لما الصنايعى يركب فلتر الزيت الخطاء

[.EhAb]

موضوع غريب أول مرة يحصل معايا من 11 سنة مع العربيات
رحت أغير زيت و فلتر زيت فى المركز اللى بتعامل معاه لقيت صنايعى جديد. عندك يا حبيبى فلتر نضيف يركب للايبيزا؟ موجود يا باشا و تمام. ركب يا سيدى. ودفعنا الحساب و كله تمام و قضيت مشاويرى و قعدت مع اصحابى ع القهوة
أدور العربية لمبة الزيت مش بتطفى فتحت الكبوت لقيت الزيت كله فى الارض بسبب الفلتر لأنه مش بتاعها و اتفك من مكانه.
طبعا دمى اتحرق و اخدت تاكسى و رجعت مركز الصيانة و كان صاحبه موجود
و ركب فلتر جديد و زيت جديد والموضوع خلص. بس السؤال لو كان حصل حاجة لا قدر الله فى الموتور كنت أعمل ايه مع مركز الصيانة؟؟؟؟؟؟؟
ك

[akerima]

حصلت معايا بنفس الطريقة في جولف 2 وكنت بغير زيت في محطة بنزين علي البحر متعود عليها فعندي ثقة ان الباشا الصنايعي مش حيعمل حاجة مش مظبوطة وانا باشا شوية في التعامل وساعات كتير منت باقعد رجل علي رجل وبعد ما البية الصنايعي يغير كل حاجة انا اخش احاسب علي اللي يقولي علية وخلاص وطلع الباشا مغيري الفلتر بفلتر مصري وبعد ما غيرت الفيتيس بيومين الزيت كلة نزل في الارض وانا ماشي في طريق الكورنيش وكانت حتحصل كارثة لولا ساتر ربنا وطبعا بعد ما رحت زعقت وشتمت وبعد الاسف وتغير الزيت والفلتر تاني حتعمل ايه غير انك تاخد بعضك وتمشي مع الحلفان انك مش حتعتب محطة البنزين دي تاني ولو عشان تحط فيها بنزين حتي وربنا بيسترها

[Hisham.Elgazzar]

معلش قدر الله وماشاء فعل
انت حاول لما تغير زيت او تزود زيت الفتيس او أى قشاية فى العربية دايما عينك فوسط راسك ومتديش الأمان فى عربيتك حتى لأخوك ، لأن ماحك جلدك مثل ظفرك
وربنا يسترها معاك ومعانا يارب
انا لما غيرت الزيت أخر مرة جبت فلترين من نفس النوع بعد تركيب الاولانى والحمدلله طلع تمام وشيلت التانى فى شنطة العربية
وكمان جبت اتنين كيلو زيت فوق الجركن من نفس النوع وخليتهوم فى شنطة العربية برضو لأن ممكن تنقص ولا حاجة محدش ضامن
حاول كمان تخلى معاك طبه إحتياطى مش هتخسر
والعدة ثم العدة ثم العدة بتنفع جدا مفكات ومفاتيح وبنسة وقصافة وشكوش صغير
تقبلوا مرورى

[Neo206]

المشاركة الأصلية كتبت بواسطة Hisham.Elgazzar معلش قدر الله وماشاء فعل انت حاول لما تغير زيت او تزود زيت الفتيس او أى قشاية فى العربية دايما عينك فوسط راسك ومتديش الأمان فى عربيتك حتى لأخوك ، لأن ماحك جلدك مثل ظفرك وربنا يسترها معاك ومعانا يارب انا لما غيرت الزيت أخر مرة جبت فلترين من نفس النوع بعد تركيب الاولانى والحمدلله طلع تمام وشيلت التانى فى شنطة العربية وكمان جبت اتنين كيلو زيت فوق الجركن من نفس النوع وخليتهوم فى شنطة العربية برضو لأن ممكن تنقص ولا حاجة محدش ضامن حاول كمان تخلى معاك طبه إحتياطى مش هتخسر والعدة ثم العدة ثم العدة بتنفع جدا مفكات ومفاتيح وبنسة وقصافة وشكوش صغير تقبلوا مرورى

بجد كلامك صح جدا
جزاك الله خير

[tamer.koko]

المشاركة الأصلية كتبت بواسطة akerima حصلت معايا بنفس الطريقة في جولف 2 وكنت بغير زيت في محطة بنزين علي البحر متعود عليها فعندي ثقة ان الباشا الصنايعي مش حيعمل حاجة مش مظبوطة وانا باشا شوية في التعامل وساعات كتير منت باقعد رجل علي رجل وبعد ما البية الصنايعي يغير كل حاجة انا اخش احاسب علي اللي يقولي علية وخلاص وطلع الباشا مغيري الفلتر بفلتر مصري وبعد ما غيرت الفيتيس بيومين الزيت كلة نزل في الارض وانا ماشي في طريق الكورنيش وكانت حتحصل كارثة لولا ساتر ربنا وطبعا بعد ما رحت زعقت وشتمت وبعد الاسف وتغير الزيت والفلتر تاني حتعمل ايه غير انك تاخد بعضك وتمشي مع الحلفان انك مش حتعتب محطة البنزين دي تاني ولو عشان تحط فيها بنزين حتي وربنا بيسترها

: 010104~171: