشرت في كل حتة .. ربنا يكرمنا و حالنا يتصلح..

و اخيرا .. ربنا يرحمنا برحمته و يهدينا للخير و الصواب

[waleed_d82]

وانا بقول الناس بتموت نفسها ليه علشان فيزا للسعوديه
:w6w20050411134026 6d

[خميس حسن]

منه لله حسنى مبارك
هو اللى خلانا من افقر شعوب الارض





وشكرا لموضوعك الجميل ده

[momen_bondok]

معاكي حق فى كل كلمة بصراحة أنا لغاية الأن مبهور من مرور السعودية
يعنى موقف بسيط كان فية 5 سيارات راكنين مخالف بعد ما ركنو بدقائق جت خمس ونشات (جمع ونش) وفى ثوانى كان أربع سيارات اترفعو والخامسة صاحب العربية لحقها وكمان ما كنش فية عطلة للطريق من السيارات هذه ولا حاجة مش زى عندنا لو عربية معطلة الطريق وراكنة صف ثالث اخرهم يكلبشوها يعنى ولا بيحلو ولا بيربطو بصراحة الموقف دة بهرنى جدا وتمنيت لو كنا مثلهم