ما الفارق بين كيا برايد الكوري و السايبا؟؟؟

[mhemam2005]

السلام عليكم
ارجو ان ترشدوني للفارق بين الكيا برايد السايبا و الكوري؟
من حيث الاداء و اسعار و توفر قطع الغيار..

كما ارجو منكم ممن لديه باع بشأن هذه السايرة أن يساعدني في تقييم سيارة معروضة عليا بالمواصفات التالية :

كيا برايد 2006 مانوال تكييف و سنتر لوك و زجاج كهرباء و باور ( يلزمها حشو اسكتره) + رسوم التسجيل
و كيف اميز ان كانت كوري او سايبا؟
منتظر ردكم بشده

[AbOnOrA]

مبدئياً الاساسيات واحدة يعنى الشاسية - الفتيس - الموتور - العفشة كل ده واحد وقطع الغيار بالنسبة للاتنين واحد ومتوفرة وسعرها رخيص

وقبل ما نتكلم عن الاختلافات فيه فرق بين الكورى موديلات قبل سنة 2000
وبعدين الكورى بعد سنة 2000 لان ديه مش كورى زى ما ناس كتير فاكره ديه برضو ايرانى او مصرى AAV مصنع الانتاح الحربى بس نسبة المكون الكورى كبيرة

وبعدين لحد 2006 نفس كل حاجة تقريبا زى القديم
وبعدين من 2007 لحد دلوقتى اللى هى السايبا 141

اللى حضرتك بتتكلم عليها تقريبا هى السايبا برايد الايرانى اللى كان منزلها توكيل الامل بتاع الادا زى اللى معايا

ديه الفرق بينها وبين الكورى او الكورى المصرى كالتالى

الموتور فى الجديدة انجكشن فى القديمة كربراتير وده فارق حوالى 5 - 6 حصان
فيه تغيير بسيط فى شكل الكبوت والشبكة بس الشبكة القديمة وكل قطع الغيار القديمة تركب عليها عكس البرايد 2007 الفوانيس والرفارف والكبوت مختلفين تماما

المفروض موديل 2006 ده مفيهوش باور ازاى حضرتك بتقول ان فيها باور

وبالنسبة للتميز فهو سهل عن طريق تمييز شكل الكابوت القديمة الكابوت حتة واحدة الايرانى ال 2006 الكبوت فيه سوكتين نازلين لحد الشبكة ده خارجياً
كمان الفوانيس القدام كريستال والشبكة شكلها مختلف
وبالنسبة للسعر حسب الحالة طبعا بيتراوح بين 36 - 40 حالياً

ولو فيه اى استفسار تانى تحت امرك

[noureymo]

المشاركة الأصلية كتبت بواسطة AboNoRa مبدئياً الاساسيات واحدة يعنى الشاسية - الفتيس - الموتور - العفشة كل ده واحد وقطع الغيار بالنسبة للاتنين واحد ومتوفرة وسعرها رخيص وقبل ما نتكلم عن الاختلافات فيه فرق بين الكورى موديلات قبل سنة 2000 وبعدين الكورى بعد سنة 2000 لان ديه مش كورى زى ما ناس كتير فاكره ديه برضو ايرانى او مصرى AAV مصنع الانتاح الحربى بس نسبة المكون الكورى كبيرة وبعدين لحد 2006 نفس كل حاجة تقريبا زى القديم وبعدين من 2007 لحد دلوقتى اللى هى السايبا 141 اللى حضرتك بتتكلم عليها تقريبا هى السايبا برايد الايرانى اللى كان منزلها توكيل الامل بتاع الادا زى اللى معايا ديه الفرق بينها وبين الكورى او الكورى المصرى كالتالى الموتور فى الجديدة انجكشن فى القديمة كربراتير وده فارق حوالى 5 - 6 حصان فيه تغيير بسيط فى شكل الكبوت والشبكة بس الشبكة القديمة وكل قطع الغيار القديمة تركب عليها عكس البرايد 2007 الفوانيس والرفارف والكبوت مختلفين تماما المفروض موديل 2006 ده مفيهوش باور ازاى حضرتك بتقول ان فيها باور وبالنسبة للتميز فهو سهل عن طريق تمييز شكل الكابوت القديمة الكابوت حتة واحدة الايرانى ال 2006 الكبوت فيه سوكتين نازلين لحد الشبكة ده خارجياً كمان الفوانيس القدام كريستال والشبكة شكلها مختلف وبالنسبة للسعر حسب الحالة طبعا بيتراوح بين 36 - 40 حالياً ولو فيه اى استفسار تانى تحت امرك

بعد اذنك يا ابونورا
في فرق في فلتر الهوا وفلتر البنزين
وكمان السيور(تكييف - دينامو - كاتينة)
ده الي انا عرفته لحد دوقت
شكرا ويا ريت تصححلي لو في اي حاجة مش مظبوطة من الي فوق دي

[AbOnOrA]

فلتر هواء الانجكشن واكسسواراته كلها تختلف عن الكربراتير طبعاً بس السيور واحد وفلتر البنزين بيركبلها اى فلتر ممكن بتاع الادا او بتاع الهيونداى او الانوس

[drdsha]

عاوز كيا برايد سيدان موديل من1998 حتى 2002 وتكون فبريقا دواخل ارجوكم