تحذير لمريدي السرعات العــــــــالية

[tarek_sayed]

يا جماعة انا اسف علي تدخلي في الموضوع بس انا حبيت انبة عن حاجة مهمة
وهي
مهما كانت السرعة في اي عربية خطر جدا لأن الطرق بتاعتنا في مصر نسبة الأستواء فيها 61% يعني الأستواع مش متوازن ودة بيعمل نسبة ارتجاج عالية في جلد الكنوك اللي ماسك مجموعة الصرة مع الكوبلن والمساعدين والخطورة انة ممكن يحصل كسر مفاجئ فية او في البيضة وساعتها المجموعة دي تنفلت والعربية تتقلب مش اقل من 35 مرة بأتجاهات مختلفة وتصبح دي كارثة محققة ودة لو علي سرعة 125 فما بالكم بالسرعات الأعلي؟؟؟
والعربيات الأسبرانزا غير مجهزة لتحمل الطرق الغير ممهدة جيدا زي الطرق في الخليج وامريكا والمانيا
لكن في عربيات مجهزة لكدة زي الرولز رويس-الجاجوار البورش-البوجاتي -اللمبورجيني وطبعا اخر فئة هي الكاديلاك والمرسيدس؟؟؟؟
الرولز رويس مثلا بيعتبر نسبة الأهتزاز فيها مع الطرق الغير جيدة زي طرقنا المصرية 11% ودة يعتبر اعجاز في التصميم
اضافة الي ان المحركات بتاعتها مصممة لنسب انضغاط عالية في البساتم وعامودي الكامة والكرنك عند سرعة لفات عالية مما يؤدي الي اتزان اكتر في المحرك
هذة معلومات قليلة ممكن افيد بيها منتدانا الغالي واعضائة
تحذير.........لا تنسي يا اخي ان دار الأفتاء السعودي عام 1988 اصدر فتوي فحواها ان من قاد سيارتة علي سرعة 140 كلم وحدث لة حادث وتوفي يعتبر منتحرا وكافر ولا يغسل او يدفن في مدافن المسلمين
شكرا
طارق اسيوط

[kj1]

واحنا مالنا ومال السعودية ولا هما بقوا بيفتولنا فى مصر----خليك ابن البلد ده وشوف الفتوى من ازهر بلدك ولا ايه رايك

[osa92003]

لاحول ولا قوه الا بالله ..يعنى حضرتك بتشرح حاجه وبتضرب المثل بالاسبرنزا!!!!!!!!!!!!!!! !!!!!!!!!!!!!!!!! يعنى على اساس ان كل العربيات التانيه فى مصر مجهزه وزى الفل ؟؟؟؟؟؟؟اعتقد ان حضرتك بتعمل دعايه لعربيات تانيه :w6w200504112236376d:w6w20 0504112236376d

[drpepo]

سامحنى اعتقد الموضوع ليس صحيحا وخصوصا لو كان كلام حضرتك صحيح كان المفروض نص ميكروباصات مصر مثلا تبقى متكسرة ومقلوبة
دا مفيش ميكروباص بيقل عن 120
العربيات الملاكى مفيش عربية ببتقل في الطرق السريعة عن 110
وخصوصا مش هيعمل رجرجة في السيارة واحنا مش نحس بيها ولا ايه بس
ياريت توضلحنا اكتر

[ahmed el gendy]

اكيد الكلام ده صح بس في الطرق الغير ممهده يعني مش تمشي في طريق متكسر او لسه بيترصف علي 100 وتقول الكبالن والسرر مش هتتهز لا طبعا هتتهز وبالنسبه للاخ العزيز اللي بيقول كل ميكروباصات مصر مش متكسره مين اللي قالك الكلام ده يا باشا اتخن ميكروباص ف مصر بيعمل عمره كامله كل سنتين ونص بالكتير مادام اللي شغاتل عليه مش صاحبه جرب يومين كده وانسي ان عندك عربيه خااالص واركب ميكروباصات هتلاتقي التويوتا 2010 ماشي وهتحس العفشه بتاعته محصلتش عفشه توكتوك ىمن التكسير والترزيع في المطبات