فلتر بنزيين هيونداى جيتز ؟

[haninatoon]

حد يا جماعة يعرف فيين مكان فلتر البنزيين
بالظبط لانى شلت الكنبة اللى من ورا لاقيت الطرمبة بصيت حواليها مالاقيتش
مش زى الفيرنا يعنى كان جنب الطرمبة على طول
ولو صورة يبقى كتر خيركم

[pashaa911]

باشا الفلتر هو الجسم الاسود الكبير اللى محطوط جواه قلب الطرمبة بتاعة البنزين ومتعلق عليه فى الجنب العوامة .
يعنى علشان تغير فلتر البنزين بتفك الطرمبة كلها وبعدين تفتح الوش الاابيض اللى من فوق وبعدين تطلع قلب الطرمبة وبعدين تفك العوامة من الجنب وبعدين هتلاقى جسم اسود كبير فاضى هو ده الفلتر هتجيب واحد زيه( وعلى فكرة صعب تجيبه غير من وكيل او فى شارع دمشق ) .
ولما تجيب الجيد ترجه تانى قلب الطرمبة والعوامة وتقفل الوش وتركب الفيش بتاعتك والخراطيم ..وبس كدة ياكبير
واللينك دة فى صورة الفلتر
http://www.gasgoo.com/auto-products/...0/1227179.html

[khaabas]

يااااه بس ماله رخم ومعقد كده موش زى بتاع الفيرنا وليه حطينه جوه الطرمبة

[pashaa911]

المشاركة الأصلية كتبت بواسطة khaabas يااااه بس ماله رخم ومعقد كده موش زى بتاع الفيرنا وليه حطينه جوه الطرمبة

هو رخم فعلا وخلى بالك ان فى جوانات صغيرة اوى جواه اوعى تقع منك وانت بتفك يعنى وانت بتفك تكون حاطط تحت الفلتر اى قماشة مثلا او كرتونة يعنى علشان مفيش حاجة تتنطر منك
وعلى فكرة الطرمبة هى اللى جوا الفلتر مش الفلتر اللى جوا الطلمبة هههههههههههههه
اى خدمة ياباشا لو عاوز اقابلك اغيرهولك قوللى رقمى اهو 01227046855
اسمى طارق
ولو عاوز قاعدة فتيس خلفية للجيتز انا عندى واحدة جديدة كنت جايبها لعربيتى بس بعت العربية بقى فلو محتاجها قولى